السلام عليكم
أودي أسي ابو عبد الفتاح
وعليكم السلام أسي مريم ههههه
أه أه شحال بعيد أخويا
عرفتي يومين وانا شادة لكار
آشمن بلاصة هدي؟؟
فين أنا؟؟
و فين برويطتي؟؟
هانتي قلتيها برويطتك الله إسخر
يلاه اسيدي أنا نعرض عليك
تفضل آش تاكل؟؟
حيت الضيفة اللي قبل منك أم علاء جاها جوع حيدنا المشروبات
هانتا ها لموني:
زعلوك بالدنجال البلدي
البيض ديال السمان بالطوماطيش سوريز
بطاطا مصلوقة بالملح و الكمون الصوفي جبناه من اليونان بالحق تسالى لينا
بالصحة و الراحة
الله إعطيك الصحة غير ما تنساي شي طبسيل دالشلاطة على حقاش هي فاش كاناكل شويا
نبداو بفقرة شكون نتا؟؟
شكون هو أبو عبد الفتاح هاد الرجل ذو الروح المرحة و الحضور الطيب ..
منين نتا و منين أنا هههههه؟؟
أنا من ضواحي تيزنيت أنتيا الله إلا نسيت منين
فين نتا و فين انا؟؟
اليوم السبت أنا فداري أنتيا ربما غاتكوني فتاونات
شحال تا تشد فالشهر اشمن سلوم واشمن درجة و شحال تاع الدراري عندك و على شحال من عام تزوجت؟؟
واش تزوجت ولا زوجوك؟؟
شحا لتا نشد فالشهر غانصيفتو ليك فالميساج
سلوم حسبي عدد لاعبي كرة القدم
عدد الأطفال4
أصغرهم عندو 39 يوم
تزوجت هادي 13 عام ونصف
واش تزوجت ألا زوجوني ما عرفت المهم فقت واحد النهار لقيت راسي مزووووج هههه
واش كتعرف واحد الراجل سميتو لكريدي؟؟
نهائيا ما كنعرفو أما بغيت نعرفو ، حتى مول الحانوت حدا داري، ولكن موالين الدار إتقداو بالفلوس
شي أبراهيم علاش سرقت لبرويطة ديالي علاه ماعندك البرويطة؟؟
شي مريم ما سرقت ليك والو ، كفاش أنا ليهديت ليك البرويطة نسرقها ليك ؟؟؟؟؟؟
أزيد عندي برويطتي غير هي ماشي من الالمان بحال ديالك ، هي من فرنسا هاديك ليسموها بيجوهههه

ثانيا فقرة جوج و نتا الثالث:

لقيتي جوج براهش فالقسم تعلمو شحال هدي يكميو لكارو و تا يتعلمو يبرمو جوانات ههههه
آش دير معاهم؟؟
إلاهما صغار نقول ليهوم هادشي مامزيان أولادي أنحاول معاهم، كبار شويا أعارف إلا خسرت ليهوم الهضرة غايصرفقوني نسد علييهوم الباب أنقول الله إستر هههه

جوج صحابك و نتا الثالث لقيتو بزطام عامر فلوس
تقسموه على ثلاثة
تكول ليهم انا اللي شتو الاول
دير فيها شريف و تعطيه للبوليس يقسموه بيناتهم
من هاد ثلاثة دالاختيارات كايبان ليا الاول أفضلها
هههههههه
واحد ناض و لاخر شد فيه النميمة آش دير:
تقرقب معاه الناب
تكوليه الله يهدينا
تخوي و تخليه
النميمة ما كنحملهاش و أظن أن الاختيار الثالث هو الأنسب و لكن سأزيد و أقول له حشومة عليك
ثالثا فقرة واحد من الناس و بحالك بحال الناس

أبو عبد الفتاح علاش الناس طوب و حجر؟؟
كل واحد أطبيعتو كاينين صحاب القلوب الرحيمة أكاينين ليقلوبهوم قلوب الحجر
و نتا حجرة و لا طوبة؟؟
الناس لكايعرفوني ممكن إجاوبو على هاد السؤال
لأن الحياة لا تتكرر ما الذي فاتك فيها؟؟
مادمت في الحياة لا شيء فاتني
الحمد لله

عطيني شخص يستحيل تعيش بلا بيه
داك يستحيل نفضل تديري بلاصتو يصعب جدا
أم أطفالي
عطيني اسم استاذي يستحيل تتخيل المنتدى بلا بيه
ألله إلا كاينين كانتمنى ديما إكونو فالمنتدى ومن بينهم مولات البرويطة ههههه
يلا عرفتي بقا ليك نهار و تموت شنو دير فداك النهار؟؟
ندبر على شي كفن أنمشي نحفر قبري أنودع الحباب أنذكر الله تعالى حتى إيدي الأمانة
واحد يستحيل تعاشرو شكون هو؟؟
المنافق
يلا تقلق أبو عبد الفتاح اش تايدير؟؟
تا يحيح
تا يسكت
تايضرب
كايهرس الطباسل هههههه
فنظرك علاش مصطفام غي تزوج غبر؟؟
مصطفام تلاقيت معاه شحال من مرة ، آخرها ربما فالحمام تذاكرنا على الانسحاب قال بأنه عامرا عندو الاستعمال الزمن ههههه
يلا الأستاذ سد شنو أكثر حاجة تفتقدها فيه؟؟
والله سأفتقد بعض الأعضاء
ساعتك سالات و بطاطا بردات تلاح آودي ادا براهيم
آجي بعدا
شي دعيوة مع هاد لولية
الله يحفظك
شكرا
الله إحفظك أختي مريم و حفظ أفراد أسرتك الصغيرة و زين الله أيامك

آجي تاني
كيجاتك العيطة؟؟
عيطة زوينة تبارك الله عليك
آجي آجي نسيت ما سولتك

لمن تعيط فالعيطة عليك
الزرقاء
صافي سير و بلاما تلفت راه دوك العيالات اللي طليتي عليهم فراس الدرب ههههههه
صافي هادوك حكمت عليهوم علاحقاش ماعندهوم شي أدلة صحيحة
هههههههه

تشرفنا أخي ابراهيم

الله يحفظ وليداتك و أمهم
و ييسر أمورك

الحرية
لديك عندي مفاجئة
ان شاء الله

انتظريني و انتظروا معها
في وسط الأسبوع
إن شاء الله
راكم معروضين

كونوا في الموعد

حلف البرهوش الصغير لا ينعس
تاهو بغا يسهر سامدي سوار معا عمو مول البرويطة
هههههههههههههه
اوووف بحرا غمض عويناتو
ربي يحفظو