2010-04-27, 13:37
|
رقم المشاركة : 8 |
 إحصائية
العضو | | | 
|  رد: حماري داير النضال
|  |
المشاركة الأصلية كتبت بواسطة ابو العز
 حماري اصبح ليوم مغوبش
صابح حزين ومبورش
مال حماري ليوم اكثر تخمامو؟
وجالس يحسب في ايامو؟
حماري احذر وذنيه
شاف فيا ونطق وقال:
الحمل عليا ثقال
كنخدم خدمة زوج بغال
أنا نضرب تمارة
وانتوما تجمعوا المال
أنا ليوم داير النضال
ولهاذ البردعة ما أنا حمال
واه ؟الذيب يضحك عليا
الثور معدي عليا
والبغال يتغامزوا عليا
وبيبي يتناقز عليا
وحتى من الفروج ينقب فيا
هاهو السبع ولى غضبان عليا
ليوم حايد لي الهوية
ما أنا مواطن من الغابة
ما أنا مع اخوتي المغاربة
بقيت معلق
بالحجر مفلق
حتى أنا باغي نعيش شوية
ناكل شوية ,ونخدم شوية
ونرتاح شوية ,ونلعب شوية
حاولوا يا هاذ الناس عليا
ماتبقاوش غير تعصيوا فيا
مانبقاش غير حمار
اللي هاز من الهموم قنطار
فحمل الأثقال
أنا عزيز الدار
وفي الحوار
اسكت انت غير حمار
السلام عليكم ورحمة الله وبركاته
أهلا وسهلا ومرحبا بصاحب الحروف الهمامة بسيد العز والكرامة أبو الحرف بلا ملامة زجيلتك سيدي مول العز عزات نفسها وتكلمات بحروف الحق تقول يكفانا من عيشة الذل يكفى التحراز الزور والغل يكفى المرض السقام والعل علاش الحمار مسكين واش بوحدو من يملك ودنين واش اسم الحمار شتيمة ولا عيب وعار ولا مجرد بهيمة ما ليه وقار؟
احمارك مزال زايد ف النضال واخة يبدلو ليه الذرى بالخرطال
زجلية لا تخلو من حكمة رغم بساطة حروفها لكن المعنى وسط الحروف القاري يقرى والكافي يتهجى
تحياتي لك يا ملك الحرف بلا نزاع |
|
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
