قصيدة قرأتها في الحاسوب: " نفسى فى صنف حشيش". قصيدة جديدة لأحمد فؤاد نجم. نقل مواطن ا - منتديات الأستاذ التعليمية التربوية المغربية : فريق واحد لتعليم رائد

2010-12-14, 19:11

رقم المشاركة : 1

mkochkar

أستـــــاذ(ة) متميز

إحصائية العضو

mkochkar غير متواجد حالياً

قصيدة قرأتها في الحاسوب: " نفسى فى صنف حشيش". قصيدة جديدة لأحمد فؤاد نجم. نقل مواطن ا

قصيدة قرأتها في الحاسوب: "نفسى فى صنف حشيش". قصيدةجديدة لأحمد فؤاد نجم. نقل مواطن العالم د. محمد كشكار

نفسى فى صنف حشيش

ينمل الدماغ وينظف النخاشيش

علشان انسى طابور العيش

واخش فى الغيبوبه

وانسى مشكلة الانبوبه

وانسى بلدنا المنهوبه

وانسى اللى بيجهزوه علشان يبقى رئيس للمخروبه

وابقى مسطول

وانسى اى مسئول

من اللى سابوا الناس فى السيول

وانسى ان نظيف اتجوز وبقى بيعول

وانسى مجلس الشعب وفتحى سرور

وانسى البرادعى وايمن نور

وانسى شوبير ومرتضى منصور

وانسى تعديل الدستور

وانسى اللى ساكنين فى القبور

وانسى انفلونزا الطيور

وانسى مشاريعنا الفاشله

فى توشكى وابو طرطور

واخش فى الاستهبال

وانسى علاء وجمال

وانسى التوريث

و النيل اللى نازلين فيه تلويث

وانسى ان منتخبنا كويس

زى ماقال الريس

وانسى تصدير الغاز

واحنا عندنا ازمة بوتاجاز

وانسى قطر العياط

وانسى قطر الصعيد

وانسى احمد عز واحتكار الحديد

وانسى زحمة المواصلات

وانسى الانتخابات

وانسى فتاوى الفضائيات

وانسى العشوائيات

وانسى فشل التعليم

وانسى هشام طلعت وسوزان تميم

وانسى الاهرام وانسى الاخبار

وانسى ثروة الريس ال40 مليار

اللى مش بالجنيه المعفن لا بالدولار

وانسى انه خلى بلدنا افقر من زنجبار

وانسى المعارضه وانسى الاحزاب

وانسى تامر حسنى وعمرو دياب

وانسى ارضاع الكبير

وشرب بول البعير

وانسى انفلونزا الخنازير

وانسى اوروبا وامريكا وانسى الصين

المتقدمين عننا بسنين

وانسى البيت بيتك و تامر امين

وانسى ان كيلو اللحمه بقى بتمانين

وانسى اننا فى الزباله غرقانين

وانسى الماده سته وسبعين

والماده سبعه وسبعين

وانسى فريق الساجدين

وانسى الزمالك والاهلي

وانسى اليسا وهيفاء وهبي

وانسى الفول والطعميه

وازهى عصور الديموقراطيه

وجامعة الدول العربيه

والجماهيريه الليبيه

والكفيل فى السعوديه

وانسى بطرس غالى و الضريبه العقاريه

وانسى الطلعه الاولى الجويه

والمصالحه الفلسطينيه

وانسى فتح وانسى حماس

وانسى هنيه ومحمود عباس

وانسى العراق وافغانستان

وانسى ايران و انسى باكستان

وانسى ماما سوزان

وانسى الاخوان

وانسى محمد ابراهيم سليمان

وانسى ان حد بالمليون يطلع كسبان

وانسى انى مديون

وانسى ان كل واحد بيعتدى على كنيسه

بيطلعوه مجنون

وانسى كل ممثله حيزبون

بتاخد فى المسلسل كام مليون

وانسى ايامنا السوده

واحضان طنطاوى والبابا شنوده

وانسى القذافى والبشير

وانسى كل ملك وكل امير

اللى حاكمين من سنين

من غير تغيير

وعلشان اعرف ان الصنف كويس

لازم ارشح نفسى وابقى الريس

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=307088

2010-12-14, 19:22

رقم المشاركة : 2

abou alae

أستـــــاذ(ة) ذهبــــي

إحصائية العضو

abou alae غير متواجد حالياً

رد: قصيدة قرأتها في الحاسوب: " نفسى فى صنف حشيش". قصيدة جديدة لأحمد فؤاد نجم. نقل موا

جزاك الله خيرا ووفقك في دينك ودنياك لما فيه خير الدنيا والآخرة


	للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :