قالك هدا واحد عرف رقم التيليفون ديال واحد الجن و لا كل ساعة كاسيفط ليه " بسم الله الرحمان الرحيم"
هادي واحد المرا سولات راجلها: متكدبش علي تصور مت آش غادي يوقع فيك؟
الراجل: نحماق ونتسطى ألحبيبة ديالي ويخرج لي العقل
المرا: و زعما تعاود تزوج وحدة أخرى؟
الراجل: إيوا شوووووفي حماقي شنو غادي يقول لي
هادو رباعة ديال المكلخين صنعوا طوبيس كيمشي بالعرض باش كلهم يركبو القدام
واحد طبيب بيطري مشى يخطب واحد البنت. سولو باها قال ليه: واش نتا معروف؟
قال ليه: وايلي تانتا، ماكاينش شي حمار ف المغرب ماتيعرفنيش
قاليك هدا واحد كيسمع الخارج راه فيه الفلوس غير مشتين وكلشي لاباس عليه، وهو يبيع دارو والبهايم ومشى سافر. غير وصل نزل من الطيارة وهو يلقى 20 أورو طايحة و هو يدفعها برجليه و قال: تفو على فال كيف داير، شلا باش بديت
هادا واحد طويل بزااااف شرب كاس ديال الحليب ومات. جاو يشوفوا لقاو الحليب ما جا يوصل للمعدة حتى انتهت مدة الصلاحية
هادا واحد ضرب التلفون لصاحبه حيت مزير ف شي فلوس. هوما غاديين ف المكالمة عادي، حتى جات سيرة الفلوس، غير طلب اللول من صاحبو شي فليسات و هو يرد عليه: الرقم الذي تطلبونه غير موجود، المرجو عدم الاتصال لاحقا
هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة
هادي قنية مريضة بزاف و ضارها راسها، قال ليها الفكرون: ما تخممش، أنا نمشي نجيب ليك الدوا.
القنية جلسات تسنى ساعة، ساعتين، حتى داها النعاس. الغد ليه فاقت و الفكرون باقي ما رجع. ناضت طلت من الشرجم لقاته قدام الباب. قالت ليه: طلق راسك، أنا اللي مكلخة معولة عليك.
قال ليها الفكرون: غادي تحترمي راسك أولا ما بقيتش غادي
واحد مبوق كيبكي ف السبيطار. سولوه مالك . قال ليهم: لا والو، غير الوالد مات شوية
واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور
هادو جوج مساخيط. اللول قال للتاني: أنا مسخوط كتر منك
قال ليه التاني: لا، أنا مسخوط كتر منك
ناض اللول شاف واحد المرة شارفة دايزة و عطاها قتلة ديال العصا. مشى عند صاحبه قال ليه: شفتي؟ حتى الشارفات ما يزهقوش من بين إيديا
التاني شداته الموت ديال الضحك، و قال ليه: إيوا شفتي راه هادي امي، و كاع ما فكيتهاش منك
هادا واحد معروفة عليه مكلخ شد الدكتوراة. مشى عند مرتو قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتو: دق على الطبلة.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ: واخا عطيني واحد خضر
هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة
و هو يقول ليها: آرا برع! جوج عشاوات
هادا واحد مشى لمطعم ف فرنسا، و عيط للجرسون: جرسون، بغيت حريرة عافاك.
قال ليه الجرسون: باردون؟
قال ليه لاخور: لا، ساخنون
رمضان
كريـــــــــــــم
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
2009-08-27, 16:45
نكت مغربية خخخخخخخخخخخخخ 
رد: نكت مغربية خخخخخخخخخخخخخ 
