نبيدا بسم الله اولا ديرت لعسل طريقة ديال واحد الاخت الله يجازيها بلخير
2كيلو سنيد+1 ليترو لما+اتاي+قرنفل نديرويهم رزيم صغيرة+نيص حامض كنديرو كولشي ف كوكوط و نيسدو عليه ش نيص ساعة ولا 45 دقيقة
ندوزو دبا لمقادير د شباكية سراحة كتجي بنينا و هشيشة:
زلفة زيت لعود + زلفة زبد+1بيض+ملعقة صغيرة خميرة العجين+زلفة لوز محمر و مطحون+زلفة زنجلان محمر و مطحون+نصف زلافة الخل+2 كوزات+1ونص خميرا حمرا+النافع+حبة حلوة+زلفة ماء زهر+قبصة ملح+الزعفران +زلفة دلماء+الدقيق ف الاخير
العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة
انا جيبت ليكم الطريقة بالتفصيل الممل
كنطلقوا العجينة و نقطعوا أشرطة:
ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة و فالأخير نلصقوا راس دشريط مزيان
مقاديرالحشوة:
الطون ـ البصلة ـ الزيتون مقطع ـ فرماج محكوك ـ البصلة الخضارية (الحريف) -فلفلة ـ ملح ـ إبزارـ تحميرة ـ معدنوس تانصهدو البصلة الكبيرة فالزيت ديال الطون من بعد نزيدو الفلفلة مقطعة من بعد نزيدو الحريف و الزيتون و نزيدو الملح ـ إبزارـ تحميرة و بلا مانطيبوهم بزاف و نزيدو الطون و نخليو الخليط يبرد ملي يبرد الخليط شوية نزيدو الفرماج محكوك و المعدنوس مقاديرالعجين
300g دقيق ـ بيضة ـ شوية الملح ـ 60g زبدة ـ 15g خميرة معجونة ـ نصف كاس حليب ـ شوية ديال الماء
تانعجنو جميع المقادير و نجمعو بالماء الدافئ ويكون العجين خفيف شوية و نغطيوه و نخليوه يستراح شوية تانقطعوه كواور ههه وتانطلقوالعجينة غير شوية و نحطو شوية من الحشوة و نجمعوها و نحطوها فالطاوة اندهنوهم باصفر بيضة و نرشوهم بالجلجلان و ندخلوهم للفرن و هاهم واجدين بالصحة و الراحة