الحمد لله نعم
و الغريب أن أمي توفقت ههههههههههه و الكل كان ينتظر العكس
مني كنا كنوجدو للامتحان انا او اختي مكناش كنحفضوا او هي مسكينة تبات سهرانة تتحفض

غنعاود لكم واحد الطريفة وقعت لابنة خالي هذا الصيف كنا في شلالات ازود وكنا جالسين في واحد المكان كيتواجدوا فيه القردة ووضعت الابن ديالها حداها واحد شوية جات واحد القردة وقبطت اليد للولد الصغير وبغات تهرب تبعناها هي تجر في الولد وحنا نجرو غي بالقوة باش خذيناه لها

غادي نعاود ليكم مجموعة من المواقف حصلات لي
و انا صغيرة فديك 10 سنين ماكنتش كنعرف شنو هي بريكة اللي تيشعلو بيها العافية المهم لبريكة قاسها الما او مبغاتش تخدم فامي خرجاتها للجردة باش تسخن او حطاتها في جنب ديال لحوض اللي كان مصيب بالبريك هههههههههههههههههه او مني بغاتها عيطات لي باش نجيبها مشيت انا لقيت بريكة ديال الحوض مهرس منها طرف هزيتو او ديتو ليها بقات تشوف فيا او قالت ليا .........وتي فيني لبريكة
قلت ليها راها مابغاتش تتحيد لاصقة فالرض لقيت غير هاد الشويا جبتو هههههههههههههههههههههههه
بقات كتشوف باستغراب مادواتش مشات جابتها او قالت شفتي هادي سميتها بريكة ايوا عقلي


عندي مشكل انني بزاف د لمرات مني نبغي نطلع للسياره كنسلت الصندالة من رجلي برا هههههههههههه
الله يستر فهيمة بزآآآآف


مني كانت عندي يمكن 4 او 5 سنوات سخراتني امي نجيب محراشة خبز ديال الشعير يعني مشيت عند مول الحانوت او انا متنعرفش اشنو هي محراشة فقلت ليه عطيني حجرة محراشية كحلة ههههههههههههههههههههههههه لحد الساعة تيقولوها ليا و يسولوني اشنو معناها

واحد المرة كان عند درس السوائل القسم الأول ..قلت ليهم عطيوني أسماء مواد سائلة ...قالت واحد التلميذة مووووووووووووونعيش

في درس اخر قلت ليهم ماذا تعطينا البقرة تلميذة قالت لي سيكوك استاذة ههههههههه

في درس الرياضيات التلاميذ كان خصهم يرسموا شكل واحد التلميذ معرفش فبقى تيمحي حتى تقب الورقة ......وقفت حداه او قلت اش درتي ...قالي اوهو مسيكين خايف استاذة ماشي انا هو اللي كان مشروg هههههههه فخرجت فيه عينيا او هو يقول ...لا استاذة راه هادا الي شرgو و هو يشير الى قلم الرصاص

في درس عملية الطرح بعض التلاميذ متمكنوش انهم يفهموا قضية السلف....... المهم واحد قلت ليه دابا انت معندكش ستيلو باش تكتب او فاطمة ...التلميذه لي بجانبه....عندها 2 غادي تتسلفو من عندها .قالي اه ايوا مني تسالي غتخليه عندك ؟ قال لي لا غردو .....اذا مني نتسلفو خصنا نردو السلف ...استاذة نعم
ايه رجعنا للعملية ايوا دابا اش غنديرو باش نقدرو نصيبو العملية قالي غنتسلفو.... ايه منين غنتسلفو قال لي من عند فاطمة