جر لخيط يبان لفكد ف حرف كلامك
يفرفر بريح مواج لقوافي لفي كفك
لكف لي راه طالع بما كاسك
وكاسك لي يروي اتايه ف كتابك
زيدنا وما تبخل علينا خوي قفتك
وما تهجر لحرف راه من سهمك
نجر لقلم وبدا نثر لي طالت ايدك
ونفض تراب لكانون لي فيه درت خبزك
يالله اسي الشريف اراما عندك
ام زين حالفة تخوي قرابك
يا حريف ياكليمة بمدادك
لمداد لي سيلو على طول اجنابك
واسقينا منو جغيمة تزهى ايامك

بقات الحكاية ضايعة بلا بداية ولا نهاية
كتنادي بلسان دامي
شكون يفهم كلامي
ويطفي نيران قلامي
شكون اينور ظلامي
ويوضع تخطيط لولادي
آآآآآآآآه....آآآآآآآآآه
شربوني ميهة باردة
وعتقوني بشميعة شاعلة
لقاولي حلول زاهية
تنقد الوريدة الدابلة
راني حكاية ضايعة
ماليها بداية ولا نهاية