للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :






العودة   منتديات الأستاذ التعليمية التربوية المغربية : فريق واحد لتعليم رائد > منتديات الثقافة والآداب والعلوم > منتدى الإبداعات الأدبية الحصرية > القصة



إضافة رد
  رقم المشاركة : ( 1 )  
قديم 2014-10-25, 20:43
الصورة الرمزية houmidi59
 
بروفســــــــور

 الأوسمة و جوائز
 بينات الاتصال بالعضو
 من مواضيع العضو
  houmidi59 غير متواجد حالياً  
الملف الشخصي
رقــم العضويـــة : 20358
تـاريخ التسجيـل : Aug 2010
العــــــــمـــــــــر :
الــــــــجنــــــس :
الإقــــــــــامــــة :
المشاركـــــــات : 2,073 [+]
آخــر تواجــــــــد : ()
عدد الـــنقــــــاط : 2932
قوة التـرشيــــح : houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute
a9 مذكرات معلّم في البادية (2005/........)





السلام عليكم إخواني وأخواتي متتبعي مذكراتي السابقة بالدارجة المغربية ، سواء التي تخص بداياتي في العالم القروي أو التي تهم قرابة 23 سنة من العمل في العالم الحضري بمدينة تاوريرت.
في الحقيقة كنت قررت أن لا أكتب مذكراتي الجديدة بعد انتقالي الى ضواحي وجدة حتى انتقل من هناك ؛ ولكن يظهر أن الإقامة أضحت في سنتها العاشرة وما زالت الوضعية كما هي.لهاذا قلت في نفسي . " علاش ما نكتب على هاد العشر سنوات سيما وأن 3600 يوم غنية بالأحداث ؟ فعلا غادي نكتب الحلقات ابتداء من هاد الليلة .بالطبع كي العادة غادي تكون بالمباشر حيت خوكم الحوميدي ما عندوش مع الكتابة والنقل ههههههه
قبل ما ندخلو للموضوع بغيتكوم تعاودو تقراو الخاتمة اللي كتبت في مذكرات معلم في العالم الحضري

انتهت مذكرات حوميدي في العالم الحضري.دابا حوميدي كيشتاغل في مجموعة مدرسية كتبعد على وجدة ب34 كيلومتر .كل صباح من غير السبت والأحد كيمشي يخدم ويرجع مع الجوج و30 دقيقة.فالبادية كاين كي العادة التكرفيصْ وخاصة حيت كنت آخر من التحق عانيت تقريبا جوج ديال السنوات فواحد الفرعية فيها البيسْتْ وكان عندي مشاكل مع السكان ومع المدير
هاديك قصة أخرى ، شي عام نْعاودها ليكوم بْحالْ الحجاية ، شي عام إما نْكون خْديتْ التقاعد ديالي أو نكون انتاقلت لمدينة وجدة.
على كل حال ، خوكم الحوميدي دائما عضو نشيط وكيخدم بْنيْتو والحمد لله فهاد الساعة راها عندو شْحالْ من مسؤولية كيْقوم بيها بدون أن يقول (أحْ) أو يشْكي كما يفعل المعلمون مين تكترْ عليهوم الخدمة



الحلقة الأولى :
الزيارة الأولى لمجموعة مدارس عبد الرحمان الداخل

أول مرة في حياتي كنت ننتظر الدخول المدرسي بفارغ الصبر.تصورو كنت باغي نعرف الموقع ديال هاد المدرسةوالفرعيات اللي تابعاليها.بالطبع واخا نمشي ليها راها سادّة حيت العطلة .لهادا كان علي نصبر حتى لبداية شتنبر.
فعلا جا شهر شتنبر اللي كنت من قبل كنكرهو حيت كان بداية الفراق مع العائلة ديالي بعدما كنت نمشي لتاوريرت باش أولا نقلّب على الكراء ومن بعد نقل الامتعة اللي نحتاج ليها.دابا تهنّينا من هاد المشاكل ولكن خاصني نمشي نشوف هاد المجموعة المدرسية باش مّا كان.
جا شهر شتنبر والصراحة داز علي شهر يوليوز شحال طويل خلافا للسنوات السابقة.المهم اليوم الأول منّو غادي المديرين يْوقعو محاضر الدخول في النيابة.اوى ما يمكنش ليا نتحرك .الغد ليه المديرين غادي يلتاحقو بالمدارس ديالهوم.اوى خوكم الحوميدي يمشي يزور هاد المجموعة ويتعرف على المدير ديالها ويمكن حتى الفرعية اللي غادي يخدم فيها.
الغد ليه بنتي عفاف بغات ترافقني..حيت حتى هي بغات تعرف مقر العمل ديالي الجديد.
اول حاجة مشينا لمحطة الطاكسيات .مين وصلنا لقينا شي طاكسيات تقريبا عامرين ولكن الوجهة ديالهوم ماشي ديالي والمشكل أنا ما عارفش تقريبا فين نمشي.جاب الله شي واحد ومن حسن الحظ معلم او عندو فالفاميلا شي حدْ فالتعليم أو قاري مزيان ، قال ليا مين قلت لو على الاسم ديال المجموعة المدرسية :
- خاصك تركب فالطاكسيات ديال سيدي بوهرية ولكن تنزل فلبصارة
بعدما شكرتو مشيت نقلب على هاد الطاكسي اللي تكلّم لي عليها المعلم او هاداك اللي عندو شي حد فالتعليم أو قاري مزيان (هههه).فعلا لقيت وحدة ما فيها حتى واحد .قرّبت من الشيفور اللي كان ناعس :
_ السلام عليكم
خونا بالله قفز ولكن غير شافني استبشر :
_ وعليكم السلام
ما خلّيتوش يتكلّم :
_ الله يخلّيك هاد الطاكسي تمشي لسيدي بوهرية
رد علي :
_ نعم سيدي ولكن راك انت اللّول ...مازال ما كاين حد
شفت في بنتي وقلت ليها : اوى يمكن غادي نستنّاو بزاف باش نركبو
مول الطاكسي هو اللي جاوبني :
_ آش نقول لك أسيدي ..داك الشي نهارات واليوم الثلاثاء قليل فيه الركوب فهاد الجهة على حقّاش الناس يمشيوْ لسوق النعيمة أو بركان.
المهم دازت تقريبا ساعة وما بان حتى واحد.
شي شوية قرّبت من الشيفور اللي عاود تاني قْفزْ من بلاصتو حيت كان ناعس
_ اسمح لي الشريف بشْحال لبلاصة ؟
_ 10 ديال الدراهم
شفت فالبنت ديالي وقلت ليها : غادي نخلّصْ كورصة .
سبحان الله العظيم : التاريخ يعيد نفسه.باقي عاقل أول يوم كان خاصني نمشي لعروبية اولاد سليمان اطلب منّي الشيفور ديال الطاكسي 100 درهم .
دابا خاصني نخلّص 60 درهم ولكن الحمد لله عندي الراتب ديالي وهادي قانونية .شفت فيه:
_ يا الله أخويا وصّلنا لسيدي بوهرية ولكن غادي نزلو غير فالطريق
_ ما كاين مشكل
خلّصناه وركبنا
الطاكسي شدّات الطريق ديال الغرب...يعني اتجاه فاس .بعدما قطعت 17 الكيلومتر تقريبا، كاين واحد ملتقى الطرق .الشيفور مشى مع الطريق الثانية وخوكم الحوميدي قْرى فلبلاكة : عين الصفاء - لبصارة - تافوغالت.
هاد الطريق واخا فيها الكودرون(goudron) يعني معبدة ضيقة شي شوية ولكن الميزة ديالها غاديا مستقيمة .كنت راكب حْدى الشيفور والبنت ديالي كانت مورايا .
شي شوية قلت للشيفور : مين تلحق واحد المدرسة الاسم ديالها مجموعة مدارس عبد الرحمان الداخل ، أوقفْ
شي شوية ، قال لي الشيفور :
_ ها المدرسة
هي هاديك انزلنا انا وبنتي وقرّبنا من المدرسة .تبان الصراحة قديمة والباب ديالها فديك لوقيتة فكّرني بالبيبان ديال المستوصفات القروية.ماشي بعيد هاد الباب راها تبرعات بيها وزارة الصحة لخوتنا المعلمين.أما العجيب فالمدرسة السور ديالها اللي ما يتعدّاش العلو ديالو متر.ربما هادي حاجة زينة : الى وصلنا شوية روطار وكان الباب مسدود اوى غير نقّز الحيط
من الصدف الجميلة كان الباب محلول ولكن يا الله فاش بغينا ندخلو ويجي لعندنا شي واحد صحيح.ماشي بعيد المدير .
خوكم فيه الأدب : اسمح لي سعادة المدير
شافْ فيا وضحك : بارك الله فيك أسيدي
تعجّبتْ :
_ ياكْ انت المدير ؟
_ آه يا خويا واش باينة عليا ؟
شي شوية قالت لي عفاف :
_ بّّا ها الادارة ويمكن المدير راه الداخل
خونا بالله قال لي : أنا الحارس ديال المدرسة .آش بغيتو ؟
جاوبتو :
_ أنا الاستاذ الجديد
خونا بالله فرح وقال لي : تبارك الله متشرفين أستاذ...
_ الأستاذ عبد الحميد
هي هاديك وصّلنا لعند المدير.
هاد المدير باين تقريبا فالعمر ديالي ، طويل وأنيق .الصراحة المديرين اللي كنت نعرف في تاوريرت الأغلبية ديالهوم غير بورزة.
_ السلام عليكم
_ وعليكم السلام ، تفضلو
دخلنا للإدارة وقدّمت لو نفسي :
_ الأستاذ عبد الحميد كنت نخدم في تاوريرت وراه جاني الانتقال ل م/م عبد الرحمان الداخل
_ مرحبا بيك عندنا .نتمنّى تلقى راحتك عندنا
جاوبتي : انا راحتي نلقى الجو المناسب ديال الخدمة
_ الله يعطيك الصحة وهادا هو المطلوب
بعدما عبّأت واحد المطبوع ، اعطاني السيد المدير واحد النبدة موجزة على المجموعة المدرسية وقال لي :
_ جوج أساتذة جداد تعينو هنا هاد العام انت واحد منهوم.الثاني راه معرّب وانت مزدوج.يعني انت يمكن ليك تْدرّس العربية والفرنسية
ردّيت عليه :
_ ما كاين مشكل .سبق لي خدمت فلعروبية ولكن هادي شحال وراني قرّيت الثالث والرابع والخامس عربية وفرنسية
_ تبارك الله وهادا فال زين ....بغيت نقول ما غاديش تلقى هنا شي مشكل
_ نتمنى سيدي المدير
المهم سوّلتو على الفرعية اللي غادي نخدم فيها أو هو يقول لي:
_ راها ما بعيداش بزاف ..يا الله هاديك 9 كيلومتر.
اندهشت : 9 كيلومتر !:!!! واش كاين شي مركوب ؟
المدير ضحك وقال لي : سّي عبد الحميد ياكْ ما يسْحاب ليك راك فلمدينة...هادي راها لعروبية
_ اوى ؟
_ ما تضرب هم ، كاين الاخوان معا من يمكن ادّير لانافيط (la navette)
_ الحمد لله
واحد لوقيتة ادخل واحد السيد .عرفت من بعد باللي هو حارس عام ديال الملحقة الاعدادية والمتواجدة داخل مركزية عبد الرحمان الداخل.زعما كاين الابتدائي والاعدادي.
بعد التعارف بيناتنا ودّعنا باش يمشي لوجدة.هي هاديك اقترح علينا باش نرافقوه حيت المركوب ما كاينش.
ودعنا المدير بعدما اخبرني بأن الدخول هو يوم 4 شتنبر وبعدما اعطاني الرقم ديال التيليفون باش نتّاصل بواحد الاستاذ عندو سيارة ويمكن نتّافق معاه بخصوص يوم توقيع المحضر
خلاصة القول هاد المجية كانت مفيدة : راني تعرفت على المدرسة وعرفت الفرعية اللي غادي نخدم فيها ودبّرت على راسي فالمركوب وفي الأخير راحنا راجعين لوجدة بيليكي ( فابور)
السيد الحارس العام كان يسكن في حي الديوانة وبالطبع جينا فالطريق ديالو وما احتاجيناش نركبو فالطوبيس باش نمشيو للدار.

انتهت الحلقة الأولى.أترككم في رعاية الله وحفظه وسنلتقي بإذن الله بعد يومين أي يوم الإثنين في نفس التوقيت.
ملاحظة مهمة : أريد منكم ارتسامات حول الحلقة الأولى فلا تبخلوا بها علي.




abouimane, فاطمة الزهراء, أم طه و 3 آخرون شكر صاحب المشاركة.
توقيع » houmidi59







رد مع اقتباس
قديم 2014-10-26, 19:55   رقم المشاركة : ( 2 )
بروفســــــــور

الصورة الرمزية abouimane

الملف الشخصي
رقــم العضويـــة : 56
تـاريخ التسجيـل : Apr 2009
العــــــــمـــــــــر :
الــــــــجنــــــس :  male
الإقــــــــامــة : المغرب
المشاركـــــــات : 7,382 [+]
آخــر تواجــــــــد : ()
عدد الـــنقــــــاط : 8702
قوة التـرشيــــح : abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute abouimane has a reputation beyond repute

 الأوسمة و جوائز
 بينات الاتصال بالعضو
 من مواضيع العضو

abouimane غير متواجد حالياً

thank رد: مذكرات معلّم في البادية (2005/........)

شكرا لك على هذه المذكرات
حقيقة معاناة أسرة التعليم
بالتوفيق لك
سلاميــ
فاطمة الزهراء, أم طه, houmidi59 و 2 آخرون شكر صاحب المشاركة.
توقيع » abouimane
.................................................. ........................................

كن ابن من شئت و اكتسب أدبا \/\/ يغنيك محموده عن النسب

.................................................. ........................................

  رد مع اقتباس
قديم 2014-10-26, 20:53   رقم المشاركة : ( 3 )
بروفســــــــور

الصورة الرمزية houmidi59

الملف الشخصي
رقــم العضويـــة : 20358
تـاريخ التسجيـل : Aug 2010
العــــــــمـــــــــر :
الــــــــجنــــــس :
الإقــــــــامــة :
المشاركـــــــات : 2,073 [+]
آخــر تواجــــــــد : ()
عدد الـــنقــــــاط : 2932
قوة التـرشيــــح : houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute

 الأوسمة و جوائز
 بينات الاتصال بالعضو
 من مواضيع العضو

houmidi59 غير متواجد حالياً

افتراضي رد: مذكرات معلّم في البادية (2005/........)

اقتباس
مشاهدة المشاركة المشاركة الأصلية كتبت بواسطة abouimane
شكرا لك على هذه المذكرات
حقيقة معاناة أسرة التعليم
بالتوفيق لك
سلاميــ




بارك الله فيك أخي أبا إيمان على الرد والمتابعة
يظهر أن الإخوة والأخوات غائبون مثلي عن المنتدى أو أن القسم أصبح مهجورا
على كل أنتظر دائما ملاحظاتهم وارتساماتهم
تحياتي أخي الكريم
توقيع » houmidi59







  رد مع اقتباس
قديم 2014-10-27, 19:33   رقم المشاركة : ( 4 )
بروفســــــــور

الصورة الرمزية houmidi59

الملف الشخصي
رقــم العضويـــة : 20358
تـاريخ التسجيـل : Aug 2010
العــــــــمـــــــــر :
الــــــــجنــــــس :
الإقــــــــامــة :
المشاركـــــــات : 2,073 [+]
آخــر تواجــــــــد : ()
عدد الـــنقــــــاط : 2932
قوة التـرشيــــح : houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute

 الأوسمة و جوائز
 بينات الاتصال بالعضو
 من مواضيع العضو

houmidi59 غير متواجد حالياً

افتراضي رد: مذكرات معلّم في البادية (2005/........)

ملاحظة مهمة : أريد منكم ارتسامات حول الحلقة الأولى فلا تبخلوا بها علي.


