نصيحة لوجه الله تعالى اخوتي
ما ضربوش الدراري
راه المداخلة ديالي ما كانتش تكون هكذا واحد اربع سنوات قبل
راه كنت كنآمن بالضرب التربوي اللي فيه غيرة على المتعلم و على مصلحتو
لكن بعد معاينتي لتجربة أستاذ يعمل في نفس الدائرة و أعرفه شخصيا خلاص حرمت
و هذه كانت قصته المسكين:
المهم البنت كانت مريضة بالصرع و كانت كتمشي عند شي فقيه تايكوي لها راسها بالعافية
البنت عندها قروح خامجة فالراس جراء الكي
المعليم ما عارف والو
جا ضربها بالمسطرة للراس قالها انتبهي ضربة خفيفة البنت طاحت و غابت على الوعي جاتها النوبة
هزها مسخوط الايام و هنا باش كمل على راسو و داها بطوموبيلتو للطبيب
فاقت البنت من الغيبوبة
و جاو والديها داوها للدار
و البنت غبرات
ما بقات تجي للمدرسة
خماج ليها الراس و قيح
المعليم مشا زارها مرات فالبيت
ايوة البنت صافي زاد عليها الحال
الفقيه اللي تايكوي ليها الراس نساوه
و المعليم اللي ضرب الحبوبة المقيحة شدو فيه
دعاوه فالمحكمة
المسكين اعترف
و كحلها على راسو
دخل الحبس
و تبتات عليه التهمة مع التلاميذ الشهود
و مشات على عينيه عجاجة
راه مسكين خرج من الحبس و تايشومي فوزان مسقط رأسه
الله يكون فعونه يارب
من هدي حلفت ما نقيس شي مسخوط و تجي سبتو علي
عافاكم اخوتي ما ضربوش الدراري
خافقو على راسكم و الله
و حتى اطفالكم ما ضربوهمش
راه شحال من واحد قتل ولدو بضربة وحدة فحالة غضب
ياربي يلاما تعطينا الصبر
و تخرجنا من الدنيا بلا عيب