يا خوتي وصحابي
يا ولاد ابلادي
يا اهلي وحبابي
بسلامة راني غادي
هادي عوايد علام لقبيلة
مجدوب ما يخلي بلاد
وبجواركم دوزت ايام جميلة
مع خير ما في العباد
أيام وشهور ما هي قليلة
كلها فرح ومرح واسعاد
واد حروفكم بقوافيه بلاني
و واد ريعتي ف التعمار ما خلاني
خوكم العلام هكدا رحّال
بوهالي مجدوب الحال
من نهارو عايش جوال
ولي ما جال
ما عرف بحق الرجال
وانا جلت وصلت وكفلت
وما شفت كيفكم يا ناس
ضيف الله تهزوه
على العين والراس
ما شفت منكم غير الخير
اللي معمرني شفتو ف الغير
المسامحة الى راني خطيت
فشي حد منكم واخة غير سهيت
ولا تهكمت على شي حد ونسيت
ولا لحدودي راني تعديت
ما نطلب إلا المسامحة
راني غادي نخوي الساحة
ونبغي نمشي على جنب الراحة
وبلاصتي تبقى تبقى... زينة
تفكروني بالخير
يا صحاب العقول الرزينة
ومن جيهتي انا راه القلب صافي
وما عمرني نسيت ولا ننسى
لكلام الدافي ولا الهمس الوافي
ولا جميع الحروف و القوافي
صراحة قبيلتكم ولافة
وصدوركم مضيافة
وعادت العلاّم مقرافة
هذا علي ما اعفى
وحال ذاتي راه اجفى
باغي يعطيها بالكفى
ويكمل الجولة بالحفى...
بوهالي وحالي ما هو عادي
عدروني يا ناسي وسيادي
بسلامة راني غادي

أتمنى أن يكون مضمون هذه القصيدة الجميلة - أخي العلام - مجرد تجربة شعورية متخيلة.
تأكد أن مكانك كان وما يزال نقيا طاهرا و تقبل مروري المتواضع.
دمت وفيا لحروفك المتألقة.

حان لفراق يالعلام
حيدتي لوتاد
قلعتي لخيام
اجمعت احريفات
وكلام
ودرتي من هنا دازو
(كان هنا)
هرستي القُلَّة وراك
وخليتي شقوفها
فينا تشوف
ياك لكلام دواك؟
والريشة ولقلام
والحروف
الدار اخوات يا لعلام
بقات فيها لالا موكة
تصيح وتنوح
لحجار تعيط وتبوح
فين لعلام؟
وفين قبيلتو؟
فين لكلام ؟
وفين غريبتو؟
مشى لعلام
ومشات علينا قبيلتو
وماهموني
غير الرجال يلا ضاعوا
لحيوط يلا رابو
كلها يبني دار
رفقة لعلام بقات كية
فشتى قلوب
مُحال تمحى مع ليام
ومُحال من لكلام
لعلام يثُوب

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان
ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى