|
رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية في الابتدائي كانت تتجي واحد الفترة تيفرقو البومادا الصفرا ديال العنين والاستادة تديرها للتلاميذ قبل ما يخرجو؟؟؟ كنت نقرا في الرابع والاستاذة اللي كانت تدير لينا ديك البومادا بنت لحرام توعت تتقب ليا عيني كرهاتني في الدوا المهم واحد النهار قربنا نخرجو وهي تجبد ديك البومادا الصقعه وقالت لينا نوضو للسبوره بالصف بالصف انا اش درت دورت عويناتيhttp://www.beautymaroc.com/vb/images/smilies/55088.gifوتخشيت تحت الطاوله وجبد uhuاللصقه ديال ايهي وحطيتها على عيني وبقيت ساداهم وهي تجي عندي قالت ليا ماريا نتي مزال مدرت ليك البومادا قلت ليها لا درتيها هنتي شوفي تتقول ليا حلي عينيك واااااالو مبغاو يتحلو انا نجر وهي تجر اناري يالمسخوطه اش درتي؟؟ عاد داوني لسبيطار الحومه حلو ليا عيني هد الشي كلو باش منديرش البومادا |
رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية عرفتو تفكرت واحد المرة كنت نيت فالثالت المهم عقلت شرات لي الواليدة كاغتابل يعني محفظة من القصارية و كان يوم الاربعاء فرحت بزاف....لكن للأسف كان عندي نص نهار فالعشية مقرياش تفقست مزيان حيث بغيت خلاص نمشي بها تخيلو مقدرتش نصبر حتى الغد و درتها فظهري و مشيت ديك العشية المدرسة هههههههههه و نص نهار كامل و انا كنضور فالساحة و الكرتابل فظهري و وجهي مرسومة عليها ابتسامة السعادة و كنشوف فالتلاميذ شكون لي رد البال اني شريت محفظة جديدة هههههههههه حتى طابو لي رجلي و انا نرجع لدارنا |
رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية فالكاتريام كنا داخلين لمادة الفرنسية وعرفتو حنايا مجهدين بزااااااااف ههههههه فهاد اللغة ههه المهم الاستاذة جبدات معانا موضوع ديال علاقة الاباء بالابناء وكلمة تقولها بالفرنسية وعشرة بالدارجة ههههههههه ايوا وهي تقول ليها واحد البنت راه الوالدين كيلزمو على اولادهم شي حاجة هما مابغاوهاش / طبعا كل الكلام بالعربية /// وهي تقول لها الاستاذة بحال اش ؟؟؟ وهي تقول ديك البنت انا ما بغيتش نلبس الحجاب وهما لبسوه لي بزز وهي تقول لهخا الاستاذة شكون لي بززو عليك واش ton pére ولاton frére ... وهي تقول لها ايه ا استاذة ton pére و لي بززو عليا ههههههههههه الاستاذة مسكينة قالت لها وانا با شنو دخلو للهدرة |
رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية بكل بساطة و بكل عفوية اجابتني آخر تلميذة في الفصل اقول لكم عندها آخر معدل سؤالي كان 10+10 كم تساوي فقررت ان تجيبني آخر تلميذة و ذلك من باب التشجيع لها على المشاركة فاجابتني تساوي درهم |
رد: الذهاب إلى أول مشاركة جديدة ~~ مهرجان الصـ2010ـيف الأول / الطرائف اليومية كان عندي درس ديال الصرفو التحويل بديت بهاد الجملة انا سعيدة انت سعيد انت سعيدة هو اشرت لواحد التلميذة باش تكمل الجواب فقالت لي هو عمر ههههههههههه |
| الساعة الآن 23:53 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd