استمتعت بالموضوع أخي أبا العز
لاحرمني الله منك

طوطو خارج من لوزين، وهو يتعرض ليه واحد الشفار هلكو مزيان وخدا ليه الخلصة ديالو
من بعد 15 يوم، كان طوطو خارج عاوتاني من لوزين، وهو يتعرض ليه نفس الشفار
يالله بغى يعطيه قتلة ديال العصا تاني، وهو يقول ليه طوطو: حبس أخويا، هاك الخلصة ديالي، بلا ما تضربني
شد من عندو الشفار الفلوس، وبقا عليه حتى سلخو
قال ليه طوطو: الله يا خويا، عطيناك الفلوس وهلكتينا
قال ليه الشفار: أنا ندي شي حاجة بعرق كتافي

طوطو سولوه: أشنو هو أهم أسباب الطلاق؟
فكر طوطو شوية وقال ليهم: الجواج

طوطو خرجوه من الامتحان ديال الرياضيات، علاش؟
لقاوه كاتب جدول الضرب مورا الكالكيلاتريس

هادو تلاتة مبوقين ركبوا طاكسي مع طوطو. طوطو عاق بيهم ، ناض شعل الموطور و طفاه و قال ليهم صافي وصلنا.
اللول عطاه الفلوس
التاني قال له شكرا
التالت نزل من الطاكسي و دار لعند طوطو و سرفقه. طوطو يسحاب ليه واش السيد عاق بالقالب دياله، ساعة هو يقول ليه: المرة الجاية ما تسوقش بالزربة بزاف