|
مثل شعبي مغربي و شبيهه...دعوة للمشاركة: مثل شعبي مغربي و شبيهه...دعوة للمشاركة ـ اللي اتكل على حليب جيرانو،باتت تشيشتو مفورة. ـ اللي اتكل على مريقت جارتو،تيبات بلا عشا. ـ اللي اتكل على الظلمة،بات بلا عشا. ـ اللي اتكل على جارو ،باتت عشاه على نارو. ـ اللي اتكل على الناس يتاجْرُو لُو،بالكوادم(القادوم) ينجرو لو. ************************************************** ** |
رد: مثل شعبي مغربي و شبيهه...دعوة للمشاركة: -اللي كثرو بناتو كانو الكلاب نسابو . اللي كثرو بناتو كثرو عديانو -اللي كثرو بناتو كتر همو اللي كثرو بناتو قلال رزقو اللي كترو بناتو كترو عيوبو اللي كتروبناتو كترو حسادو. ***************************** |
رد: مثل شعبي مغربي و شبيهه...دعوة للمشاركة: كل زرع كيجيب الله من يكيلو كل زرع عندو كيالو كل فولة متقوبة كيجيب لها الله ديك اعور كل تمرة خامرة كيجيبلها الله بوشام(طائر) اعور |
رد: مثل شعبي مغربي و شبيهه...دعوة للمشاركة: ـ اللي بغى العسل يصبر على قريص النحل. ـ اللي بغى الحوت يفزك عليه سروالو. ـ اللي بغى نِينّو يشطح الليل كلّو. ـ اللي حب الزين يصبرلثقيب الودنين. ـ اللي حب الجبح ما يقول آآح. ****************************** |
رد: مثل شعبي مغربي و شبيهه...دعوة للمشاركة: *-اللي بغى التقار يجبدو لراسو. *-اللي بغى النجوم بالليل كيمشي لهم بالنهار. *-اللي بغاك بغيه واللي جفاك جفيه. *-اللي بغى الوضو الدايم يسخن لو الما حتى فالصمايم. |
رد: مثل شعبي مغربي و شبيهه...دعوة للمشاركة: *-خوك خوك لايغرك صاحبك. *-خوك خوك يمضغك ما يسرطك *-خوك خوك يحوزك ما يدوزك. *-خوك خوك اما ولد الناس يقد يكون عدوك. ********************************* |
رد: مثل شعبي مغربي و شبيهه...دعوة للمشاركة: *-اللي دار الذنب يتساهل لعقوبة. *-اللي دار راسو فالنخالة ينقبو الدجاج. *-اللي دار صبعو فالغار يعضو الحنش. *-اللي دارها بيديه يفكها بسنيه. *-اللي دارها المخزن هي اللي كاينة. *-اللي دارتو المعفونة ياكلو راجلها . |
رد: مثل شعبي مغربي و شبيهه...دعوة للمشاركة: *-"سد باب دارك ولا تخون جارك." *-"سد باب دارك ما سمع حد خبارك." *-"سد باب دارك وانعس هاني." ****************************** |
رد: مثل شعبي مغربي و شبيهه...دعوة للمشاركة: *-"اتبع الكذاب حتى لباب الدار." *-"خلي الكذاب حتى ينسى وسولو." *-"اللي كال ثوري حراث ها التيرس." الكذوب المزلك القرعة طاحت والزيت بقى معلك." عين الشمش ما تغطى بالغربال." *********************************** |
رد: مثل شعبي مغربي و شبيهه...دعوة للمشاركة: ـ الكدبة المبرقة،طاحت القرعة وبقات الزيت معلقة. ـ يكدب عليك الكداب،اللي زوق عينو وهي فالدموع عايمة،واللي يقول مرتاح وجفانو ماهي نايمة. ـ الطماع كيقضي عليه الكداب. ـ الزور ما يفتح ديور، والكدوب ما يعمر دشور،والصح والمعقول هو اللي يدور. ـ كدب اللوز وصدق المشماش،كدب الشيب وصدق التكماش. ـ عييت ما نكدب ولكن الحب غلب. ـ اللي قال حرّاث،ها الحبالات(مكان بأولاد جامع بضواحي فاس). |
