2010-09-25, 21:46
|
رقم المشاركة : 1 |
إحصائية
العضو | | | فكاهيات عرس مغربي | عرس مغربي جميل.نصب خيمة كبيرة في رأس الدرب.قطع الطريق أمام الراجلين والسائقين.الطبالة والغياطة والكلاكسون بالليل والنهار.عائلة العروس:اداتو واداتو والله ما خلاتو. عائلة العريس :اداها واداها والله ماخلاها. الشطيح والرديح على الأرض وعلى القعادي.القعدة ترقات ولات آلة موسيقية.كانت غير مصدية فالسطح. عرس مختلط .الرقص للجميع. نساء وقفاطين وتكشيطات.ذهب و بلاتين .رجال وسكر طافح و نشاط زائد,دخان و ربطات عنق.أطفال صغار يولولون.اختلط الحابل بالنابل. عروسة مرهونة,هاهي مرهونة.عند احبابها مرهونة,عند خوالها مرهونة.عمامها ماعطاوا والو للنكافة.عروسة مامرهوناش عند عمامها. التريتور .السربايا .أطباق تسير.توضع على الموائد.دجاج محمر.حامض مصير.زيتون.مرق.4 دجاجات في الصحن. نتش.عض.جر.فخد.جناح.صدر أبيض...مونادة وكؤوس ومناديل.هذا وحلات ليه.عينيه خرجو.تصبب عرقا.عجوز حيزبون:جيبوا ليه الما غاذي يموت.بقيت الأطلال واقفة.لحم محمر.برقوق.مرق.رجل أدرد,لا أسنان له: آه شحال قاصح.شارفة هاذ البقرة.السفة باللوز.سكر كلاصي.قرفة.ناري السفة كتوحل.وحلات للحيزبون.عتقوا المرة مشات. ضربوا ليها قفاها.تكيوها.رشوها بالما.عنداك تموت لينا هنا.خرجوها تنفس الهواء.ناري ماتت.ازراقت.مصيبة هاذي. فين العريس؟ فين العروس؟آجيوا.فين غاذين؟ابقاوا حتى تشربوا القهوة.مسكين مافراسو مايعاود. البوليس.شكون هاذ المرا؟ طفل :امي,شكون هاذ المرا اللي ماتت؟والله ماعرفتها شكون هي.اللي عرفها يقول لينا. مول الباش.جاي كيجري.ناري امي.بكاء.عويل.صراخ. إنا لله وإنا إليه راجعون.ضحية من ضحايا السفة.العرس تقلب جنازة.العريس والعروس هربوا.المعروضين هربوا. بقا غير مول الباش والباش. | : منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=255787 التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
| |