شوف يابنادم وزيد شوف - منتديات الأستاذ التعليمية التربوية المغربية : فريق واحد لتعليم رائد

2015-01-04, 22:53

رقم المشاركة : 1

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

شوف يابنادم وزيد شوف

شوف يابنادم وزيد شوف

شوف يابنادم وزيد شوف
ناس تزيد الشحمة فكرش لمعلوف
وناس هازَّة لمولاها العالي لكفوف
وناس جالسة... غير كتشوف
دايرة لراسها لجام من الخوف
على فمها كْمامة
وعلى راسها معششة حمامة
حاضنة بيض لحلوف
دايرة بالها مع غمامة
راها جاية على حد الشوف
تترجى منها قطيرة من لْما
تبرد بيها حر الجّوف
لكن هيهات ...هيهات
واش لغمامة تْحْنّْ أو تْروف
فزمان اللهطة وبوهيوف
مالك يابنادم عيونك زايغة
ولونك مخطوف ؟
حتى لين يابنادم ... حتى لين
غاذي تبقى غير تشوف ؟
الشوف يا بنادم مايبرد الجوف
والنعجة القرعة
موحال واش تْنَوّْضْ الصوف
حْنّْ يابنادم وتْحَنْحْنْ وْروف
وحايد عليك سلهام لْخوف
ازرع ليك حرف
احصد ليك حروف
بيها يزيان حالك
بيها يولي كلامك مصفوف
بيها يعلَى شانك
بيها يولي راسك مكشوف
عيش سبع يابنادم
ولاتبقى عايش حلوف
خيرات الله فايضة ويدان
وانت جالس تتحسر وتشوف
مَضّي ليا ذوك النيبان
ونتش لحمك من كرش لمعلوف
بقلم : ابوالعز

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=792941

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة

2015-01-05, 08:19

رقم المشاركة : 2

الشريف السلاوي

مدير الإشراف

إحصائية العضو

الشريف السلاوي غير متواجد حالياً

رد: شوف يابنادم وزيد شوف

زجلية رائعة ممتعة تصوّر واقع الحال
دمت مبدعا متميزا أخي العزيز
أبو العزّ
في انتظار جديدك الراقي

التوقيع

" اللّهمّ ردّنا إليك ردّا جميلا "

2015-02-25, 18:15

رقم المشاركة : 3

الرميساء

أستـــــاذ(ة) ذهبــــي

إحصائية العضو

الرميساء غير متواجد حالياً

رائع اخي ابو العز
دمت ودام ابداعك
تحياتي

التوقيع

آخر تعديل خادم المنتدى يوم 2015-05-21 في 20:49.

2015-05-21, 14:10

رقم المشاركة : 4

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: شوف يابنادم وزيد شوف

اقتباس:

المشاركة الأصلية كتبت بواسطة الشريف السلاوي

زجلية رائعة ممتعة تصوّر واقع الحال
دمت مبدعا متميزا أخي العزيز
أبو العزّ
في انتظار جديدك الراقي

ألف شكر لك أخي الشريف السلاوي على ردك الجميل , وحضورك الطيب .
أتمنى لك دوام الصحة والعافية . انتظر جديدي فلاشك آت في الطريق إن شاء الله
تحيتي الأخوية .

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة