زجلية في مدح سيد الخلق والأنام (بقلمي) - منتديات الأستاذ التعليمية التربوية المغربية : فريق واحد لتعليم رائد

2014-01-14, 13:20

رقم المشاركة : 1

houmidi59

بروفســــــــور

إحصائية العضو

houmidi59 غير متواجد حالياً

زجلية في مدح سيد الخلق والأنام (بقلمي)

هداهو عيد المولد النبوي
يحْتافل بيه لمْديني والقروي
الشموع ضاوية عند السلاوي
زيد عليها لبخور و زيد الجّاوي
ها لمْسمّنْ والحرشة ولمْلاوي
برْكوكشْ والتَّاقَنْتا اللّي ادّاوي
ماكاينْ غيرْ الرْجا والدْعاوي
نكونوفْزُمْرةْ سيدْنا المكّاوي

فرحتنا بيكْ راها عْظيمة وكْبيرة
ليلتك تقْصيرة واشْ مَنْ تقْصيرة
سيرتك يا سيدنا راها أعظم سيرة
راها تْبَكّي العينْ بالدْموعْ لغْزيرة
راحْنا طالبين شْفاعة مولْ لبْحيرة
فيها الخير كلّومْعرّمْ بلا تدويرة
شفّع فيا ونعيش من فوق لحصيرة
ربّي راه عالم آش كاينْ فالسْريرة

هاداسِيدْ النْبي سِيدْ الخلق والأنام
هو اللّي بيه عرفنا دين الإسلام
هو الفارس الشهم البطل الهمام
هو الأسد الليت كأنه الضرغام
نْزل عليه الوحيْ ماشي الإلهام
فْرَضْ عليه الصْلى والزْكى والصْيامْ
على أمْتو باش تبقى ديما للْقدّام
وحْنا ديما موراكْ يا مولانا الإمام

Houmidi 59 le 14/01/2014

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=709289

التوقيع

آخر تعديل houmidi59 يوم 2014-01-14 في 13:27.

2014-01-14, 18:08

رقم المشاركة : 2

a.khouya

مراقب عام

إحصائية العضو

a.khouya غير متواجد حالياً

رد: زجلية في مدح سيد الخلق والأنام (بقلمي)

السلام عليكم.
ا بدعت وأحسنت الوصف في سيد الخلق رسول الله صلى الله عليه وسلم.
بارك الله فيك

تحيتي وتقديري

2014-01-16, 08:57

رقم المشاركة : 3

نزيه لحسن

بروفســــــــور

إحصائية العضو

نزيه لحسن غير متواجد حالياً

رد: زجلية في مدح سيد الخلق والأنام (بقلمي)

نفحات طيبة تقطر عطرا من قلمك زجالنا و أستاذنا الكريم .

شخصيا استمتعت بقراءة القصيدة الزجلية ، وبعض أبياتها أسكنت ذاتي قشعريرة الشوق لزيارة قبر المصطفى صلى الله عليه و سلم .

إبداعكم الزجلي يمتلك نكهة السمو بحفيف العبر السامقة في سماء فن الكلمة ..

دوما في تألق بحول الله تعالى .