بسم الله با ش بدينا، وعلى نبينا صلينا،ومع الحباب تلاقينا، يارب لاتحافينا.
زاد الهم والكدر، وتغشات علينا الأحوال
قلوب العباد تهزت وتزعزعات وتكبت عليها الأهوال،
كلمة باردة وشوفة عريانة،والقيل والقال وكثرة التسوال،
هذا سوق الكلام واللسان، والضرب على البال...
بلا ما نزيد...راك رويت ياالحر، وبلا دبزة معاها رد البال،
مني ليك مشموم الورد ونزيد ليك حلو التهلال
جايب الفرحة والملح والسر وبلا كوال
نقول ليك اليوم قبل غذة راه المال قتال
يرميك في النخاسة وثوب الدربال
حضي راسك من سم الريال
كن حر معزوز، وعمر راسك بالحلال
يا مول الخير جمل حالك وكحل عينك
شوف بعيد ولا تكون قوال
اليوم تساوي ريال، وغذا أنت بلا جلال
مسكين إلى جهلت وتعنت، وركبت لخيال
شم معي ورد الرجال وخليك من التغوال
يا مول الرزانة تعلم حق الكلام وجمع الرحال.

الله....الله .....على النغمة الدافية
ضربت على الوترة الهادية
جمعت لكلام ولعلام جاية
معاك الحق....الزمان بدال والرجال غادية
سلامي ليك بالصافية
شكرا لك على الترحيب والزجل الثري بالمعاني والمحبة.

شكرا لك