ضيفنا الليلة مميز
سي أو عبد الفتاح
أو دا براهيم
أو مول البرويطة


عيطو ليه كما بغيتو

ضيف خطييير
و عندو سوابق
حنا عارفين هادشي
ولكن رجاءا حاولو عليه
راه ليوم عندو الحصانة مع الحرية
ما تشدوه ما تقيسوه
تايخرج من العيطة ديالي و بيناتكم
هههه
دقائق نمشي نجيب الأسئلة اللي وجدت ليه و نرجع

السلام عليكم
أودي أسي ابو عبد الفتاح
أه أه شحال بعيد أخويا
عرفتي يومين وانا شادة لكار
آشمن بلاصة هدي؟؟
فين أنا؟؟
و فين برويطتي؟؟
يلاه اسيدي أنا نعرض عليك

تفضل آش تاكل؟؟
حيت الضيفة اللي قبل منك أم علاء جاها جوع حيدنا المشروبات
هانتا ها لموني:

زعلوك بالدنجال البلدي
البيض ديال السمان بالطوماطيش سوريز
بطاطا مصلوقة بالملح و الكمون الصوفي جبناه من اليونان بالحق تسالى لينا
بالصحة و الراحة
نبداو بفقرة شكون نتا؟؟
شكون هو أبو عبد الفتاح هاد الرجل ذو الروح المرحة و الحضور الطيب ..
منين نتا و منين أنا هههههه؟؟
فين نتا و فين انا؟؟
شحال تا تشد فالشهر اشمن سلوم واشمن درجة و شحال تاع الدراري عندك و على شحال من عام تزوجت؟؟
واش تزوجت ولا زوجوك؟؟
واش كتعرف واحد الراجل سميتو لكريدي؟؟
شي أبراهيم علاش سرقت لبرويطة ديالي علاه ماعندك البرويطة؟؟

ثانيا فقرة جوج و نتا الثالث:

لقيتي جوج براهش فالقسم تعلمو شحال هدي يكميو لكارو و تا يتعلمو يبرمو جوانات ههههه
آش دير معاهم؟؟

جوج صحابك و نتا الثالث لقيتو بزطام عامر فلوس
تقسموه على ثلاثة
تكول ليهم انا اللي شتو الاول
دير فيها شريف و تعطيه للبوليس يقسموه بيناتهم

واحد ناض و لاخر شد فيه النميمة آش دير:
تقرقب معاه الناب
تكوليه الله يهدينا
تخوي و تخليه

ثالثا فقرة واحد من الناس و بحالك بحال الناس

أبو عبد الفتاح علاش الناس طوب و حجر؟؟

و نتا حجرة و لا طوبة؟؟

لأن الحياة لا تتكرر ما الذي فاتك فيها؟؟


عطيني شخص يستحيل تعيش بلا بيه

عطيني اسم استاذي يستحيل تتخيل المنتدى بلا بيه

يلا عرفتي بقا ليك نهار و تموت شنو دير فداك النهار؟؟

واحد يستحيل تعاشرو شكون هو؟؟

يلا تقلق أبو عبد الفتاح اش تايدير؟؟
تا يحيح
تا يسكت
تايضرب

فنظرك علاش مصطفام غي تزوج غبر؟؟

يلا الأستاذ سد شنو أكثر حاجة تفتقدها فيه؟؟

ساعتك سالات و بطاطا بردات تلاح آودي ادا براهيم
آجي بعدا
شي دعيوة مع هاد لولية

الله يحفظك
شكرا

آجي تاني
كيجاتك العيطة؟؟

آجي آجي نسيت ما سولتك

لمن تعيط فالعيطة عليك

صافي سير و بلاما تلفت راه دوك العيالات اللي طليتي عليهم فراس الدرب ههههههه