منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - اجييو الزجالة نلعبو مالة بالحروف......الحرف الوافي

التعليم حكايتو حكايه
ماعندها بدايه و لا نهايه
يجمعو عليها الصغار و الكبار
ليل و نهار
بلا ما يفكو خيوطها الفهامه

حكاية عايشينها جميع
و نعملو فيها قصة و روايه
لا بان ليها راس من رجلين
و لا بدايه و لا نهايه

شي كيشرق و شي كيغرب
شي كيبني و شي كيريب
شي كيعطي و شي كيياخذ
شي كيبرمج و كيخطط
و معارفش بللي كيهدم و كيخرب
شي كيذوب فراسو كي الشمعة
و شي كيذوب الناس بالدمعة
شي كيعلم و كي يفهّم
و شي كيهضر بلا ما يفهم

و هكدا بقات الحكاية ضايعه
بلا بداية و لا نهايه