|
رد: مثل شعبي مغربي و شبيهه...دعوة للمشاركة: الضيف ما يتشرط ومل الدار مايفرط ضيافة النبي ثلاث أيام كول آ الضيف وجيب من دارك الضيف ضيف واخا يجي شتا وصيف |
رد: مثل شعبي مغربي و شبيهه...دعوة للمشاركة: *شحال من خروف سبق أبّاه للgرنة. *شحال ما دارت يدّي تودّي. *شحال من واحد يضحك حتى يبانو سنانو، وقلبو عامر بالغدر لقرانو. *شحال قد الذيب ما يهرب من الشمس. *شحال من هم تقراه ما تراه |
رد: مثل شعبي مغربي و شبيهه...دعوة للمشاركة: -لو كان الحرث باللسان نحرث منهنا لتلمسان. -لو كان الخير فالبصلةما تنغرس على راسها. -لوكان مانطق ولد اليمامة ما يجيه الحنش هايم. -لو كان ندري السعود ينغرسو بالعود,نغرس مية عود وععود. -لو كان يحرث مل يبيعوه. -لو كان ما الحناش ما يكونو عيساوة. -لو كان الخوخ يداوي لو كان داوى راسو. لو كان الخير فيا ما يتزوج راجلي علي. لوكان ما الكحل ما تشوف العين -لو كان فيها الخير ما يرميها الطير. |
رد: مثل شعبي مغربي و شبيهه...دعوة للمشاركة: *الربيب بحالو بحال القُلَّة ما عرفناه جاي باللفعة أو العلَّة . *اللي بغيتيه يعيش فالهم والغرايب،قولُّو:الله يسلط عليك الربايب. *عمّر الربيب ما يكون حبيب. *ولد الضرَّة ما منٌّو مسرَّة. *الربيب كلو علة طِيْرو يا جاه الرحمان. *إلى كانت بنتك عطيها تغربل الزرع،وإلى كانت ربيبتك عطيها تغربل الشعير. *كيقول الربيب:"حنّات فيّا مرات أبّا مسحات لي خنونتي بالشريط. |
رد: مثل شعبي مغربي و شبيهه...دعوة للمشاركة: *الليل بوديناتو والنهار بعويناتو. *الليل طويل والعوين قليل. *كلام الليل زبدة إلى ما داب اليوم يدوب غدّا. |
رد: مثل شعبي مغربي و شبيهه...دعوة للمشاركة: *لما ينزل الطعام ما يبقى كلام. *لا أصل شريف ولاوجه نظيف ولا كلام خفيف. *انا كنقول لحبيبي، وحبيبي كيقول لحبيبو؛ وكلامي فين ما مشيت نصيبو. *اللي ما عندو فلوس كلامو مسوّس. *كلام الباطل كيحرق،وخّى زبل يابس ما يلصق. *الفضولي بلا يجارة وكلامو فالشكارة. *كلام العار بجناوحو، وكلام الخير زحّاف. *اللي كلام فمّو كيجرح،عمّرو ما ينجح. *كلام والديك طيعو،والشي اللي يدهيك عليهم فهبت ريح بيعو.ا *كلمتك كي بنتك عرف فين تحطها. *السكات هو الدهب المشحر،والكلام كيخسر المسألة. *ضربة الحديدة تْبرا وعمّر كلام العار ما كَيْبرا. *الكلام اللي ما عندو ساس كيفرق بين الناس، وما كينوض غيرالباس. *اللي عطى كلمتو عطى رقبتو،واللي حلف رقبتو سالمة. *الكلام للسارية والمعنى للجارية. *قاللو: السلام عليكم ياجحا .قاللو: السلام كيجبد الكلام ،والكلام كيجبد البطيخ، والبطيخ والله لاكلتيه باطل. *وفري كلامك أحماتي،أنا ماعندي غير مراتي. *كلام الليل زبدة إلى ما داب اليوم يدوب غدّا. *كلامو معسول وفعلو مشلول. |
رد: مثل شعبي مغربي و شبيهه...دعوة للمشاركة: /شحال جابو ماشي شحال غابو. /شحال من هم تقراه ما تراه. /شحا ل ما تهز من تقل فالعقبة يبقى لك. /شحال من كلام اقوى من ضريب الحجر. /شحال ما طال الليل كيطلع عليه النهار. شحال القوس آمول القوس؟اصبر دابا يجيك بلا فلوس. شحال فيك ياالزلط من راحة /شحال قدك من استغفر الله يا البايت بلا عشا. /شحال من قبة كتزار ومولاها فالنار /شحال من عالم مات ظالم. شحال من راجل خصو مرا وشحال من مراخصها راجل. شحال من طير خرب عشو بكراعو. شحال من راشي بكا على ماشي. |
رد: مثل شعبي مغربي و شبيهه...دعوة للمشاركة: * الله يجعل الخير فاين يتصاب . *الله يعّديها بخير. *لهلا يخيرنا فاضرار. *الله يجعل سعدك خير منك. *ما تدير خير ما يطرى باس. *الخير ما عندو بّاه ،ونكّار الخير حرامي. *مول الخير يموت،ومول الحق شحال ما طال يلحق. *كل توخيرة فيها خيرة. *كون الخير فالبصلة كاع مايغرسوها على راسها. *دير الخير فدارك عاد شوف جارك. *الخير موجود واللي يديرو مفقود. *غير دير الخير معاها وإلى طلقتيها لا توريها دار بّاها. *الخيرمن المرا ،والشرمن المرا. *اللي ما عندو الخير فركانو يديرو فراس لسانو. *اللي مالقى الخير فركانو، يكون الخير فلسانو. *بقيت نخمم حتى طلع الدم كنطلب ربّي بالخير يحكم. *التحزيمة والتبسيمة والخير الله يجيبو. *ظاهر الخير على قزيبة الحنش. *الخير كالبغل إلى شبعتو يركل وإلى جوعتو يهزل. *الخير كصاص ولا نصاص ولا تبدال العتابي. *الخير فالكريم طبيعة وفالبخيل دفيعة. *دير الخير ورميه موراك. *دير الخير ورميه فالبحر. *فاعل الخير هنيه بالفرح والشكر ديما. *خير الماكلة ماخضر وخير اللبسة ما ستر وخير الأسماء محمد خير البشرية. *ديري الخير ولوحيه فبحر جاري وإلى ضاع عند العبد ما يضيعش عند الباري. *قيس خيرك بمهارة إلى زاد زيدو غرارة وإلى ما زاد زيدان خسارة. *الخير عيطة حنينة نوضات قلوب المحنة. *لو كان الخير فاللسان كون حرث من هنا حتى لتلمسان. *الخير كيجلس والشر كيكمش. *المعروضة من الخير. *الخير ما مسمر والويل ما مgامة. *دير الخير ونساه يديرلك طريق فالبحر. *وحدة تجيب الخير معاها ووحدة تطردو بعمود. *شاط الخير على زعير ولا يتفرق بالبندير. |
رد: مثل شعبي مغربي و شبيهه...دعوة للمشاركة: -قنفود الصمايم مايخرج غير بالليل. -شكون شافك المكحلة بالليل الليل طويل والحمارة مشاية --النهار بعويناتو والليل بوديناتو -شحال ما طال الليل كيصبح الصباح. --بحال حبل التصبين مكسي بالنهار معري بالليل -اللي جابو النهار يديه الليل -بو البنات طول الليل شمعتو كادية. -مشى لي الليل فحزارة الغاضبات. -اللي فنية دادة تحلم بيه فالليل. -ما تمشي فالليل حتى يبان نهارو -الليل سماع. -الليل حدورة -يبات الهم ليلة ويتكسر بالنص. -بات فالكلتة ليلة اصبح بن عم الجران -زواج ليلة تدبيرو عام. -بتناها ليلة بلا فتيلة (يقال عند الخوف بالليل). |
