2014-02-23, 14:18
|
رقم المشاركة : 92 |
إحصائية
العضو | | | رد: العيطة عليك 4:زرقاء الأستاذ ضيفة | نهار كبير هذا أختي الزرقا
تسعدني استضافتك
في برنامج العيطة عليك بارك الله فيك وأسعدك على الدوام الزرقا قبل ما نبداو
واش نتي الزرقا ربعالاف؟؟
ولا الزرقا راني نسال؟؟
ولا الزرقا زرقاء اليمامة؟؟ ههههه
حتى واحدة فيهوم
ولكن تمنيت نكون الزرقا ربعالاف(المحبوبة) غير هي محبوبة فالجيوب وأنا تمنيت نكون محبوبة فالقلوب
ههههههه أستاذة الزرقاء تفضلي الموني
طلبي اللي تشهيتي :
ببوش كبير بالعشوب
صيكوك بالكسكس ديال الحمرا عرفتيه ههههه؟
و كاين عندنا باسطة ولاباني
بالصحة و الراحة الله يعطيك الصحة ويقوي الخير( والحمرا والحمامر واللبن هههه)
نفضل صيكوك بالحمرا(معلوم تانعرفو هههه) على بركة الله نبداو بأول فقرة شكون نتي؟؟
عرفي نفسك فعشرة أسطر هههه
زعمة في عشر كلمات
موقعك الجغرافي
مهنتك و هوايتك الرقم السري ديال لاكارط كيشي
عندك لبيرمي؟؟
عندك لبلان ديال الدار؟؟
الزرقا ديالنا تبارك الله عليك شي يعيط ليا فاطمة شي الزرقا وشي شامة
اعمل بأكاديمية وادي الذهب لكويرة
الداخلة
الصحراء المغربية
أستاذة التعليم الابتدائي
هواياتي اللي جا على بالك تنعرف ندير فيه شي بركة (سبع صنايع هههه)
الرقم السري: **** ههههه تانكتبو والمنتدى تايردو نجيمات هههه
مابغاش يفضحو أولا ممنوع (أمزح فقط أش غادي ديري بيه واخا تعرفيه هههه؟)
عندي البيرمي
عندي كاع البلانات ديال داري فراسي ههههه
الله يبارك فيك اختي مريم ندوزو لفقرة نتي الثالثة: ضروري اختيار أحد الاختيارات :
مشيتي لسبيطار الحومة ولقيتي جوج مرضى شادين النوبة
و شوية جات واحد الفرملية صاحبتك و كالت لك زيدي نتي الاولى
آش ديري؟؟
دخلي بلا حيا حشمة؟؟
تكولي ليها حشومة انا نصبر تاتجي نوبتي؟؟
طلبي الاذن منهم و يلا قبلو دخلي؟؟ أبدا والله ماندخل إلا فنوبتي وإذا كان الزحام ندير بناقص حيت أكره اللي تيدير فيها نزق/ نزقة وويدربلي عباد الله
لهذا لا أحب أن أكره نفسي لقيتي جوج تلاميذ فالقسم عندك تا يلعبو ضامة شنو ديري؟؟
تعطيهم لعصا تاتشيط على ودنيهم
تحاولي تعرفي علاش ما متبعينش معاك فالدرس تحيديها ليهم وتديها لولدك خليني نضحك بعدا على هاديك : تحيديها ليهوم وتديها لولادك ههههه
زوينة هادي واش باقي شي واحد تايدير بحال هاد الفعايل هههه
إذا لقيتهوم تيلعبو أثناء الدرس ههههه
أكيد هاداك مادرس ما تاحاجة منين يخليوه ويلعبو ضامة
نمشي نلعب معاهوم احسن
علاش نعاتبهوم نعاتب راسي أولا(أنا مقصرة منين مانجحتش في شد انتباههم وتفاعلهم
لدرجة يلعبو ضامة هههه) يلا تخاصمو جوج صحاباتك
دخلي بخيط بيض
تسلي خيطك
دخلي بخيط حمر ههههه
تانقول ليهوم لعنوا الشيطان
الفروض أنني تانعرفهوم بزوج غادي نتصرف مع كل واحدة بما تتقبله لكن نمرر للمخطئة انها لم تحسن التصرف.
وعندما تهدأ النفوس نقولها ليها صراحة وبهدوء ضروري كل واحد يشوف وجهو فالمراية شنو رأيك فهاد المثل: نهار الاول تايموت المش ههههه
كذبة أبريل حيت المش قالو لينا عندو سبع ارواح لالا الزرقاء: ندوزو لفقرة واحد من الناس و كيفك كيف الناس
رتبي لي هاد الثلاثة حسب الأولوية:
الصحة
لوليدات
لفليسات
شنو كتعني ليك هاد الكلمات:
الأستاذ
الاعلاميات
الصداقة
الثقة
العمل
البحر نعم لالا مريم لوليدات
الصحة
لفليسات الأستاذ: عطاء بلا حدود
الاعلاميات:ضرورة ملحة
الصداقة:ثمينة جدا ونادرة جدا
الثقة:خاصك ديما دير حسابك أنك تقدر تخطأ فيمن حطيتيها ولكن لابد تحطها(لأنها بند من بنود العقود ...تقدر تصيب وتقدر تخيب)
العمل:عبادة(تقنها ولا بعد عليها)
البحر:المجهول عطيني اسم شخص صعيب تتخيلي حياتك بلا بيه
عطيني اسم عضو يستحيل تتخيلي المنتدى بلا بيه
عطيني اسم أكلتك المفضلة
لونك المفضل
فصلك المفضل
شخص يستحيل تعاشريه عطيني اسم شخص صعيب تتخيلي حياتك بلا بيه هذا مشكل كبير هههههه
حيت مجموعة من الأشخاص الذين أحببتهم وتصورت أنه لا حياة لي بعدهم غادروا إلى دار البقاء ومع ذلك ها أناذي أعيش وأحب كل الذين مازالوا يرعونني بدفئهم ومحبتهم وأجزم أنني لن أقوى على فراقهم لا قدر الله. عطيني اسم عضو يستحيل تتخيلي المنتدى بلا بيه في الحقيقة كل الذين واللواتي تستشفين رفعة أخلاقهم وتلمسين أنهم غيروا في طباعك وفي قناعاتك، بمواقفهم ولطفهم وتواصلهم الطيب ومواضيعهم الهادفة لا تتصورين المنتدى بدونهم منهم من فعلا غاب ومنهم من هو حاضر
وعلى سبيل المثال لا الحصر: أجد المنتدى يئن لغياب الأستاذ الطيب:عمر أبو صهيب عطيني اسم أكلتك المفضلة:الكسكس
لونك المفضل:كل مرة وشنو ولكن غالبا الفستقي
فصلك المفضل: الخريف شخص يستحيل تعاشريه:الانتهازي واش بالصح الزرقاء لا لون لها ههههه
يعني غير منتمية؟؟
نتي و السياسة كيفاش العلاقة؟؟
نتي و الكرة؟؟
نتي و الكوزينة؟؟ نعم بالصح الزرقا غير منتمية
أنا ماتنعيقش بيها حيت مارداش ليها البال ولكن منين تكون ألاعيبها" مفروشة " تنعيق ههه
بمعنى عيني ليست على السياسة ههه
أنا عميا تانشوف منها غير اللي باين وواضح
ههههه
أنا والكرة مامتافقينش نهار نتفج فالمنتخب تايخسر
حلفت لباقي تفرجت
واخا هاكاك مازال تايخسر ماعرفت علاش؟ ههه
أنا والكوزينة تربطنا علاقة جدلية منين نخرج منها تعيط ليا ومنين تبعد مني نجري ليها
ههههه لالا الزرقاء تبارك الله عليك
ساعتك سالات و لاباني ديالك داب كولي كولي ديك الباسطة اللي فيديك اه اه طبعتي حوايجك
هههه
نشوفوك وزيرة
تهلاي
اجي بعدا كيجاتك العيطة
يالاه لوحي شي عيطة من عندك
برافو عليك
مع السلامة
الله يبارك فيك ويحفظك لالة مريم
ماعليش صايكوك هو اللي خلا لباني يذوب ماعليش الصابون موجود
هههه
وزيرة؟؟؟؟
وزيرة فالكوزينة والحريرة ههه
تبارك الله عليط العيطة كانت ممتعة ورائعة
شكرا لك
واخا غادي نلاوح واحد العيطة لواحد السيد من الأقلام التي أجدها وازنة بالمنتدى
الأستاذ :روبن هود
مع السلامة أختي مريم تقديري والتحية | آخر تعديل الزرقاء يوم 2014-02-23 في 14:35. |
| |