هنا في هذه الصفحة

شطحااات ام زين

بين القلم والمداد نبرم
خيوط الفتلة

ونرسم بوتد الاحلام
نجمة نجمة
معاندة ومراجلة في الخطاوي


هنا
هنا يبانو اسنان
القلم .فين مرصوصين

هنا يبانوو
وجاه الحلم فين
مضهوصين

هنا
يبان
سلم الشطارة فين
طلع
معبش
ينبش
على النقاطي


هنا يبان

ساس تفكادي فين غادي



تابعوووني

هنا شطحاتى

اتمنى تعجبكم

طويت كتاب الوقت ....وكذبت الجاي ..
راني كتبت سعدي بحروف الزفت ...وكفة الغلاي ...
توحمت على حصير الاوهام ..وشربت السحى ف كاس الايام
نطويني بمحماش الكعدة ..والفردة الوحدة ..
عام وعوام


بقلم ام زين

تجليت فيا
واش الدمعة تسقيني وتروي الزوية
واللوح يساري ويجيني فطول عليا
راه الغار ماقدني وداع خوفي
والشوف طالني
وساحو ريوكي
ف جوفي


بقلم ام زين

نهز القلم تجيني الرعدة ..ونسقيني ..بروح الزهر الدالجة بين الايام ...
ونتفتف ونتوهم حلمي اللي ما سالا
وعقلي لي من نحاسو هز سلاح ..(..ليس السلاح ....وانما للباس الذي يبقى جلايلو مدلي ....)الجدة اللي عيت نجمعوا من وراها...
وهي تكشط ...( تجر رجليها )
مازال صوتو ..ينوض فيا هوايش الكلمة ..ونهزني نقطة ونحطني ف بحر القوافي نعزي فيا ...


بقلم ام زين