توقيع » houmidi59







  رد مع اقتباس
قديم 2014-10-27, 20:51   رقم المشاركة : ( 5 )
بروفســــــــور

الصورة الرمزية houmidi59

الملف الشخصي
رقــم العضويـــة : 20358
تـاريخ التسجيـل : Aug 2010
العــــــــمـــــــــر :
الــــــــجنــــــس :
الإقــــــــامــة :
المشاركـــــــات : 2,073 [+]
آخــر تواجــــــــد : ()
عدد الـــنقــــــاط : 2932
قوة التـرشيــــح : houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute houmidi59 has a reputation beyond repute

 الأوسمة و جوائز
 بينات الاتصال بالعضو
 من مواضيع العضو

houmidi59 غير متواجد حالياً

افتراضي رد: مذكرات معلّم في البادية (2005/........)

الحلقة الثانية : يوم توقيع المحضر ولقائي بالميلود

في اليوم الثاني اتصلت بالأستاذ اللي اعطاني المدير الرقم ديال التيليفون ديالو .بعدما عرّفتو بنفسي ، قلت لو : " واش يمكن لي غدّا نجي معاكوم فالطومبيل ؟
الاستاذ تلعثم فالهضرة .يمكن الى هاد لكلام ديالي فاجْؤو ولكن واخا هكدا ردْ علي بكل أدب : " اسمح لي أستاذ عبد الحميد ، ما تقدرش تجي معانا حيت عندي 4 ديال لبلايص وكولهوم عامرين "

مشكلة هادي .الحل يمكن نمشي لبلاصة الطاكسيات ونجرّب حظي .ربما نهار الاربعاء تكون فيه شوية الحركة.
يا الله فاش جيت نقطع بعدما قلت لو ما كاين مشكل ، خونا بالله قال لي : " اصبر أخويا يمكن الى لقيت لك الحل...كاين واحد الاستاذ ولكن ما خدّامش معنا .هذا فواحد المجموعة ماشي بعيدة علينا.هادا تقدر تْنافيطي معاه."
فعلا أعطاني الرقم ديالو والاسم ديالو وقال لي باللي خاصني نتاصل بيه هاد النهار.
ما عليهش.اتاصلت بالأخ نور الدين وبالطبع عرّفتو بنفسي وقلت لو اللي كاين .الحمد لله جوابو فرّحني.دابا ما بقى لي غير نتّافق معاه على لبلاصة ديال اللقاء والتوقيت.
من الصدف العجيبة خونا بالله يسكن في حي كولوش وهاد الحي مُحادي لحي الطوبة اللي أنا ساكن فيه.هي هاديك اتّافقنا نتلقاو قدّام مركز الوقاية المدنية مع الساعة الثامنة صباحا.
فالغد ليه كنت سابقهوم فالموعد.المشكل نسيت باش نقولو النوع ديال السيارة ديالو .
شي شوية يمكن دازت واحد 10 ديال الدقائق وقفت احْدايا سيارة من النوع رونو 18 رمادية ونزل واحد بولحية صحيح ( قوي) واقترب مني وهو يبتسم :

- السلام عليكم ...الاستاذ عبد الحميد ؟
- نْعام أنا هو ...
- متشرفين أنا الأستاذ موسى والاستاذ نور الدين هو مول الطوموبيل.أجي تفضل....
بعدما ركبت فالسيارة سلّمت على الشيفور ، هي هاديك شدّينا الطريق لواد الناشف.قبل ما نوصلو لمحطة الكيران وقف نور الدين وقال لي : كاين واحد الأخ موالف يركب معانا .غادي نسْتنّاوْ شي شوية .ياكْما كاين مشكل ؟
جاوبتو : أنت مول السيارة وراك داير فيا خير كبير ، علاش زعما ما نستانّاش ؟
فعلا دازت واحد 10 دقايق وشفنا واحد الشاب اسمر اللون يحيينا ويركب
فالسيارة.بالطبع لاحظ الوجود ديالي .الأخ موسى قال لصاحبو : نقدّم لك الأستاذ عبد الحميد.
شافْ فيا وقال لي : هاد الأستاذ اللي خلّنا نستنّاوْ كاعْ هاد الوقت راه الأستاذ أمين.
مدّيت لو يدّي : متشرفين بالمعرفة ديالك سّي أمين
المهم مشينا وبعد تقريبا نصف ساعة كنّا فالمجوعة المدرسية ديالي.الأخ نور الدين قال لي : حنا عندنا الاجتماع في عين الصفاء .خاصنا نمشيو وغادي غير نساليوْ من الاجتماع غادي نْدوزْ لعندك.ماتمشي فين
- ردّيت عليه : واخا وبارك الله فيك.
مين دخلت للمركزية ، كانو المعلمين سابقينّي.كولهوم كانو حاضرين ولكن الحمد لله كانو فالساحة على شكل مجموعات.بقيت زعما نْقلّبْ على شي معرفة فهاد لوجوه ولكن وتقول شي واحد نعرفو.النظرة ديالي لهاد المعلمين أن الأغلبية ديالهوم ماشي كْبار فالسن : تقريبا بين 20 و30 عام ، يا الله واحد 3 اللي بانو ليا كبار ويمكن أكبر مني.
شي شوية بان لي واحد الاستاذ طويل وكبير فالسن واقف غير بوحدو .حتى هو مسكين ما يعرف حتى واحد.شافني وشفتو .اوى كل واحد اتّاجه عند صاحبو.هو اللّوّل اللي تكلّم معايا : باينة انت هو الأستاذ الجديد اللي انتاقل معايا...
جاوبتو : فعلا أنا هو ...حتى أنت جديد هنا ؟
_ إيهْ....فين كنت خدّام من قبل ؟
_ في تاوريرت وأنت ؟
_ في أكليم .....جهة بركان
المهم تكلمنا أنا والأخ وعرفت من بعد عليه بزاف ديال المعلومات.
المهم واحد الربع ساعة دازت والأساتذة يدخلو عند المدير .شي شوية المدير افتتح الاجتماع ورحّب بيا وبالاسالذ البركاني، ثم اسند لكل واحد المستوى ديالو .
انا اللي كان يهمني هو مع من غادي نخدم .فعلا السيد المدير قال لي : أنت عندك المستوى الأول والثاني والثالث في فرعية مرزوك والأستاذ الميلود عندو الرابع والخامس والسادس.
بالطبع قرّبْ مني واحد الرجل يبانو أسنانو طايحين ولكن موحال من كثرة الخدمة.هاد الأخ فالأول يسحاب لي فاسي حيت اللهجة ديالو فاسية مية فلمية ولكن الجميل فهاد الشخص خفيف الظل ودغيا ادخل ليا في خاطري.
المهم قال لي : أجي نخرجو شي شوية برّا باش نتحدْثو
فالساحة تحدثنا ولكن الحديث كان على فرعية مرزوك.
خوكم الحوميدي كان باغي يعرف كولشي على الفرعية :
_ هاد الفرعية ماشي بعيدة ياكْ أخويا الميلودْ ؟
ضحك وردْ علي : ماشي بعيدة بزاف
زدْت قولتو : قال لي المدير راها تبان من هنا ...
دار صبعو في راسو ودار ليا علامة داك اللي خاصّو بولون وقال لي : ياكْ ما
شاربْ ؟
جاوبتو : شارب أتاي
شافْ فيا وقال لي : ما بايناشْ عليكْ.
من بعد تأكد باللي ما رانيش نضحك عليك أو هو يقول لي : شوف أسّي حميد، نتكلمو فالمعقول : واش عندك شي حديدة ؟
ما فهمت والو : زعما ؟
_ واش عندك شي بشكليط أو موطور ؟
ابتسمت : عندي اسمهان لاموطو ديالي
_ اوى خاصك تجيبها والا أوحلتي هنا يا ولدي ..



يتبع بعد غد إن شاء الله الحلقة الثالثة

فاطمة الزهراء, أم طه و elqorachi zouaouia شكر صاحب المشاركة.
توقيع » houmidi59







  رد مع اقتباس
إضافة رد

مواقع النشر (المفضلة)


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة

منتديات الأستاذ

الساعة الآن 12:14 لوحة المفاتيح العربية Profvb en Alexa Profvb en Twitter Profvb en FaceBook xhtml validator css validator



جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها

Powered by vBulletin® Copyright ©2000 - 2019, Jelsoft Enterprises Ltd