للمبتدئين طريقة تحضير الحريرة المغربية - منتديات الأستاذ التعليمية التربوية المغربية : فريق واحد لتعليم رائد

2016-06-08, 02:06

رقم المشاركة : 1

express-1

بروفســــــــور

إحصائية العضو

express-1 غير متواجد حالياً

للمبتدئين طريقة تحضير الحريرة المغربية

المقادير

تقريبا زلافة صغيرة حمص مفسخ _ تقريبا كأس عدس _ لحم مقطع تقريبا رابعة أنا درت غنمي وانتم ليكم الاختيار _بصلة مشلظة _ كرافس ومعدنوس وقزبر مقطعين _ 2 معالق صغار سكين جبير _ 2 معالق صغار خرقوم _ ملعقة صغيرة إبزار __ملعقة صغيرة قرفة _ ملون _ ملح _ ربع كاس زيت

الطريقة

ناخد قطع اللحم ونخلط معاهم الربيع والكرافس والبصلة والعطرية والزيت ونخليه يترقد بحال كباب كل ماطالت المدة أحسن مثلا توجدوه في الصباح وحضرو الحريرة للمساء أو على الأقل ساعة أو زوج من بعد ندير الخلطة في الطنجرة هي الحمص والعدس والماء تقريبا 2لتر وندير العناصر في الماء مباشرة ونحطها فوق النار بلا منشحر غادي تطلع واحد الريحة روعة وغادي يجي فيها مداق أروع .

وملي يطيب الحمص نضيف مطيشة ومركز الطماطم تقريبا زلافة كبيرة وملي تغلى نضيف نصف كاس شعرية وملي تطيب ندير تقريبا زلافة ديال التدويرة د الطحين وفي الحين ندير بيضة ونحرك .ونصف ملعقة صغيرة سمن .البيضة كتعطي شكل زوين للحريرة أنا كتعجبني الحريرة مقطعة وإيلا معندكمش الوقت طحنو الربيع والبصلة في الخلاط وقدموها بالصحة والراحة.