احـنـا ولاد الـعـالـم

احـنـا ولاد الـعـالـم جايـبـيـن الســــــلام
من أرض الســـلام
باراكا من لحـروب جفو دموع الصبيان
نهديكم بـاقة ورود شعارنــا بالســـــلام
من أرض الســـلام
خليونا من الكذوب خليو الحق يـبـــــان
بلغونا للمقصـــــود شعارنــا بالســــلام
من أرض الســـلام
المحبة بالســــــلام ف تاريــخ العـــالــم
طلقونا من لحبـــال شعارنـــا بالســــلام
من أرض الســـلام

حوض النعناع

القـلـب مسول عـلـيــك أيَــا رَّايْــحْ بْــــلاَ وْدَاعْ
مخلـي اهـلـك ومالـيـك تطرح سـؤال وُشـًَّــاعْ
لفيـن يا غـادي قصـدك طريــق كـلــه غــــداع
ظـــلام حـايــط بـيــــك و النـور كـلـه ســبــاع
خلـيـك معـانـا خـلـيــك يـا حـوض النعـنـــــاع
كلنا محتـاجـيـن لـيـــك ف قلبنا حـبـك صـراع
محال نعيشو بلا بـيــك محال حـبــك يـتـبـــاع
ارجـع نـغـمــو فـيــــك ريح الراحة و تـســاع
أنت إيـمـانـا ف الحـب أوراقنا مسقية بعينيك
أنت بـيـتـنا ف القلـــب ساكنو يغـيـر عـلـيـــك
يا حب ظريف ومؤدب لا سومة لينا بلا بيــك
شكون يفرشنا بالقـرب شكون غيرنا يغطيــك
يـا رايـح والـليــل راح والما عل الوطان راح
كــون طـايــر صـــداح بالأمـــل لـكــل ربـــاع
الغربة شـانـهـا طـــاح خليك يا حوض النعناع


جُـــودِي بــْرْضَـــاكْ

قـُـولـُـوا لْ يَــامْنَــة تَاتِـي لِي تْفْجِـــي هْمـُــومْ قْلْبـِي نْبْـــرَا
قـُـولـُـوا ل يَــامْنـَـة تَاتـِي لِـي نَغْنَــمْ فْ لَمْحَاسَــنْ نَظْـــــرَة
جُـــودِي بَالْرْضَى جُودِي لِي ضـُـــــوِّي يَــــــا الْقَمْـــــــرَة
صْبْــغـِـي ظْـــلاَمْ لِيلِـــــــي بَبْهــَـــاك يَــــــا الْعـَـــــذ ْرَا
أَنَــــــا لْبِـــيــــبْ وُحِيلِــــي وَالْيُـــومْ ارْمَاتْنِــي الْقُــــدْرَة
لله سُــــــــوِّي سْبِيــلِـــــــي وَ لاَ تَــرْمِـــي فْ قَهْــــــرَة




قــــالــــت

قالـت : ربـي مـــولاي لا حــد ســال فــيــا
هجرونـــي لحـبـــــأب وأنــــا قــصـــيــــة
شافــت حــر المكتـاب ومعــاه كـل بـلـيــة
هــــــول الــشــــــارع والطرقـــان جـلـيـة
وغـابـــت شــمــــــس وجات ظلمة معمية
تـكـلـمـت الـرعـــــــود وبــــــرق شــتــيـة
وساحت بين الطرقـان عجــــوزة مـرمـيـة
تعرفـهــا الحــيـــــوط وب حالها مسبـيــة

الله يـــــا مـــــولانـــــــا الله يـــــــا الله
سيدي يـا مولانـا ربــي تـكـون بــــــي
لامونـــي لامونـــي واللـي يلـومنـــــي
يجعل حالـه حالـي ويشوف مـا جــرى
هـاد الوقـت البـارح والنـاس راقـــــدة
وانا عـقـلي سارح ف زيارة الـنـبــــي
يمــا يــا لـحـنـيـنــة عـنــد لـفـجــــــــر
نوضي طلبي مولانا تبرى مواجعــــي
سيدي صالح سيدي وإلى غاب سيدي
طـاح الـتـبـروري بـانـو فـضـايـلــــــه



خـلـيـنـي

سبحان الله . .
شحال من حد بغا حد ولا راه
لحباب وقت الشدة غابــــــوا
الخوت كلها دار قفل لبــابــه
ف الحزة والضيق ما يتصابو
وانا حالي غير زايد ف تعابه
الـهــم ولـحـزان غـلـة نـــابـــتـــة ف تـــرابـــه
بالحق نتساهل أنا اللي مادارت ل زمان حسابه

