2013-08-25, 18:12
|
رقم المشاركة : 3436 |
إحصائية
العضو | | | رد: ضيفنا العزيز شاركنا مثلا شعبيا | *- كن ما لكريدي، ما نمد يدي
*-عينك ميزانك
*- داقو سعيد , وجبرو لذيذ واحلف حتى يزيد .
*-الحنة حرشة ,والماشطة عمشة .والعروس بوهزاز.
*-قالت العودة :من نهار اللي ولدت ,ما كليت علفي وافي , ولا شربت مايا صافي .
*-كيفتش على جوا منجل،وطربوش لعجل ,وسروال الجمل .
*- مشات عيشة تجيب القزبر ,جات حبلا من سبع شهور ,لو كان ما خافت من الطلاق , كون بقات حتى يخلاق .
*-اطلع تاكل الكرموس , اهبط شكون قالها لك .
*-لمعايرة في لوجه صابون , وفي الظهر طاعون .
*-أنت مير وأنامير , الله يجيب اللي يصوك هذ لحمير.
*-اضربني وابكا,واسبقني وشكا
*-لعوين مع النصارى ولا لكلاس خسارة .
*- اللي عمل راسو في النخالة ينقبو الدجاج
*-اللي غاب عليك أصلو شوف فعلو .
*-اخنيفيسة تونس ,خير من غزالة تهوس .
*-الي ما سمع راي كبيرو الهم تدبيرو .
*-شبعها وخليها هايمة حتى تلقى الدايمة .
*-كل الشحيما وخلي لحيما .
*-إلي ترفحتي وحلات ليك لكليسة تهلى في لكصيصة .
*-باش تمسح المزلوطة إلي توسخت ليها الفوطة
*-معمشة وتتماشى اولا مكحلة وتلاشى .
*- لاتعمل خير ما ترى باس .
*-خوك في الصنعة عـــــــدوك .
*-كل مع خييك واحض من خييك ,لا يدي لك لحويك .
*-طاح الحك في الما واجبر غطاه تم .
*-مايبكلك غير شفرك وما يحكلك غير ظفرك .
*-ايلا فاتك لكلام, قل سمعت ويلا فاتك الطعام, قل شبعت.
*- الزيزون ماتتفهمو غير مو .
*- اللي فاتك بليلة فاتك بحيلة.
*-جوعي في كرشي وعنايتي في راسي .
*-الحرة بالغمزة والعبد بالدبزة.
*-العارف شفتو كفاتو.
*-داقو سعيد , وجبرو لذيذ واحلف حتى يزيد.
*-للا زينة , وزادها الحمام.
*- قلب القدرة على فمها ,البنت تشبه لمها.
*-شكون شافو ليك يالمسوكة بالليل , ومكحلة عند القنديل.
*- هذي من لغرايب , لمرا مكحلة وراجل غايب.
*-زوق تبيـــــــــــــع.
*-إلى شفتي المزلوط غادي زربان عرف مول لفلوس مسخرو.
*- الضحك تيفسخ البيع.
*-هود مساري واطلع شاري.
*- الحر حر والصنعة ماتضر.
*-الله يرحم من مات وخلا الميدة عامرة فتات.
*-ضربو لحلقو ينسى اللي خلقو.
*- بحال الكسكاس ملي تيقوى رزقو كيغمضو عينيه.
*-عند رخصو خلا نصو.
*-قلت الشي تترشي.
*-على قد فراشك مد رجليك.
*-اللي خلص دينو شبع.
*-اللي ترهنو بيعو .واللي تخدمو طيعو.
*-لاعين شافت لاقلب وجع.
*-سال لمجرب لاتسال الطبيب.
*- باعد من لبلا ليبليك.
*-النواض بكري بالذهب مشري.
*-تغدا وتمدا وتعشا وتمشا.
*-اللي دركك بخيط دركو بحيط.
*-حبني محبة خوك وحاسبني حساب عدوك.
*-اللي ضربتو إيدو ما يبكيش.
*-إيلا كان حبيبك عسل ,لاتلعقوش كلو.
*- دهن راسو بلعسل وخشاه في غار النمل.
*-لمحبة الزربانة مفر قة في نهار.
*-اللي صابها ليلو, ما عطاها لغيرو.
*-قليل مداوم خير من كثير ومقطوع.
*-أميات تخميمة وتخميمة ولا ضربة بمقص.
*-كن اسبع وكلني ,ولاتكنشي ذيب تشوهني.
*- نهيه , انهيه ويلا عما , سير وخليه.
*-اربط حمارك مع لحمير , يتعلم الشهيق والنهيق وخرجان الطريق.
*- كيفصل الزناقي ويخيط الدروبه. | آخر تعديل خادم المنتدى يوم 2013-08-25 في 18:15. |
| |