رد: مثل شعبي مغربي و شبيهه...دعوة للمشاركة: -الكلب غير كلب وخا تكون قلادتو من الذهب -جوع كلبك يتبعك -لعب مع الكلب يلحس لك شواربك. -ما كان ما تختار فولاد الكلبة كاع كلاب. الكلب اللي يكتر النباح ما يعض. -بابت الكلب تنخيلة والى عدا مشي. -فم الشعاب ولا فم الكلاب. ادكرالكلب ووجد زرواطة. أولوللكلاب وأخرو للتراب. -بحال اللي ضرب الكلب بسفنجة. -حتى كلب ما هرب من دار العرس -الكلب الى انضام كيردها على نابو. -دارت راي بنت الدرب باعت الدفة وشرات كلب. |
رد: مثل شعبي مغربي و شبيهه...دعوة للمشاركة: *سعد الدابح لا وجوه تشابه لا كلاب تنابح. *شد كلبك قبل ما يذوق خبز الناس. *ربي الكلب ينفعك وربي كحل الراس يقلعك. * الدار دار بونا وبن كلبون طردونا. * بعيدة السما على نبيح الكلاب. * بوس الكلب من فمو حتى تقضي حاجتك منّو. *الدم يتحلبا يتحلبا وخى يكون من الكلبة. *أتاي بلا شيبة عطيه للكليبة. *سعد الدباح ،الكلب ما ينبح،الدايز يقول آح والراجع يقول آح. *الكلبة المجرابة عمرها ما كتصيد. *تختار حتى تعيا وتهز من أولاد الكلبة جرو. *ضرب الكلب وستحيا فوجه مولاه. |
رد: مثل شعبي مغربي و شبيهه...دعوة للمشاركة: *بنادم السفيه ظاهر من عينيه. *بنادم السفيه كيقول غير اللي فيه. *الدنياكلها تفوت وبنادم هايم فيها حتى تديه الموت. * ربي الكلب ينفعك وربي كحل الراس يقلعك. *بنادم الخاوي خاوي وخّى تقيّل تداوي. *راس بنادم ما يتفتش. *كلشي غرسو ينفعك إلاّ بنادم غرسو يقلعك. *بنادم المزيان من بعيد كيبان. *يا السايلني على الغول والغول هوبنادم قصيرالودن،لا تربّيه ولربّتيه راك نادم. *يا بنادم لا تغويك الدنيا ودير فبالك القبر، راك ما تدّي غير ربعة وشبر. *بنادم ما تعرفش آش تحت راسو. *الله ينجيك من عين بنادم إلى كنت غليظ فاخر ينفعوك للمجامر،وإلى كنت رقيق غير سير للمقابر. *بنادم أتهينو كولو كارم لا تلينو. *الثلث الخالي هو راس بنادم. *بنادم ما تعرفو حتى تعاشرو. *أللي غرس عود ياكل الغلة واللي غرس بنادم يورث لو العلة. |
رد: مثل شعبي مغربي و شبيهه...دعوة للمشاركة: *كرشي خرفت وما ولدت حتى بنت. *البنت زينة ولكن ماكتعرفشي العجينة. *طلب لبنتك السعد أما الحداكة لا بد ما تتعلمها من الجيران. *كلمتك كي بنتك عرف فين تحطها. *ختار لبنتك الراجل وختار لولدك الأصل. *سر البنت عند أمها. * مول البنات ما يبات هاني. *البنت اللي ما يتدبح عليها بقر ماليها وقر. *خود بنت قرابة ولا تاخد بنت غرابة. *اللي فاتك خليه لبناتك. *اللي بغى يصون بناتو يتحمل نكد مراتو. *قاللو :كتب بنتي ما تطحن قاللو: كتب بنتو ما عندها ما تطحن. *قالت البنت لأمها:مزّين النقا كون يبقى, قالت ليها:داوميه يا بنت الحمقة يبقى. *إلى شفتيني راضي على العدو عرف بلّي بنتي عندو. *بنت الرجال بارت وعلى سيد الرجال دارت. *نعطي بنتي ونزيد عولتها شعير. *هبيلة بنت هبيل ماتجيها الحداكة غير بالليل. *لو ما ولدنا الحبيب ما تدخل بيتنا بنت الغريب. *بفلوسك بنت السلطان عروسك. *عام وهو يختار ودا بنت المختار. |
