بيني وبينك - منتديات الأستاذ التعليمية التربوية المغربية : فريق واحد لتعليم رائد

2012-01-30, 22:47

رقم المشاركة : 1

هشام الشميطي

أستـــــاذ(ة) مشارك

إحصائية العضو

هشام الشميطي غير متواجد حالياً

بيني وبينك

بيني وبينك
كيف صار واش كان
حتى عاد خونا وزير
زعما بالفهامة والقراية
ولا نقرة صافية
دازت من العافية
ولا بالجاوي والبندير
ولا بدهن السير يسير
ولا بوه من بكري
خان القضية
وعادا جيش التحرير

بدل الجلدة وماضيه
ما بقا حد يحاديه
و دخل ف التيه
وخاوا موليير
بدل دمو وعاد نصراني
شرا الجنسية
نصو مرروكي ولاخر طالياني
و يقول رياحي
جااااية بالخير

رزق البلاد ف يديه
حق المساكن يغبيه
باع..ساوم....و انهب
وانعدم الضمير

خالو بنشقرون
نسيبو برادة
وشريكو شمعون
وانت يافقير
عيش ف الظلمة
واسكن ف اعظامك
بيع اوهامك
و عنداك تفيق
ما عندك ما دير
وعنداك تزرب
لزربو ماتو
خانك راسك
وحسن التدبير

زعما تساوات الريوس
وولا الرايس كالمريوس
والفقير ممكن يكون
وز يـــــــــــــر؟
محال... الوقيلا تنحلم
وساط ليا البرد ف الودنين
وتلفت الواحد من الاثنين
وقلت لعقلي
طير و لا نطير

هشام الشميطي

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=498537

آخر تعديل هشام الشميطي يوم 2012-01-31 في 01:23.

2012-02-04, 13:50

رقم المشاركة : 2

رشيد زايزون

مشرف منتدى التعليم العالي ومنتدى التفتيش التربوي

إحصائية العضو

رشيد زايزون غير متواجد حالياً

رد: بيني وبينك

كل الشكر والتقدير لك ايها الشاعر القدير هشام على كلماتك الرااااائعة ..التي طالما اعتبرتها مثل قطرات الندى التي تروي غليلنا، وشكرا على هده الزجلية الرائعة ، التي تنزف بنبض الشعب المغربي الأبي هههههه .