رد: مثل شعبي مغربي و شبيهه...دعوة للمشاركة: *-دباز الخوت دغيا يفوت. *- دباز الخوت حدو العتبة. *-دباز الحباب من العتبة للباب. *-دباز الحباب من السطوان للباب. |
رد: مثل شعبي مغربي و شبيهه...دعوة للمشاركة: -*الزين يحشم على زينو والخايب غير ايلا اهداه الله. *-الزين لازين الفعال. *-الزين فالذفلة وحار. *-لالة زينة وزادها نور الحمام. *-كل زين وليه لولة حتى بلعمان فيه الكحولة. *-لازين لامجية بكري. حقها فالزين اخداتو وحق غيرها مالقاتو |
رد: مثل شعبي مغربي و شبيهه...دعوة للمشاركة: *-اللي عطا ورتو فحياتو يطلب الله ولا غاتو. *-اللي فرق ورتو فحياتوبحال اللي دك وتد فلهاتو. *-اللي عطا ورتو فحياتو كاع اللي داروها لو واتاتو. ******************************************* |
رد: مثل شعبي مغربي و شبيهه...دعوة للمشاركة: *-عشرة في الجيب احسن من مية فالغيب. *-عشرة فالكف احسن من مية فالتلف. |
رد: مثل شعبي مغربي و شبيهه...دعوة للمشاركة: -اللي ما رباوه والديه الايام تربيه. -اللي ما رباه الوالي تربيه الايام والليالي. |
رد: مثل شعبي مغربي و شبيهه...دعوة للمشاركة: ـ للاّ مليحة وزادتها بالتمليحة. ـ للاّ مليحة وزادتها بالترويحة. ـ للاّ زينة وزادها نور الحمّام. ـ للاّ عند الناس والناس عند للاّ. ـ للاّ رضات بسيدي أو سيدي ما رضى بيا. ـ للاّ مهيلة بنت سيدي بلاّتي. ـ للاّ ليك عدوّة وحاجتها حلوّة. ـ للاّ حاجبة فالدار وخبارها عند كل جار. ـ للاّ عكّا وتعكّي وخيالها يبكي. ـ أللاّ هنية جاب الله المُلك بلا نوية. ـ اللي ما بغاتو للاّ ميمونة بغاه الكريم مولانا. ـ للاّ ومادارت فالقوق حراك فالبيض مصلوق. |
رد: مثل شعبي مغربي و شبيهه...دعوة للمشاركة: -سيدي مليح وزادو الريح. -سيدي بسيادو وانا ما سايقة خبار. -سيدي حادك وللااحدك منو ,سيدي يحسب القديد وللا تقطع منو. -سيدي مع عيالو وانا نترجى خيالو. |
رد: مثل شعبي مغربي و شبيهه...دعوة للمشاركة: *-اللي فراس الجمل فراس الجمالة *-اللي قاريه الديب حافضو السلوكي . *-الجامع فين قريت انا اللي بنيتو. |
رد: مثل شعبي مغربي و شبيهه...دعوة للمشاركة: أمثال النفايحية* ـ قلعو الغابة وديرو طابة. ـ الله يرحم اللي حكها ،أما اللي غرسها من الجنة لهيه. ـ والله يرحم حتى الحمار اللي نقلها الغبار. ـ تنفيحة فالصباح حسن من مائة ناقة فالمراح. ـ دكّة باردة، حسن من ناقة والدة. ـ راس مرطاس وبرنص،شنيتيفة ومشي مقرنص. ـ مول الكيف سلطان، ومول الgارّو وزيرو،ومول طابا قرّان:يصبّع ويعطي لغيرو. ـ الضرب بالسيف ولا معاشرة مّالين الكيف. |
رد: مثل شعبي مغربي و شبيهه...دعوة للمشاركة: *الشيب لاح والسن طاح واللي راح راح. *ذرية الشيب ياكلها الديب. * كذب اللوز و ثيق المشاش و كذب الشيب و ثيق التكماش. *المرا تهرب من الشيب كيف النعجة تهرب من الديب. |
