|
زجلية في مدح سيد الخلق والأنام (بقلمي) هداهو عيد المولد النبوي يحْتافل بيه لمْديني والقروي الشموع ضاوية عند السلاوي زيد عليها لبخور و زيد الجّاوي ها لمْسمّنْ والحرشة ولمْلاوي برْكوكشْ والتَّاقَنْتا اللّي ادّاوي ماكاينْ غيرْ الرْجا والدْعاوي نكونوفْزُمْرةْ سيدْنا المكّاوي فرحتنا بيكْ راها عْظيمة وكْبيرة ليلتك تقْصيرة واشْ مَنْ تقْصيرة سيرتك يا سيدنا راها أعظم سيرة راها تْبَكّي العينْ بالدْموعْ لغْزيرة راحْنا طالبين شْفاعة مولْ لبْحيرة فيها الخير كلّومْعرّمْ بلا تدويرة شفّع فيا ونعيش من فوق لحصيرة ربّي راه عالم آش كاينْ فالسْريرة هاداسِيدْ النْبي سِيدْ الخلق والأنام هو اللّي بيه عرفنا دين الإسلام هو الفارس الشهم البطل الهمام هو الأسد الليت كأنه الضرغام نْزل عليه الوحيْ ماشي الإلهام فْرَضْ عليه الصْلى والزْكى والصْيامْ على أمْتو باش تبقى ديما للْقدّام وحْنا ديما موراكْ يا مولانا الإمام Houmidi 59 le 14/01/2014 |
رد: زجلية في مدح سيد الخلق والأنام (بقلمي) السلام عليكم. ا بدعت وأحسنت الوصف في سيد الخلق رسول الله صلى الله عليه وسلم. بارك الله فيك تحيتي وتقديري |
رد: زجلية في مدح سيد الخلق والأنام (بقلمي) نفحات طيبة تقطر عطرا من قلمك زجالنا و أستاذنا الكريم . شخصيا استمتعت بقراءة القصيدة الزجلية ، وبعض أبياتها أسكنت ذاتي قشعريرة الشوق لزيارة قبر المصطفى صلى الله عليه و سلم . إبداعكم الزجلي يمتلك نكهة السمو بحفيف العبر السامقة في سماء فن الكلمة .. دوما في تألق بحول الله تعالى . |
| الساعة الآن 11:39 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd