الصدق

سمعوا يا حضار كلامي بالنية
نكولو فالخير أوما قصدي فغبية
وحدة من لخصال يا بنادم تديها
بالصدق أولوفا ما ديالي نرميها
البكم ما يعرف لغبينة من خالقو
الرزاق يرزق النملة في مدايقو
الكريم إبات هاني من ذلة لنقايم
والبخيل ما ينوم ما يشوف نعايم
بالصدق أولوفا تخلق بها يابنادم
ما تنوفق ما تخدع وتبقى هايم
الردة فالدين بحالو والنكران فذاتو
والهم أوتزيان حال الواحد فحياتو
لا يغرك المظهر يا بنادم هدا محال
فالفجوج تشوف قسوة الخصال
ينكر ما يحشم ما يراعي لوجوه
يضحك لك والمكر باين مشدوه
خلية طايحة فيها الظلمة بوضوح
تنسى ما كنت عليه هم ونوح
الضو يخلي ظلمة السراب ليل
وينور لمقام بنورو ما ليه مثيل
السما صافيا وضو الكمرة هلات
خاليا من الضبابا والنجوم زهات
تسبح بخلق لانام مزينو محلاه
وتكبر بهلالو صاحب النور بهاه
لخدع فالدنيا أوربنا إحد الباس
تبهر العين الكحلة أوما يطر باس

سلسلة وصايا رائعة في قالب زجلي أروع
سلمت أخي

بالصدق أولوفا تخلق بها يابنادم
ما تنوفق ما تخدع وتبقى هايم


راااائع كعادتك زجالنا القدير
أهلا و سهلا بعودة قلم ما فتئ يقدم باقات من العبر
وأزاهير فنية زجلية ممتعة
دمت و دامت طلتك الإبداعية البهية
مع تحيات و سلام
طيف المغرب