خوك خوك لا يغرك الطمع

بمعنى أن الإنسان يجب أن يتمسك بأواصر الأخوة و لا يغره الطمع و مفاتن الدنيا، و هو كقولك أخاك أخاك فمن لا أخ له كساع إلى الهيجاء بغير سلاح, فمثلا عندما يصبح الإنسان فقيرا بعدما كان غنيا لا يجد قربه سوى إخوته من دمه.
أمثال مغربية

أمثال شعبية مغربية

*-"الا حرن الحمار عرف الشيطان دخل الدار."
*-"الخروف المزيان من الرقبة كيبان."
*-"كل فولة خامجة كيجيب لها الله فروج عور."
*-"الدليل فالرجال هو اللي كيعطي الضحك لجار و الهم لدار."
*-"الله يلعن كاس البلار اللي نشرب فيه المرار."
*-"مول الطاحونة و السانية و المرا التانية حتى ليلة ما يباتها هانية."
*-"العكوزة الا ما هدراتش تهز راسها."
*-"حلفات العروسة ما تحب الحماة حتى تبياض الفحمة."
*-"للا مليحة و زادتها ترويحة."
*-"اعمى بن اعمى لي كيشوف الغيام فالسما و كيدير حيكو فالما."
*-"واحد اعطاتو و واحد زواتو و واحد جابتو على عين قفاتو."
*-"اللي عندو مغرفة ما تحرق يدو."
*-"فولة ما دير بيصار و فارس ما ينوض غبار."
*-"لا حبيب الا حبيب الشدة."
*-"الشمعة كتضوي للناس و كتحرق روحها."
*-"انت مير و انا مير شكون يصوك هاد لحمير."
*-"الزلط و التفرعين بحال دبان الزبابل."
*-"عيني فيه و ما قديت عليه."
*-"شي فالحلقوم شي تيقولو قوم."
العينين لي كيحبوك من البعيد كيشفوك."
*-"تفكر حبيبك و هواه تفكر فعايلو و نساه."
*-"يلا حبك القمر بهلالو اش عليك فالنجوم يلا مالو."
*-"مشات تجيب القزبور جات حاملة من سبع شهور."
*-"الشبكة كتعيب على الغربال."
*-"كل ما لعبت المعزة فقرون الجبال كتخلصو فدار الدباغ."
*-"الحجلة الخفيفة من سعد الصياد."
*-"هرب من الحفرة طاح فالبير."
*-"النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك."
*-"التاجر الا طلب لولاد كيجيه غير الريال و المسكين الا طلب الريال كيجيوه لعيال."
*-"المزغوب حتى ليلة عرسو قصيرة."
*-"الرزق قليل و طاحت فيه دبانة."
*-"منديل صفية جيت نمسح فيه مسح فيا."
*-"اللي تطوف ما تغزل الصوف."
*-"دايرة كي اللفعة ظهرها املس و كضرب بسمها بلا حس."
*-"الا حلفو فيك النسا بات فايق و الا حلفو فيك الرجال بات ناعس."
*-"يموت الفكرون و لا يحك ظهرو."
*-"إيدك منك وخا تكون مجدامة."
*-"كل خنفوسة عند يماها غزالة."
*-"اللسان ما فيه عضم."
*-"بالمال ولاو الشمايت رجالة"
*-"الله ينجيك من المشتاق إذا فاق ومن البايرة إلا ضربت الصداق."
*-"حرنا في اللي حبونا أما اللي كرهونا داروا فينا خير."
*-"لا وجه للسعاية ولا درع للخدمة."



*-"طاحت الصمعة علقو الحجام."
*-"وريه وريه والا عمى سير وخليه."
*-"كون كان الخوخ يداوي كون داوا راسو."
*-"طلع خود لكرموص هبط شكون قالها ليك."
*-"كون كان الزهر عندو الزهر كاعما يعملوه فلقراعي."
*-"فاين ماضربتي لقرع يسيل دمو."
*-"الناس فالناس وعيشة فمشيط الراس."
*-"كول مع اخيك واحضي مع اخيك."
*-"زواج ليلة تدبيرو عام."
*-"السن يضحك للسن والقلب فيه الخديعة...."

.

الله ينجيك من الساكت الى دوا..
و من الغدار الى نوا..
و من الجيب الى خوا..
و من صداع الى قوا..
و من شيطان الى غوا...
و من البنت الى مشات قدامك تتلوى

ليس بالكذاب من يصلح ذات البين

قل لي من تعاشر أقل لك من أنت