رد: مثل شعبي مغربي و شبيهه...دعوة للمشاركة: /اللي قاريه الديب حافضو السلوكي. /اللي مو نعجة كا ياكلوالديب. /النسيب حبيب ولو يكون دويب. /الديب الكرطيط كيكرططها على الدياب كاملين. /اللي ما كان ديب,ياكلوه الدياب. /اللهم السبع ياكلني ولاالديب يمرمدني. /كيبات ياكل مع الديب ويصبح يبكي مع السارح. /ماخص الديب غير النديب /صلاة الديب فالرgعة مشى يصلي نسى شحال من ركعة. ما حس الديب غير بدموع النعجة. /التالي فالدياب يعوg. / الديب حلال الديب حرام الترك حسن. / قاللو :الذيب فالغنم ؟قاللو :تسنى حتى نربِّيو السلوكي. /الديب ديب وخى يطيب فالزبدة والحليب. /الديب كتدوز عليه غير مرة وحدة. /كون ديب ولاّ ياكلوك الدياب. / إيلا تفرقات الغنم كيسهال على الديب باش ياكلها. |
رد: مثل شعبي مغربي و شبيهه...دعوة للمشاركة: *السن يضحك للسن والقلب فيه الخديعة. *اللي ضحك لك ضحك لو وخيار الضحك فالتبسيمة،واللي بزّم لك بزّم لو،واش أنت بلا تبزيمة. *الضحك فيه وفيه. *عز المرا اللسان،وعز الضحك التبسام،وعز العود اللجام. *شحال من واحد يضحك حتى يبانو سنانو، وقلبو عامر بالغدر لقرانو. *ضحك حتى بانو ضروسووهو داورها فراسو. *لا تضحك لتتبلى أو ياتيك الله بالبلى. *اللي لقى الضحكة وماضحكش عليها يحاسبو الله عليها. *الضحكة زينة والقلب كحل. *خبزة والقلب مجروح،والضحك هو يدامو *يا من يضحك والضحك فيه ،سالفو مدلّي والصيبان فودنيه. *ضحيكة والضحك فيه سرجو خاوي والبق فيه. *الضحك حدو ساعة:: والقمح حدو القاعة. *الشبكة كتضحك على الغربال وكتقولو عينك كبيرة. *من دار العرس ما نخرج أنا ،إلى غوبشو هما:نضحك أنا. |
رد: مثل شعبي مغربي و شبيهه...دعوة للمشاركة: اللي ما جال ماعرف حق الرجال معرفة الرجال كنوز الراجل اِطلب و مرتو تصدق الراجل بحال الفاس فيما تحط يحفر الراجل هو الكلمة *الراجل فالدار بحال الدمّالة فالظهر. * لا تحك على الشماتة باش ما يولي راجل. *رجل من الفحم يجيب الخبز واللحم. *لا خير فالراجل إلى ما جال،ولا خير فالمرا إلى جالت. *خسارة المال ولا خسارة الرجال. *خدي راجل بدراعو لا تاخديه بمتاعو. *ا لراجل اللي ما حاكم مراتو ديما كتلقاه كيقلب على عشاه. *الراجل حُرمة وخى يكون عُرمة. *ما يقد على الجبال غير الرجال. *الحداgة جات يا الراجل حيد الدّفّة وديرها مغازل. *آسيدي مبارك بن عبابو عطيني راجل بلا حبابو. *الله يعطيك راجل ملوي فكساتو ،لا يماه لا خواتاتو . *الله يعطيك زين السعود ،راجل جميل ومنقود ،ويماه تحت اللحود. *الرجال زينهم فعقولهم والنساعقولهم فزينهم . *إلى حلفو فيك الرجال نساها وإلى حلفو فيك النسا ترجّاها. *إلى حلفو فيك الرجال بات ناعس، وإلى حلفو فيك النسا بات فايق. *الرجال كتعرف الرجال والخيل كتعرف الخيّالة. *خدّامة النسا للاّهم وخدّام الرجال سيدهم. *الراجل ديال السحور والحاجب ديال الكحول عمّرو ما يدوم. *الراجل المطلق دوز على قبرو ولا دوز على دارو. * مولات الرجّالة كتطمع فالهجالة. *الدليل فالرجال هو اللي كيعطي الضحك للجار والهم للدار. *خديم الرجال سيدهم. *اللحية(الراجل) فالدار والعايلة مشات تجيب الزيت. *الرجال من الدنجال والشاشية من البلّوط. *شحال من راجل خاصّو المرا وشحال من مرا خاصها العقل. *الحمّام كيتعرف بقبابو والراجل كيتعرف بنسابو. |
