خويا الحميدي,كيبان ليا انك ناشط مع راسك مع صاحبك بوشعيب ازيد عليكم ام زين.اعلاش ما اعرضت علينا؟ ااردو عليكم غير بكلمة.
ايوا اسمع هذا رباعية الخيام.

تبارك الله عليكم

دايرين الزردة هنا وانا مافراسي


بوشعيب يمدح ويقول مامدحت والاخ خويا
(بدل السمية الله يرحم الوالدين )

ولا شاعر في الحين


تبارك الله راه النغمة مبللة بريق الهضرة
والمحبة مزرزرة بخلالة خضرا
والحوميدي سرق شمعة من الحضرة
وعرس لسمهان في عمر الشجرة
وبوشعيب هز من وادو حجرة
فلق خويا وتهزت الكدرة
بالسفرجل تلالي وتحكي على نهار الوردة
الحوميدي يحامي بسالف الكمرة
وخويا هز مجدول الشمس وشعل ف راسو جمرة
وناري راني درتها بكم يا ولاد الميمة العذرا
راكم طحتو على النيف وضرباتو حجرة
عواج السعد وكلها شد راسو مدرة .
يمشط راسو من الهم ويغرس عرصة
وانا جيتكم بمشموم النخوة ف حزامي وردة




تحية لكم اخوني راكم ناشطين

اختكم ام زين