آش اداك يا العطار تدق على ذيك الدار - منتديات الأستاذ التعليمية التربوية المغربية : فريق واحد لتعليم رائد

2010-07-14, 19:32

رقم المشاركة : 1

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

آش اداك يا العطار تدق على ذيك الدار

آش اداك يا العطار
تدق على ذيك الدار
واش ما بقاوا رجالة
درتي بحال ذاك الفار
اللي دخل للدار بلا شوار
حتى بقى عايش فزبالة
سخن عليك راسك يا العطار
سخونية الراس ما تجيب غير العار
عفاك حايد عليك هاذ البسالة
دخلتي برجليك للخطر
جبدتي عليك صهد النار
وتبعتي رفاقة من والا
داري دار العز يا عطار
مايدخلوها غير الناس الأحرار
علاش نوضتي هاذ الروبالة؟
هذا راه العز يا حضار
والعز ماهو عند العطار
ليوم مول العز يا نظار
يضرب العطار بنعالة
هاذ بنادم ماعندو بعد نظر
عندو بحال رمضان بحال الفطر
ما تنفعني معاه غير النخالة
احظي راسك يا الناعس من العطار
را العطار هو سبب البلا
هاذ العطار راه نقال الأخبار
كيف يجيب ليك اخبار
راه لازم يدي منك اخبار
لاعب على الحبلين من نار
لا تغرك فيه هاذ الغوفالة
يدور بيه عيالات الدوار
والرجالة قاطع معاهم الحوار
واش احنا نتباعوا فسوق الدلالة؟
هاذ العطار ضاسر يا حضار
غاذي نفدي فيه ليوم الثار
ونمحي لباباه السلالة
كلامك يا العطار نار ونار ونار
بدخولك للدوار
تشعلها فكل دار
وتدير على عينينا الجلالة
وتمشي هايم من دوار لدوار
وانت سايق ذاك الحمار
والعوافي تابعاك حتى للنوالة
نوصيك يا فلان ,هذا زمان الشطار
ماتديوا كلام ماتجيبوا كلام يا حضار
وخليونا نبقاوا ديما رجالة
العطار نقطة في واد مدرار
ونقطة بنقطة يحمل الواد شي نهار
ونوليوا كلنا يا ناس غير حوالة
ستروا ما ستر الله يا نظار
اخبارات الناس اسرار
ولا تمضغوا كلام يا حضار
را لبلاد علينا عوالة

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=194634

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة

آخر تعديل ابو العز يوم 2010-07-14 في 19:43.

2010-07-17, 14:45

رقم المشاركة : 2