ميمتي جاني الكلام

ميمتي جاني لكلام
راه لغمة باتسكى ف الزحام
راه لكلمة ولات زحمة
والرحمة من ربي نعمة
شدوني يابيها ولا بيا
راه لغمة ساكنة فيا
جيبو مجدول من لكية
راه الزحمة غلغلت عليا
راني نتهنى من ازوية

شدوني شدوني

راها تخرج من جنبي
راه كفني يخسر عبارو
وزهري مشى نهارو
وراسي يغبر خبارو
ف كرشي ..لغمة بشوارو

شدوني شدوني

راه الزحمة فركت عمري
نشرت احصادي ف صدري
تاه ف عيطة من قدري
حفر لكون واد بوطي يجري

شدوني شدوني
راه ازحمة مني وعليا
كتفوني بقنب فتيا
شنقوا غواتي فيا
راه الزحمة تقلبت عليا
اطفوني من هاذ لكية

شدوني شدوني
راه الزحمة كدات
والروح مني مشات
والنهجة طلعات
تشوف خبار شوفات
راه لحال تحير بالجدبات......

مقطع من قصيدة .......السعدية الفاتحي

من حسنات زجلك الممتع مبدعتنا الرائعة ، تنوع مجالات انغماسه ، و زقاقات أغواره ..

دائما نحتفي بجملة من المقاطع البهية السجية ، المجبولة بالروح البسيطة الشعبية .

أدام الله عليك نسمات الإبداع الرائق .