رد: مثل شعبي مغربي و شبيهه...دعوة للمشاركة: *لوكان ما نيسان كن ولاو عينين الحناش قد الكيسان . *لو كنت عرفت الكلب يعضني كن رخيت لو شرويطة. *كن ما البنكة مانطيح في العركة . * الفقيه كن يشوف كن شاف لراسو. *كن فيك الخير ما يفتوك السماسرية. *كن كي الشبكة اقبط شي وترك شي، اكثرت التخمام كاترشي. *اللي حبك حبو وفمحبتو كن صافي. * كن ما لكريدي مانمد أيدي . *كن كان الزهر من الزهر ،كاع مايطيح من الشجر . *لو كن الصفيحة ترد العار،كن رداتو على الحمار. *كن ما الدهم مانكدم مانزطم. * كن ما السمسار ماتباع الدار . *كن نسحابلي راشي هاكَّا، والله عليك ما نتكَّا. *كن كان الخوخ يداوي كن داوا راسو. *كن عرفت مِّي ما بيا كن حزمت لي راسي بالحبال المثنية . *كانون كن فبيتك كثر ملحك وزيتك. *كن نحلة ما تعدم اجبح *لو كن الزهر عندو الزهر، كاع ما يشدو عليه فالقراعي. *كن ما رمضان اولد خويا كن صوبت ليك اتاي. *قالت لو : لوكان ما رمضان يا ولد خويا كن غديتك حتى تشبع.قالها عارفك يا عمتي بلا رمضان. *كن كان الحمَّام يبيض, كن بيض قبابو. *************************************** |
رد: مثل شعبي مغربي و شبيهه...دعوة للمشاركة: * الناس * *الناس بالناس ،والناس بالله. *ديال الناس مايدّار فالسّاس. *معرفة الناس كنوز. *سافر تعرف الناس،كبير القوم طيعو،وكبير الكرش والراس بنص فولة تبيعو. *ملّي يذكرو الناس خيولهم،يذكر باباعبُّو حمارو. *الناس فالناس ،وزهرة فمشيط الراس. *الناس فالناس ،والقرعك فمشيط الراس. *كلام الناس كلّو وسواس،كيقلب الدهب نحاس. *الناس تغلب عليّا، وأنا نغلب على الزاهية ختي فالدار. *خدمتو على راسو وجميلو على الناس. |
رد: مثل شعبي مغربي و شبيهه...دعوة للمشاركة: *الهضرة بزاف والسكات حسن. *قوة الهضرة ما تبيع ما تشري خضرة. *الهضرة للسارية والمعنى للجارية. |
رد: مثل شعبي مغربي و شبيهه...دعوة للمشاركة: *حمق وحاضي حوايجو. *هبيل وحاضي راس مالو. *سكران وحاضي بلغتو. |
رد: مثل شعبي مغربي و شبيهه...دعوة للمشاركة: *فاس على نزايهو وزلاغ مقابلو. *مشينا لفاس نبياضو زدنا الهم على سوادو. *إيلا شفتي الفاسي مشموت عرف السوسي شمتو،وإيلا شفتي السوسي مشموت عرف اليهودي شمتو ،وإيلا شفتي اليهودي مشموت عرف من عند الله جاتو |
رد: مثل شعبي مغربي و شبيهه...دعوة للمشاركة: *بكيت ليه من هم النسيب قال لي نعطيك بنتي. *دير الهم فالشبكة شي يطيح وشي يبقى. *اللي تزوج من دمو كثر همو. |
رد: مثل شعبي مغربي و شبيهه...دعوة للمشاركة: -جاا يحبو وعماه -جا يكحلها عماها - جاك رمضان يا لطيف الحالة . -جاك اموت يا تارك الصلاة. -اللي جابو الليل كيديه النهار. -جا حتى لبلاد فليو عاد جاه الرواح . -جا حتى الملاح وعيط آفبنكم العاشقين فالنبي. -جات الطوبة فالمعطوبة. -جات قد السلكة قد طلوع الفجر. اللي كحلات بغات واللي عكرات جابت الدخيل وجات. -الى جات كتجرها سبيبة والى مشات كتقطع السناسل -ما كتجي فنوبة غير الموت |
رد: مثل شعبي مغربي و شبيهه...دعوة للمشاركة: --عمرو ما حبا وملي حبا طاح فالحفرة- -عمر داود ما يعاود. -عمر الما ما يروب وعمر المبلي ما يتوب. -عمر الزفان ما ينسى هز الكتاف. -عمر الملح ما كيدود. عمر المر ما يحلى وخا ديرو فجبح النحلة. -عمر جبهتو ما جات فالارض غيرالى عثر وطاح. -عمر المخ ما يكون فالدوارة. -عمر الديب ما يصيد والسلوكي تابعو. -عمر اللي يديرها ماكيكولها. عمر الربيب ما يكون حبيب. |
رد: مثل شعبي مغربي و شبيهه...دعوة للمشاركة: حتى بحر ماخطاوه مواج الما والشطابة حتى لكاع البحر حتى بحر ماكره زيادة بنادم بلا نية بحر بلا كاع. |
رد: مثل شعبي مغربي و شبيهه...دعوة للمشاركة: اللي تلف يشد الارض /الأرض راني فيها والسما بعيدة علي. /اللي نزلت من السما كتحملها الارض. /احرث الارض تعطيك الغلة واحرث بنادم يقلعك. الارض الحادرة كتشرب ماها ونا غيرها. /بنادم كيموت على ارضو ولا على عرضو. /اخدم ارضك تخدم عليك. /كاع اللي فوق الارض يولي تحتها. /الى بكات السما كتضحك الارض. /الارض كتنبت الحلو والحار. /ما تدي من الارض غير شبر و4 صباع. /اللي مارضى بقضا الله يهرب من ارضو وسماه. |
رد: مثل شعبي مغربي و شبيهه...دعوة للمشاركة: *اللي تقلق يشرب من البحر. *اللي عندو البحر عندو اللي يشربو. *دّاه حتى للبحر وجابو عطشان. *كيشري الحوت فالبحر. *اللهم دالبحرولا البرّ بخماجو. *جغمة من البحر ولا جميل الgرّابة. |
رد: مثل شعبي مغربي و شبيهه...دعوة للمشاركة: /السما بعيدة على نبيح الكلاب. / اللي ما رضى بقضاه يهرب من أرضو وسماه. / الارض راني فيها والسما بعيدة علي . / الدخان كيطلع للسما والما تابع الحدورة. / لا الارض سرطاتو ولا السما رفعاتو. / البحر ما وضاه والسما ما غطاه. / بعيدة بحال النجمة فالسما. /احضي السما تعطيك الما. / اللي نزلت من السما كتحملها الارض /الى بكات السما كتضحك الارض |
رد: مثل شعبي مغربي و شبيهه...دعوة للمشاركة: -الراس اللي مايدور كدية -كيضحك ضحكة الراس المشوط -دير راسك بين الرووس وادعي بالسلامة -ما فرق الله الرووس غير باش كلها يدير ما بغى. -الراس اللي ينقطع يتحش. -تفوت الراس وتجي فين بغات -الثلث الخالي فالدنيا هو راس بنادم. -قد الراس قد الشاشية -الى سمن كل الراس والى هزل كل كل الراس. -كبير الراس للراي. -حضي راسك من كحل الراس. براس الحمق يتقاس الواد. -وقعت الفاس فالراس. -كان راس وولى رجلين. -ما عندو لاساس لا راس. -الراس شايب وعامر غرايب. |
رد: مثل شعبي مغربي و شبيهه...دعوة للمشاركة: *بحال اللي كيزيّد اليهودي للإسلام. *بحال اللي كيطبّل فالهوتة. *بحال اللي كيطبّل فالما. *بحال اللي كيعاود همّو لإبن عمّو. *بحال العجوزة إلى ماهدرات تهز راسها. *بحال اللي كيحسّن لولاد اليهود،لا آجر لا منفعة. *بحال حمّالين النعوشا ،يدِّيوا ما يردوا. *بحال اليهودي ما يفلح مايبني. *بحال اللي حصلات لوالمحشة فالدراس. |
رد: مثل شعبي مغربي و شبيهه...دعوة للمشاركة: /لهلا يجعلنا للبلا صداف. /لهلا يمحنا ولهلا يخلينا بلا محاين وكل محنة كتزيد عقل. /لهلا يخلي لبو وارث ما يورث. /لهلا يعكس أمور. / لهلا يطيحها للميت في ودن. /لهلا يفضحها بموت. /لهلا يطيح حبنا على حجر. /لهلا يخيرنا فضرار. /لهلا يعطيك ما عطى للكذاب يسمع الخطا فيه ويكول أمين. /لهلا يحافينا ولا يمكر بنا. لهلا يطيح علينا باطل. لهلا يجيبنا في ترعة بلا=المثل1 /لهلا يقطعنا ارزاق ولا يخوينا جياب. /لهلا يوقفنا على جهدنا. لهلا يخلي شي حد بوحدو. /لهلا يجعل حبابنا ينساونا. |
رد: مثل شعبي مغربي و شبيهه...دعوة للمشاركة: *لهلا يجعل اليتيمة حكيمة ولا السارح مول الدار. *لهلا يعمينّابصيرة ولايغطّينا بحصيرة. *لهلا يخطّي الدفّة ديال باب الدار. |
رد: مثل شعبي مغربي و شبيهه...دعوة للمشاركة: -الحوت ياكل الحوت وقليل الجهد يموت. -ساكت بحال الحوت. -بحال الحوت الى خرج من الما يموت. -كيشري الحوت فالبحر. ماك ياحوت شربو ولا موت. -الضر المنعوت اللبن والحوت. -اللي بغا الحوت يفزك عليه سروالو. -ما كياكل الحوت فالليالي غير الدومالي. -الحوت فالبحر عوام والنسابلا ما يعومو. -حوتة وحدة تخنز شواري. حوتة ومطلية بالصابون. |
رد: مثل شعبي مغربي و شبيهه...دعوة للمشاركة: -بحال الجدي هو يرضع وهو يغوت. -بحال اللي كيسرق حصاير الجامع. -بحال اللي كيسرق كسوة السادات. -لا خير فيه بحال الديك تسمنو عام ما يعشيكش ليلة. -خيرو بحال الميزاب كيكب غير لبرا. -بحال جنان اليهودي كل والعن مولاه. -بحال الفران وجهو للنار وضهرو للعار. -بحال اللي كيمشي عالبيض. -بحال لحم الركبة موكول ومدموم. -*بحال اللي كيقرا ياسين على قلوب الكفار. -بحال مزلوط اليهود لادنيا لاآخرة. بحال العروبي فالشماعين. -بحال الحوت إلى خرج من الما يموت. -بحال اللي كيعاود همو لضرة مو. بحال الدم د السنان. بحال قفز الدجاج :الضيق والنقيب والخنز. بحال الدلو :هابط مقلق ,طالع مشنق. -بحال السمن مع العسل. بحال اللي كيشطح للعمى ويودن للأطرش. -بحال المنشار طالع واكل ,هابط واكل. -بحال اللي ضرب الكلب بسفنجة . -بحال اللي دافع عتروس . -بحال اللي جار اليهودي للجامع. -بحال اللي كيكب الما فالرملة. - بحال اللي كيكتب فوق الما. -بحال الشياه بلا سارح. |
رد: مثل شعبي مغربي و شبيهه...دعوة للمشاركة: / شكون يقدر يكول للسبع فمك خانز. / شكون شافك يا المكحلة فالظلام. / شكون يكول لبا هرست الكاس. /شكون داها فيك يا البيصارة نهار العيد . /شكون عرفك يا عزة فدار العزا. شكون عطاك العيد تفرح بيه. /شكون جحا وشكون ولدو؟ /شكون شكرك يا العروس؟ / شكو ن أختك يا الفولة ؟اللي معايا فالمزود. /شكون عبو فسلاس وشكون عيشة فسوق الغزل. /شكون يكول لجدة سفيتي الدقيق وخا راه طايح على خدودها؟ |
رد: مثل شعبي مغربي و شبيهه...دعوة للمشاركة: *قاللو:شكون عدوك أحمزة؟قاللو:شريكي فالخبزة؟ *شكون داها فيك الحريرة ليلة العيد؟ *شكون داها فيك الزميتة فنهار العيد؟ *شكون حس بيك المسوكة بالليل و المكحلة بالقنديل؟ *شكون شافولك المكحلة فالظلام؟ *شكون اللي حسن الريال ولاّ لحية السلطان؟ *شكون يحك للقرع غير ظفارو؟ |
| الساعة الآن 22:44 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd