كانت حياتي عادي نهار معبس نهار فرحان - منتديات الأستاذ التعليمية التربوية المغربية : فريق واحد لتعليم رائد

2010-04-13, 12:25

رقم المشاركة : 1

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

حكايتي معاها

كانت حياتي عادي نهار معبس نهار فرحان
كانت حياتي مرة هاني مرة نكون غضبـــان
كـانت حياتي مرة نكتب مرة نكون سرحــان
حتى جات الساعة اللي وليت فها حـــــيران
* * * * * *
جات وحدة هزت قلبي عيشاتني في الاحــــلام
جات وحدة خلات ساعتي بلا بيها تولي عــــام
بلا بيها تولي الدقيقة من وقتي بحلا عشت ايام
بحلا عشت حياتي غير باش نكتب هاد الكــلام
* * * * * *
لو كن ما كانت هي ما عرفت هاد الحياة كيف تكون
لو كن ما كانت هي ماعرفت اليوم واش نكــــــــــون
لو كن ما كانت هي واش كنت نبقى فهاد الكـــــــون
واش كنت نبقى عايش ولا اليوم نكون مدفـــــــــون
* * * * * *
قلت مع بالي يا علاّم واش تتحبها قــــــــــــــــــــول
قلت معا بالي غاتحماق غَتْولي مهبـــــــــــــــــــــول
قلت مع بالي راك غَضِّيع شكون غَيْكون مســـؤول
شكون غَيْحس بلي فيك الى كان قلبها اليوم مشغول
* * * * * *
عرفت بلي الى بغيت نكسبها لازم نقرب ليــــــــها
عرفت بلي الى بغيت نكسبها لازم نكتب ليهــــــــــا
عرفت بلي الى بغيت نكسبها لازم نقولها ليهــــــــا
لازم نكون معاها نقولها بلي راني نبغيهــــــــــــــا
* * * * * *
قربت منها وعرفتها بغيت نبدى حياة جديــــدة
نكون معاها ونبقى معاها نعيشو حياة سعيـــدة
حسيت بلي نقدرو نكملو حياتنا ايدي ف إيــدها
حسيت بلي نقدو نتفاهمو بالحق لقيتها بعيــــدة
* * * * * *
وليت نحس بيها بعيدة واخة تكون معايــــــــــا
وليت نحس بلي وحدي واخة تكون حدايـــــــــا
وليت نحس بلي احلامي ما بقى ليها غايــــــــة
ما بقى ليها دور فحياتي محال تكمل هنايــــــــا
* * * * * *
قلت لازم ننساها اليوم نخرجها من د مــــــــــاغي
قلت لازم ننساها واخة عمري ما كنت بـــــــــاغي
قلت لازم ننساها واخة قلبي اليوم طــــــــــــــاغـي
وخة قلبي بغاها ولكلامي عمرو ما كان صــــاغي
* * * * * *
ظنيت نقدر ننساها بالحق قلبي اليوم كـــــــــدبني
ظنيت نقدر ننساها بالحق عقلي اليوم فـــــــــكرني
ظنيت بلي خرجات من بالي بالحق حالي غــــيرني
كنت ساهي جات الساعة اللي قلبي عليها ســـولني
* * * * * *
لمكنتيش محتاجها اليوم مالك مهموم مــــــــــــــــــالك
لمكنتيش محتاجها اليوم علاش ما تخرجهاش من بالك
لمكنتيش محتاجها اليوم علاش مدخلها في بـــــــــالك
علاش غا تبقى تفكر فيها بحالة تكون ســــــــــــحرالك
* * * * * *
فهمت بلي نبغيك يا اخت وانت ما بقالي فحيـــــــــاتي
كل ليلة نفكر فيك نحلم بيك مـــــــــــــــــــــــــــــــراتي
نتخيل نكون معاك نبقى معاك وين ما كـــــــــــــــــنتي
نفكرك بلي نبغيك الى شي نهار مشيتي نــــــــــــسيتي
* * * * * *
هادشي غير تخيلتو حيت محال نقد ننســــــــــــــــــــاها
مكتوب علي نبقى وحدي نكتب ونتسنــــــــــــــــــــــاها
نتسنى ليام تدور نشوف اش غَتْجيب معـــــــــــــــــاها
نتمنى تجيب معاها حبيبتي لي قلبي راه بغــــــــــــــاها

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=109677

آخر تعديل علاُم لقبيلة يوم 2010-04-15 في 11:07.

2010-04-13, 14:08

رقم المشاركة : 2

لطيفة المزاج

شاعر(ة)

إحصائية العضو

لطيفة المزاج غير متواجد حالياً

رد: كانت حياتي عادي نهار معبس نهار فرحان

بالحب و الشوق و سهد الليالي راك حيران

بشموع السهير و بلهيب الحيرة راك حزين

و بأحلى الآهات و والأحلام راك مجنون

لفاتك الحيرة و جعلات في قلبك الأشجان

عشقتي و هويتي و صرتي عاشق ولهان

خلي روحك روحها و بلاش تسلك درب الظنون

جمع لعشق نار قلبك و قلبها و غردتي كيف الكروان

في بستان جنتك و عالمها المسحور بنيتي قصر الأمان

جفاك النوم بالحيرة و صبح حبرك يهدي بكلام موزون

كلامك يا بولمعاني سحرني و ضوا عيني ببريق اللمعان

لؤلؤ و ياقوت و الماس مرصع كلامك كالمرجان

بصح الذاكرة ضعيفة تنسى و تغفل فهاد الزمان

لكن في حب لحبيب و الغرام و الهيام ديما حبلها متين

كيف راها تنسى رزانة و طيبة القلب و أخلاق الفرسان؟؟

كيف راها تنسى الي روى كلامها بماء العيون؟؟

من أجلك ياربيع الحياة و جنة لعمر سكنت الكيان

فألف لا للحزن و الألم و الهوان و الظنون

حروفك هنا يا بو لمعاني عجزات حروفي تعبر عليها باللسان

هي حروف نحيلة إنسابت بلا قيود أمام حروفك النابضة بالصدق
مودتي يا بو لمعاني

التوقيع

القمَرُ الخَجول

لِلْبَدْرِ وصْفٌ، أرْبعُ..........خَجَلٌ، مِزاجٌ زَوْبَعُ.

شِعْرٌ، فصيحٌ مُطْرَزُ..........لُطْفٌ، هدوءٌ أَعْزَزُ.

بَدْرٌ خَجولٌ، يَرْكَعُ..........لِلَّيْلِ. منْ ذا أسْطَعُ..؟

حسْنُ المَقالِ، راكِزٌ..........مُسْتَكْبَرٌ، ما يُنْجِزُ.

خاليل بادي.

2juin2010

آخر تعديل لطيفة المزاج يوم 2010-04-13 في 14:14.

2010-04-13, 20:22

رقم المشاركة : 3

مريم الوادي

بروفســــــــور

إحصائية العضو

مريم الوادي غير متواجد حالياً

رد: كانت حياتي عادي نهار معبس نهار فرحان

هادشي غير تخيلتو حيت محال نقد ننســــــــــــــــــــاها
مكتوب علي نبقى وحدي نكتب ونتسنــــــــــــــــــــــاها
نتسنى ليام تدور نشوف اش غَتْجيب معـــــــــــــــــاها
نتمنى تجيب معاها حبيبتي لي قلبي راه بغــــــــــــــاها
**************
زجلية رائعة أخي علام القبيلة
ومع الانتظار يظل الأمل فينا
دمت بكل الود والعطاء

2010-04-13, 23:30

رقم المشاركة : 4

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

رد: كانت حياتي عادي نهار معبس نهار فرحان

اقتباس:

المشاركة الأصلية كتبت بواسطة صعبة المزاج

بالحب و الشوق و سهد الليالي راك حيران

بشموع السهير و بلهيب الحيرة راك حزين

و بأحلى الآهات و والأحلام راك مجنون

لفاتك الحيرة و جعلات في قلبك الأشجان

عشقتي و هويتي و صرتي عاشق ولهان

خلي روحك روحها و بلاش تسلك درب الظنون

جمع لعشق نار قلبك و قلبها و غردتي كيف الكروان

في بستان جنتك و عالمها المسحور بنيتي قصر الأمان

جفاك النوم بالحيرة و صبح حبرك يهدي بكلام موزون

كلامك يا بولمعاني سحرني و ضوا عيني ببريق اللمعان

لؤلؤ و ياقوت و الماس مرصع كلامك كالمرجان

بصح الذاكرة ضعيفة تنسى و تغفل فهاد الزمان

لكن في حب لحبيب و الغرام و الهيام ديما حبلها متين

كيف راها تنسى رزانة و طيبة القلب و أخلاق الفرسان؟؟

كيف راها تنسى الي روى كلامها بماء العيون؟؟

من أجلك ياربيع الحياة و جنة لعمر سكنت الكيان

فألف لا للحزن و الألم و الهوان و الظنون

حروفك هنا يا بو لمعاني عجزات حروفي تعبر عليها باللسان

هي حروف نحيلة إنسابت بلا قيود أمام حروفك النابضة بالصدق

مودتي يا بو لمعاني

الرائعة صاحبة المزاج الصعب
ارتسامتك تجعلني اتوارى بالخجل كما أن بصمتك لها وقع السحر على قصائدي
شكرا لمرورك وتتبعك وآمل لاحقا كما الآن وسابقا أن تكون لك بصمة لصفحاتي فأنتي والإبداع وجهان لعملة واحدة
تحيتي وتقديري