رد: مثل شعبي مغربي و شبيهه...دعوة للمشاركة: /كبير الكرش تنقطعلو جوعي في كرشي وعنايتي في راسي. /خرجتك يا كرش ما ,ولدي غول ولا غولة. /الكرش كتولد الصباغ والدباغ. /الكرش الفاخرة شي للدنيا وشي للأخرة. /ما كيمشي على كرشو غير الحنش. /الكرش ما تحزن ما تخزن. |
رد: مثل شعبي مغربي و شبيهه...دعوة للمشاركة: /ما خص دادة غير كلادة /ماخص الديب غير النديب / ما خص القرد غير الورد / ما خص مشرومة الودن غير الحلقات. / ماخصو ما شاط عليه. / بشعورنا ما خصنا خيوط. |
رد: مثل شعبي مغربي و شبيهه...دعوة للمشاركة: -خلات ولدها يبكي ومشات تسكت ولد الجيران. -خلاه ممدود ومشى يعزي في محمود. -خلا همو فالطبيقة ومشى يتفرج فالمخليقة. -خلاهمو فالسطل ومشا يطل -خلا عشيوتو فالطاقة وراح للآخرة بالجوع. -خلا الآية وتبع الماية. -خليها فجواها حتى تصيب دواها. -خلي جدي وجدك وآرا جهدي وجهدك. -خلي داك الجمل بارك. |
رد: مثل شعبي مغربي و شبيهه...دعوة للمشاركة: ما غسل حصايرو يغسل ديال الجامع ما صابت المغبونة باش تدكر مشات للجامع تودن ما تضرب حتى تقـرب ما تقطع الواد حتى تبان حجارو ما تمشي في الليل حتى يطلع نهارو ما تصحب صديق حتى تعرف خبارو ما عند القرعة ما ترعى من غير مشيط راسها ما كينسي البنت في امها غير همها ما بعد الأم حبيب وما بعد الجوع طليب |
رد: مثل شعبي مغربي و شبيهه...دعوة للمشاركة: -الداردار بونا وبني كلبون زعكونا. -الدار بلا مولاتها اجيو تشوفو حالتها. -داري ساترة عواري. الجار قبل الدار. الدار المباركة ما يدخلها لامبارك لامباركة. -إمارة الدار على باب الدار. الدارقبر الدنيا. خد بنت الدار الكبيرة ولو تكون هبيلة. |
رد: مثل شعبي مغربي و شبيهه...دعوة للمشاركة: -دير راسك بين الروس وكول يا قطاع الريوس. دير راسك بين الريوس وادعي بالسلامة --دير ما دار جارك ولا حول باب دارك. -العاقل كيدير بحال الناس والهبيل كيدير بحال الناس. |
رد: مثل شعبي مغربي و شبيهه...دعوة للمشاركة: *حيدي أَمّي وختي فين تجلس مراتي. *اللي خدا مرا قد مُّو ترفدلو همّو . *اللي خداتو يمّا نقولو عزيزي. *gاع ما حشم من مّو عساك من عمُّو. *كل خنفوسة عند مّها غزالة. *اللي فيه دعوة أبّاه و مُّو، ما تلاقى يدّو مع فمّو. *اللي خطاه بّاه يوسّد الركبة و اللي خطاتو يمّاه يوسد العتبة. *قلب الgدرة على فمها تشبه البنت لأ مّها. *قلب الكسكاس على فمّو يشبه الولد لمّو. *يا الله نلعبو فين دّابزو أمّاواتنا. *اللي مّو فالكتشينة ما يموت بالغبينة. *اللي عندو مّو لا ترفد همّو. *اللي عندو مّو عندو دواه. *مُومُّو مهوّس مّو ديما رافدا همّو. *ما فاتني عمّي بزلالة بّا سعّاي و مُّو دلاّلة. *الطفل اللي ما بكى ما ترضعو مّو. *الخوّاف ما تخاف عليه مّو. *كون عرفت مّي مابيّ كون حزمت لي راسي بالحبال المثنية. *مسخوط مّو ما تتلاقى يدّو مع فمّو. *سرّ البنت عند أمها. *اللي وصّاك على مّك حgرك. *خلّي عليك أبّاه ومّو أو عطيه لجلدو. *اللي مّو نعجة كياكلو الديب. |
رد: مثل شعبي مغربي و شبيهه...دعوة للمشاركة: -العروسة فوق الكرسي ما عرفو فين ترصي. -شكون شكرك يا العروس؟ما وخالتي والساكنة قبالتي. -لا تكولوعروس إن تركب. -ديرها بيدك وكول العروسةمطيارة. -اللي ما جا مع العروس ما يجي مع حبابها. -الحنة حرشا والحنايا عمشة والعروسةفيها الرعشة. -العروسة تفرح وتسعد بيامها والهبيل بن الهبيل هو من لامها. -العروسة فالطالعة وعقلها فالصفاح. (الطالعة والصفاح من احياء فاس حيث الغالية ام رجاء) * العروسة فرطاسة بحال الطاسة. *عروستنا فرطاسة أو حتى حد ما يذكر الطاسة. *حلفت العروسة ما تبغي الحما حتى تبياض الفحمة. *العريس يعرّس ومول الدار يتهرّس. *عروستي بسلامتها سيقات عاد خملات. *الحنة حرشة،والنقاشة عمشة،ويدّين العروسة معرgين. *ما لقى سفة يسفها،بغى عروسة يزفها. *بفلوسك بنت السلطان عروسك. *إلى قلتي العرس سآآآآآآاهل سقيلو غير الما. *العرس لماليه والزعاقة لمالين الدوار. *اللي عندو خالتو فالعرس يبات شبعان. *اللي بغى التريد يديرو فعشاتو،واللي بغى العروسة يديرها من مراتو. *العروسة فوق الكرسي ما تعرفها فين ترصي. * عشرة كيخطبو و واحد كيدي. *دوزو العروسة من الحافة وقالو مطيارة. |
رد: مثل شعبي مغربي و شبيهه...دعوة للمشاركة: زواج ليلة تدبيرو عام. -زواج الدوام تدبيرو ايام وايام. -الزواج واموت هم لايفوت -اقل ما فالزواج يعري. -الزواج والحرث بالنية. -الزواج بلااتفاق كيدي للطلاق. *الزواج بالدوام ماشي بالصداق والسوام. *الزواج بلا اتفاق كيتسالى بالطلاق. *مشى يفوج رجع مزوج. *عاند ولا تحسد ،تزوج ولا تفسد. *زواج الصغيرة للكبير كيف التفاحة فيد الوزير. *زواج الصغير وخى يتلوّاو فالحصير. *...الزواج هم ولو يكون من بنت العم. *اللي بغى يسيرج؛يسيرج عَوْدو،واللي بغى يتزوج يشوف فال ولدو. *جات العزبة كتشكي ،لقات المزوجة كتبكي. *حل عينيك قبل ما تزوج ،أما إلى تزوجتي غير غمضهوم. *الله يجيب اللي يزوجنا ويخدم عليناويشوف الرجال آش تعمل. *الله يجيب من يحسن بينا ،يعطينا بنتو ويخدم علينا. *عطيني بنتك وزيدني عولتها قمح. *زوينة وغزالة وتتزوج من والى. *اللي تزوج دخل السفينة،واللي ولد غرق. *الزواج الي راق يغيروا منو العشاق. *الي ما حب يتزوج كيقول زهري معوج. |
رد: مثل شعبي مغربي و شبيهه...دعوة للمشاركة: *اللي خبّى عشاتو لغداتو يا سعداتو. * اللي خلّى من عشاتو لغداتو ،ما تيوقف على وحدة من بناتو. *اللي خبّع من غداتو لعشاتو ما تشفاوا فيه عداتو. |
رد: مثل شعبي مغربي و شبيهه...دعوة للمشاركة: فهامة لالة هنية باعت البقرة وشرات الصينية فهامة رحمة جات صايكك وحطات لحمة فهامة رحمة طيبات العصيدة و دارت فيها لحمة فهامة عمتي هنية باعت الدوار واشرات الصينية فهامة عمي حريز باع البكر وشرى المعيز فهامة عمي عمر باع الحمارواشرى الغمار فهامة عمي كبور باع الجنان و شرى الباكور/الكرموس/ فهامة منصور خلى على الباب و نقز من السور فهامة بنت الدرب باعت الدفة وشرات الكلب. |
رد: مثل شعبي مغربي و شبيهه...دعوة للمشاركة: -يموت الشطاح وما ينسى هز كتافو -كيموت الزفان وما ينسى هز الكتف. -العريف ما ينسى هز الاكتاف وخا تزورو الموت. |
رد: مثل شعبي مغربي و شبيهه...دعوة للمشاركة: *سبع صنايع والرزق (إن شاء الله ما) ضايع. *اللي فالرزق يلحق. *الله يرزقك رزق العتبة،بلا تعاب بلا شقا. *الله يرزقنا حلال. *الرزق على الله.(الرزاق مولانا) *ربّي كيرزق كل روح باش تروح. *اللي حبّو ربّي وختارو, جابلو رزقو على باب دارو. *يا ربّي عطيني شي رزِيّْق وعطيني فاش نديرو. |
رد: مثل شعبي مغربي و شبيهه...دعوة للمشاركة: الزين سلالة من العمة للخالة. الزين حبو مولانا ولو يكون فدربالة الزين زينة والعقل نشريه لك زين الروم لاشارب لا كمكوم لازين الا زين الافعال. *الزين كيحشم على زينو والخايب غير إلى هداه الله. *وخى الراس مغطي بالكنشوش والرجلين فالشربيل المنقوش لا زين إلا زين الخنشوش. *الشعر فالكنشوش والرجل فالهركوش،لا زين إلا زين الخنشوش. *الزين إلى بغيتي تشوفو،شوفو لمّا يفيق من نعاسو،أو جا من عند ناسو،أو دار الحنّة فوق راسو. *إلى مشى الزين يبقاو حروفو،إلى مشى الشعر يبقاو عروقو. *الدفلة نوارتها زينة وعروقها مرّين. *البنت زينة ولكن ماكتعرفش العجينة. *حتى زين ما خطاتو لولة. *سعد الزينات داوه الشينات. *الله يزيّنها فعينيه ما زيان الخرطال ما بين عينين الحمار. *الله يزيّنها فعينيه ما زيانت الشوية فعينين القط. *اللي بغى الزين بحرقوش ما تبخل عليه بمال. *الزين من الكرع،والحليب من الضرع،والصابة من الزرع. |
رد: مثل شعبي مغربي و شبيهه...دعوة للمشاركة: *الشوف مايبرد الجوف ،والناقة ما ترضع خروف.. *شوف الغرايب،بنى حيط جارو وخلّى حيطو رايب. *شوفو هاد المفلس،خلى بلادو ومشى يخمس. *شوف العكس،كيبيع اللباس وما لقى ما يلبس. *شاف الضيفة وطلق مولات الدار. *تعالو تشوفو هاد العجب قرعة وكتقلب على المشطة. *إلى شفتي الجالس سلم على الواقف،اعرف راه الشك دخل. *إلى شفتي الشارفة بالتسبيح،عرفها شيطانة بالتصحيح. *ما شفنا ما رينا غير الخبز وفرينة. *شوف فياو نشوف فيك أطجين الحوت ،أنت ما تطيب وأنا ما ناكل. *شوف تشوف. *إلى شفتى عيشة تزوجات طلب ليها السعد. *إلى شفتى ا لحنش غليظ عرفو سارط خاه. *إلى شفتيها بسعدها عرفها كتكمل من عندها. *إلى شفتى لا تخبر،وإلى سولوك قول :لا لا. *العارف شوفتو كفاتو. *اللي غاب عليك أصلو شوف فعلو. *تشوف الثور الأبيض، تقول كُولُّوشحمة. *اللي ما يشوف من الغربال عمى. *شفت الحمامة وأمنتها،وبعت العودة وزدت بنتها. *ماشافوهومش وهما كيسرقو،وشافوهوم وهما كيفرقو. *إلى شفتي اللحية دصاحبك تحسنات فزّك لحيتك. |
| الساعة الآن 10:09 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd