2010-02-13, 20:06
|
رقم المشاركة : 1 |
إحصائية
العضو | | | المغرب العميق.. | الحضّاي
تشوف تاتعيا وماتفهم والو فهاد المغريب ,تلفزيون فيشل العرايسي -فاش خلاها الفكاهي بزيز- ديما فاضحنا, ها المغريب سيفط مساعدات لفلسطين, ها المغريب سيفط أدوية لشي دولة إفريقية فقيرة, ها المغريب واعر, قهرنا, وفاش كيعجك كيضرب الطم على اشنو طاري للمغاربة اللي لداخل فالمغريب العميق, حيت التلفزيون ديالنا كيصحاب بأن المغريب فيه غير كازا والرباط, ومكيتسوقش لهادوك اللي معمقين لداخل , بحال هادوك اللي الثلج سد عليهوم الطريق وقتلهوم البرد والجوع وفاض عليهوم الما, والمسئولين ديال المغريب فدوك لبلايص فين هوما؟ المسئولين أسيدي سيفطو خبزة و بواطة ديال السردين للواحد, زاعما موت بأي حاجة خرا غير متموتش لينا بالجوع, وسيفطو جوج هيليكوبطرات, بحال لحلاقم ما يهزو تا 36 كيلو مقادة للمناطق المحاصرة, وطبعا نشرو هاد الشي بالطبّالة والغياطة فالإعلام الرسمي..
وافالحقيقة تشوف تاتعيا ومتفهم والو فهاد المغريب
هيسبريس. | : منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=74607 التوقيع | | |
| |