علاُم القبيلة - الصفحة 5 - منتديات الأستاذ التعليمية التربوية المغربية : فريق واحد لتعليم رائد

2010-04-11, 01:39

رقم المشاركة : 21

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: علاُم القبيلة

اقتباس:

المشاركة الأصلية كتبت بواسطة علاُم لقبيلة

أبو العز راك نورتي الكعدة
وعلام بحضورك راه سعدان
بلا بيك انت ما تحلالي الزردة
واخة تكون بالمشوي والزنان

شملك زاد المجمع بهجة
والفرحة ضاوية على لوطان
التبوريدة والقصايد والفرجة
صهيل الخيل وزغاريد النسوان

والقبيلة فرحات بكل أستاذ
ملموم بصفات الكرم واللطافة
نصباتلو خيمة وغرسات لوتاد
حيث قبيلتنا رمز الكرم والضيافة

مزين رجوعك يا علام
نورتي هاذ الكعدة
حريفاتي تبلغ ليك السلام
وتبارك ليك هاذ الزردة

يالدراري سخنوا لبنادر
وجيبوا الزمرة
يا ناسي خرجوا السدادر
مع ضو الكمرة

العز جاي راكب هاز لعلام
يطرطق فالبارود ويشالي بكمامو
حريفاتو تبلغ ليك السلام
ويزيان الوقت وتحلى ايامو

مزين ايامنا يا علام لقبيلة
وقت لحصاد احدا الكاعة
ايام الجد تولي هبيلة
وتحلى الكعدة مع الجماعة

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة

2010-04-11, 21:14

رقم المشاركة : 22

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

رد: علاُم القبيلة

ما أحلى الكعدة معاكم ف الكاعة
ما احلى الشمل الملموم بالجماعة
ما نسخاو بحلاوة ديك الساعة
مع نصاصات الليل السماعة

تبارك الله عليك يا أبو العز
مرحبا بكل أستاذ بلا فرز
الليل مزال طويل ماهو مقرزز
عسى الفرحة على الوجوه تبرز

2010-04-12, 22:24

رقم المشاركة : 23

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: علاُم القبيلة

اقتباس:

المشاركة الأصلية كتبت بواسطة علاُم لقبيلة

ما أحلى الكعدة معاكم ف الكاعة
ما احلى الشمل الملموم بالجماعة
ما نسخاو بحلاوة ديك الساعة
مع نصاصات الليل السماعة

تبارك الله عليك يا أبو العز
مرحبا بكل أستاذ بلا فرز
الليل مزال طويل ماهو مقرزز
عسى الفرحة على الوجوه تبرز

زين الضحكة يا علام
الضحكة واتاتك
الكلمة تعطيك سلام
الكعدة بغاتك
خيمتي من بين الخيام
ترحب بخطواتك
القطرة من بين الغمام
ترطب نسماتك
راك ديما هاز لعلام
وتغزل فحريفاتك
غني غني يا ليام
وزيدي شطحاتك
العلام ديما غاذي لقدام
يساوي فنبراتك

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة