نكت مغربية واعرة - منتديات الأستاذ التعليمية التربوية المغربية : فريق واحد لتعليم رائد

2010-02-07, 02:33

رقم المشاركة : 1

كاكا

ترقبوني في المونديال

بروفســــــــور

إحصائية العضو

كاكا غير متواجد حالياً

نكت مغربية واعرة

-هادو جوج برغوتات خرجو من الحمام وحدة هي تقول لصاحبتها نمشيو على رجلينا ولانشدو كلب (طاكسي)
-هادا واحد مشا للمخبزة قال لمول المخبزة بشحال الخبز قال ليه 24 ريال قال ليه و هاد التفرتيت قال ليه فابور قال ليه فرتت معاك شي 2 خبزات الله يحفضك

-هادو واحد الجوج مكلخين مشاو لعبو loto و ربحو 2 مليار وقسموها بيناتهم واحد قال للاخر 'اصحبي را معرفتش اش ندير بهاد المليار' قال ليه ' سير خسرها على راسك' في العشية هبط لقيسارية شراها كلها كاسكيطات

هادا واحد دخل للحممام مع الصباح لقاه خاااااوي و هو يقول وايلي و هو يرجع ليه الصدى ديال الصوت و هو يسمع وايلي و هو يقول وايلي على وايلي و هو يسمع وايلي على وايلي و هو يقول وايلي على وايلي وايلي على وايلي و هو يسمع وايلي على وايلي وايلي على وايلي .......... جاو الناس مع ل 10 لقاوه تايقول وايلي على وايلي وايلي على وايليوايلي على وايلي وايلي على وايليوايلي على وايلي وايلي على وايليوايلي على وايلي وايلي على وايليوايلي على وايلي وايلي على وايليوايلي على وايلي وايلي على وايليوايلي على وايلي وايلي على وايلي.......... هههههه تسطى

هادا واحد الشفار كيشفر غير الطابق الاول و كينقز من الشرجم ديما واحد النهر طلع لواحد العمارة فيها اسونسووور باش يضغط على الطابق الاول ضغط على العاشر الموهيم دخل لديك الدار شفرها مزيان و هو ينقز من الشرجم بانت ليه الارض بعيدة و هو يبدا يغوت و شددو شفااااار

هادا واحد الراجل دايز بالليل فواحد الزنقة مظلمة و هيا تدوز لاراف من حداه و هوما يسولوه قالو ليه عندك لاكارط قال ليهم اتصالات ولا ميديتيل قا لو ليه أجي تشارجا طلعوه عطاوه قتلة ديال لعصة يالا بغا ينزل و هوما يرجعوه قال ليهم علاش رجعتوني قالو ليه من زهرك كاينة التعبئة مضاعفة بدا كيضربو فيه و هو يطل من الشرجم قال أمييييييييييييييييي و هو يطل عليه واحد البوليسي قال ليه لايوجد حاليا أي مشترك بالاسم الدي تطلبونه

هادي وحدة كتطلب داز من حداها واحد السقرام قالت ليه عطيني باش نفرح الدراري ولادي قال ليها قولي ليهم السيمانا الجايا ماكايناش القرايا

هادا واحد السقرام تعلم يكابري بالبشكليط باع الرويدة القدامية

هادا واحد السقرام مشا لفرنسا و خلا ولادو في المغريب حاضين ليه المحلبة واحد النهار عيط ليهم في التيليفون قال ليهم عمدرا كيداير الشغل قالو ليه كون هاني ألواليد را حنا خدامين 24 ساعة على 24 قال ليهم هي ما كتسدوش قال ليهم سافي غير بيعو الريدو

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=71808

التوقيع

2010-02-07, 02:47

رقم المشاركة : 2

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: نكت مغربية واعرة

اشكرك و اكثرالله من امثالك ايها الاخ كاكا .
انك خفيف الروح ، بهده النكت او الدعابات تدخل السرور للقلب وما احوجنا في هده الايام لفترات من الضحك تتخلل ايام الجد و العمل المضني.لك مني تحية ضاحكة ها ها ها ها ها ها