غير سير وخلينـــي الخــاوا خـلـيـنـــي
غير سير وهـنـيـني الـخـاوا هـنـيـنـــي

خلينـي لـحــزانــــي خـلـيـنـي لهبالـــي
بين الفقايص نلالي غير سير وخلينـي

خليـنـي لمكتـوبـــي خليني ل عـيـوبـي
الهم درتو محبوبي غير سير وخلينـي

خليني لـجـراحــــي لايهمك ترنـاحـي
وبكـأيـا ونـواحـــي غير سير و خليني

خلينـي ل سقـامــي لا يهمك تذمـامــي
نطيع ونوقف علامي غير سير وخليني
حـنـيـن الـروح
ما يصفا كلامها روح ولفها الخواض
ولا عهدي به يوفى
خلاص خوضها لخواض
حاديتي لغدر ساومتيه
ف روحك دار بلاد
نلقاك ف طرقان يا دليل
ناقمة عليك لعباد
نلقاك بلا وجه ف وضح النهار
يا بو وجوه كثيرة ف الظلام
نلقاك بلا قامة يا عديم الظل
نلقاك صغير عل الدوام
سيدي القاري حرف ف عينه صار جلالة
ويگول المغرور قرايته ضاقت به
كلام الأحرار آش جابه لدلالة
يا عبيد الحگرة كلامنا ليكم ما يليق
لاخير عشناه معاك ... ولا شرك جانا بالتمام
مال حنين الروح مالو معذب معانا
يا الشاهد خبرني لله واش به
مال حنين الروح مالو سهران معانا
يا عشاق الحق خبروني واش به
سيدي القاري حرف ف عينه صار جلالة
ويگول المغرور قرايته ضاقت به
الصغير يحگر الناس يا مشين الحال
ويغويك بجهله كثير شيخ الدجالة
كلام الأحرار آش جابه لدلالة
يا عبيد الحگرة كلامنا ليكم نا يليق
يما لالة يلالي محمد صلى الله عليه
أنت جهدك جهد الريح
هو جهدك جهد الريـح
عنك غفلو الحـكـامـــة
ما تنفعك دعوة السامة
يما لالة يلالي محمد صلى الله عليه
محمد صلى الله عليه. . . محمد صلى الله عليه
آوا ييه آوا ييه
ناس الشر كثار آوا ييه آوا ييه
آ يا مشين الحالة آوا ييه آوا ييه
سيدي قاري حرف آوا ييه آوا ييه
ف عينه صار جلالة آوا ييه آوا ييه
الصغير يحگر الناس آوا ييه آوا ييه
يا مشين الحالة آوا ييه آوا ييه

خَــضْــرَة

خضرة يا بلادي . . .
حبك في لعماق . . . ماليه تَوْصَافْ
يا جنة الله في أرضه
ربيع وخريف . . . شتا وصيف
جوك الزين معتدل . . .
حَدُّه فْ قْدُّه يَا بْلاَدِي . . .
وما يقضي كيد الطامعين ولو يجهدو
في كيدهم ينكدو يا بلادي
يا نجمة ف سمايات العالم
يا دعوة للغريب الهايم
فيك نرتاح ونعرف لفراح
ونعانق السلام . . .
يا خضرة ما ليك توصاف يا بلادي

حــبـــك يــا بــــــلادي في لعماق راه طايـــف
وعـلـيـك أنـــــــــــادي يـا مــولات الخــالـــــة
أنت الزّْهْرْ النـَّـــــــدِي في وسط أرض الفدان
نغمة بلحن الشـــــادي ف وجه كل الــجــوالـة
أولادك تـــــنـــــــــادي بحبك يا عز لـــوطـــان
وليك الزمان هـــــادي لْـجـْـوَاهـْرْ تـَـتـْـلاَلـَــــي
السايح اللي يجـي عادي عــادي ومــا يـــعــادي
يشهد بالحب البــــادي ف زيــنــك يـَــا لاَلـَّـــة

قــطــتــي

قِــطَــتِــي صَــغِــيرَة وَاسْمُــهَـــا نَــمِـيـــرَة
لَــعِــبُــهَا يُــسَــلِّـــي وَهِــــيَّ لِـــي كَظِــلِّـي
تُــظْــهِــُر المَهَـــارَة كَــيْ تَصِيـــدَ فَــــــارَة
شَـكْـلُـهَـا جَمِـــيـــــلٌ شَعْـــرُهَـــا طَـــوِيـــــلٌ


يا بني الإنسان

المحبوب اللي نريد گاسْ لْ طـَاطـَا
شُورْ لَمْنَابْهَة عَرَّى رَسْمْ الـــــدَّاْر
ما بيدي ما ندير جات سلاطــــــة
وبكيت بدموع انْطاَبُو لَشْفـَــــــــار
غرضي الجبال الشامخة تتواطى
ف ليلة ويوم نوصل في نص نهار
وطلبت الليل يطول راحتي في ضَيْ نْجُومُهْ بغيت نبقى سهـــــــــــران
قلبي ملسوع وعليل آيْ مَنْ حَرْ التـِّيـهـَـــــــانْ
وشكون يگول ولفي أنا يخون أيا وعدي اليوم خــــــــان
ذي ليام وذا حالها شكون فينا صَفـَّا اخْبَالـْنـَا
حارت فيها لذهان مرة رْباَحْ . . مرة خسْرَانْ
مرة حزين . . . مرة فرحان ودوام الحال من المحـــال
حالي يا وعدي اليوم راه ادفعني
بغيت نوضع سؤال ونگول بلسان أهل الغيوان
يا بني إ نسان علاش احنا عديان ؟
لاش الكروب . . . لاش الأحزان ؟
لاش لكدوب . . . لاش البهتان ؟
لاش لحروب . . . لاش الطغيان ؟
واحنا خاوا . . . احنا احباب . . . احنا جيران
يا بني الإنسان
يا بني الإنسان


يـَـا جـَـمـّـالْ

يَا جَمَّالْ رْدْ جْمَالْــــــكْ عـْلِــيـنــَـــــــــــــــا
راه احنا ولاد ناس وفي العز تربينـــــــــــا
يا جمال رد جمالــــــك علــيـنــــــــــــــــــا
راه احنا ولاد ناس وفي الخير تربينـــــــــا
عـيونــــا علــى شوفـــة لَمْـلِيــــــــحْ دْوَاوْ
وانت ماشي زين لا ترمي لغبار ف عينينا
گلُـوبْـنـَــا ب كـلـمـــــة الـمـحـبـــــــة دواو
وانت گلبك حجر . . . نوض اخطينــــــا
يا جمال رد جمالــــــك علــيـنــــــــــــــــــا
لبسنا الحرير ورميناه كلمنا الحق وسمعنـــاه
شفنا الزين ودْحِينَــاهْ عْرْفْنَا لهوى وما بغيناه
وتجي أنت يا جمــــال وتدوز جمالك علينـــــا
يا جمال رد جمالــــــك علــيـنــــــــــــــــــا

يَا لاَ لْ يَا لاَ لاَ لْ يَا لاَ لاَ لـِـــــــــي
يا لا ل يا لا لا ل يا مَّا يَا لاَلـَّــــــة
گـُومْ يَا گلْبِي من نومك شوف الحالـــــــة
حر العديان ف الدواخل دَارْ نْكَالَــــــــــــة
درنا فيهم لامان يا گلبي مشينا طوالـــــة
لگيناهم ثعبان شر من سم الــقــتــالـــــة
نتذكــر خيمتنــا يــا گلبــي گبـــل الشعالة
نتذكــر گمحنــا وشعيرنــا وْلـَّـى نخالــــة
يا شگة ف الگلب يا وعدي جرحك يَتْلاَلاَ
ليالي لعذاب يا وعدي امتى تتســــالـــــى
عيشونا ف لخدع يا گلبي واحنا رجالـــة
عيشونا ف الضيم يا گلبي وكثرو الگوالة
لكن الوعد يروف يا گلبي تصفى ذا الحالة
يبان البرهان ف الخاين يولي ف دلالـــــة


يــَا مَــنْ جَــانَــا

يَا شَاطنِّي وُيَا شَاغل بالي
ياشاطني وعييت نداري
جيتيني بين الوقات . . .
جيتيني والوقت احمات
جيتي معطل اللحظات . . . واشنو هي لحياة يا شاطني!
گول لي عفاك آش يجرى . . . إلى صرت رمادك
راك جيتي ثاني تشعل نار . . . ما صدقت طفات يا شطني
جيتي تشعل جمرة . . . كانت ف الگلب وبردات . . .
جيتي ثاني بين لوقات
يـَـــــــا شَــاطــنِّـــــــي وُيـَــــــا شَـــاغـَـــــــلْ بَـــالِــــــــي
يـا مـن جـانـا الـنـار ف قـلـبـه تـلـهــب أشـــرار
يــا مــن جـانــا الـظـلــم ف حالـه يحكـي أسـرار
عـــلــيـه الـهـم كـايـغــلـف رمــوش واشـــفـــار
لـــيــــل الـمـسـكـيـن كَـايْـهْـوسّ يـَا حـَــضـَّــــارْ
ـمــه مــرشــوم كــايــنــــوح يـــا لـــقـــــــدار
ف لسانه كلمة وحدة . . . فـــضـــح الأشـــــرار
شوف من حالي يا العالي ما نجبر نگــول لـيــك
يا مول التيسير يا سيدي وســـيـــــد الـــنـــــس
الهم فناني يا الغالي وما نجبر نــگــول لـــيــــك
صوت التكبير يا حبيبي ما بين الـــــضــس
عْيِيت نْلاَلِي يا العالي ف رحاب مـــعــــالـيــــك
الفقر شقاني يا العالم بخروج النملة من الس



حَــــدِّ يَــــة

يَا خَيِّي وُمَا تْلاَ حْدْ يْسَالْ فْ حْدْ
كُلْهَا مْحْرَاثُهْ غَاسْ
يَا خْيِّي لَحْمَامْ اللِّي مْوَالْفُه طَارْ وُعَلاَّ
وِينْ عَلاَّ لَرْسَامْ
زَهْوْ الدَّنْيَا الكَأسْ وْرْفِيدْ القْرْطَاسْ
ُورْكُوبْ اْلخِيلْ وُْلَغْوَانِي
قَلْ شِيَّة وُصْحَابِي مَا تْلاَتْ وُالوَقْتْ حْمَاتْ
الْمَوْلَى جُودْ عْلِيَّا
وُهَادْ الزْمَانْ يِبْلِي بِهْ مَنْ قَـالْ زِينْ
يْعْطِي شْقَاهْ للقَوْمْ المَعْمِيَّة
بَكْرَا لِيَّامْ مْشَاتْ شُوْر اوْلاَدْ غْفِيْر
سْقْصِيهَا أ َصَاحْبِي وْسَوَّلْ
يَا مَحْبُوبْ خَاطـْرِي إِلَى بْغِيتْ الاَّمَة عُودْ اصْبْرْ
لَكْلاَمْ اللِّي بْلاَ مْزِيَّة يْبْقـَى فْ الخَاطْرْ
أُمُّكَ شَاحَّة وُشِحِّيحَة وُلاَ تْلِيَّنْهَا طِيَبة
آحَدِيَّة قَوَْلَكْ مَا زَالْ مَا وْفََـَى
مَا بَدَّلْتِينِي بْفْقَارِيشْ تْلْبْسْ البِيسْ تْعْجَبْ لَنْظـَارَة
آحَدِيَّة قَوَْلَكْ مَا زَالْ مَا وْفـَى
بَدَّلْتِينِي بَدْوِيرَة مْخَرْبْقَة وُالدُّوَاحْ يْنُوحْ وَالزَّبَّالْ وَالْحَمَّارَة
آحَدِيَّة قَوَْلَكْ مَا زَالْ مَا وْفـَى
غَرِّيتِينِي بْلَكْذُوبْ وَالزَّوَاقْ يِطِيرْ عَصَّدْتْ غْدَايَئا
آحَدِيَّة قَوَْلَكْ مَا زَالْ مَا وْفـَى


هـَـاجـَـتْ لَــحْــزَانْ

يــا عــالــم كــثــرات لــحـــزان يــا عــالــم عــلــة ف لوطــان
يــا عــالــم مـصــيــر الإنســان يــا عــالــم نَـكْــبَــة وُمـْـحـَــانْ
لنفوس هايمة وُلَجْثَاثْ رْمَايـَــــة يا عالم مـــــال عبادك سايبة
جيوش هايمة والصبيان ضْحَايَا يا عالم مــــــال عبادك سايبة
لَحْرُوبْ قَايْمَة ولبنات سْبــَــايــَـا يا عالم مـــــال عبادك سايبة
لا غيث أنا لا حد سمع لـغـــايـــا وبكيت أنا وناح السلم معــايـا
يــا عــالــم كــثــراث لــحــزان
يــا عــالــم هـاجـــت لــحــزان

حـَـنْ وَ اشْــفْــــقْ

كِيفْ يواسي اللي فرق وبقى بلا عقل
ف لرسام فريد
أنا كيف جفاني حبيب قلبي ما خلاغير صورته
وُنْعُوتـُهْ وُخْيَالُهْ
من لا عمري نظرت زين . . . ف لبدور بحاله
ارفق يَا مَالْكْ ب عبــــــــدك واعطف يا صابغ النْيَامْ
يا بَدْرْ النْبَا مَنْ لُغــْـتـَــــــام يهديك اللهيت ما كفـــــــى
أنت الموصوف ب لمحاسن وأنا الملسوع بالغـــرام
وعييت ملازم السقـــــــــام أمَّا بَرَّدْتْ من جمار فْ قلبي محفـــــى
نبات نساهر ليــــــالــــــــي ودموعي حايفة سجــام
نبكي ونوح ف الظــــــــلام على محبوب خاطري من جار عفـا
امتى يا مالك نشاهـــــــــــد خدك يضوي عل الرسام
ما بين مْحَافْلْ الرَّيــَــــــــامْ ونگول بحاين جْفَا
رغبوا تاج لملاح فيـَّــــــــا تحييني غير بالســـــلام
وتراعي صلة لكـــــــــــرام لاخير في من جفا حبيبد و غدر الموالفة
فْ هْوَاكْ أَمَالْكِي فْـنِيـــــــتْ لا حالة كيف حالتــــــي
ف طريق هواك ما عييـــت حتى تقضى حاجتــــــي
وإلى أنا نلت ما نويــــــــت منك يا روح راحتــــــي
نفرح ونگول : ما مشــــــا تمجادي ف لبها حـــرام
يا من لا ساغ لي مـــــــرام سمع قول لحسود فيا وتَكَدَّرْ بَعـَـــــا
هدي مدة بلا حســـــــــــاب وانا كامي علايلـــــــــي
كانتمنى ساعة الصـــــواب تقضى فيها مسايلـــــي
كانطلب عاتق الرقـــــــــاب يجمع بيا غزيلـــــــــــي
محبوبي راشگ لهــــــداب ناير لخدود قاتلــــــــــي
أما دوزت من وقـــــــــــات كنت مغْطـِّي بثوبهـــــــا
تسوى الياقوت والثـْقـَـــاتْ والسعد سگام منهـــــــا
والكاس مدامعه جــــــرات على الشمعة وْضْيَّهـَــــا
ما تسمع غير كب هــــــات والخمرة باح سرهــــــا
صدقوا من جربوا وگالــوا مادامت للزهو إيــــــــام
لو كان تدوم لَـلُّـقـُـــــــــدَّام لَو كان الشمس ف سماها تبقفَة

حن واشفق واعطف برضاك يا المزيان
لا سماحه ميعاد الله يا الهاجـــــــــــــــر
ياللي قلبه بعد زْيَانْ عَاوْدْ شْيــَــــــــــانْ
يا للي عدْتِي مِنْ شُورِي حْذِيرْ نَافـْــــــرْ
ياك ما حَالُو ما بـِينَاتْنـَا العديـــــــــــــان
ياك ما عْوّلتِي مَنْ جَنْبِي تسافـــــــــــــر
ياك ما جنيتي شوفة من نْجَالْ مْعـْيـَــان
زْلّْعـْك تْزْلِيعَه لْعْدُو بْ قلب كَافـَــــــــــــرْ
نزلت ساحر بحرك زعما نعود رُؤْيـَــانْ
مشارعك ندريها ونعود بك ظَافـَـــــــــرْ
حسنت بك النية وقريت فيك لاَمـَــــــانْ
حين كَنْتِي تَاتِينِي فْ كُل يوم زايــــــــــر
إلى حضرتي تحضر ليا معاك لدهــــان
وإلى تغيب نَذْهْلْ ويغيب لي الخاطــــــر
آباش نطفي نيرانك من صميم لكنــــان
وباش يبرد قلبي من حرها الزافـــــــــر
إلى هداك عليا الرَّحْمَانْ يَا المزيــــــان
رد سيف صدودك لجواه يا القاهـــــــــر
محبتك يشهد لي بها الإنس والجــــان
ما بقى ما نَكْتْمْ بحب بالسَّرَايـِــــــــــــــر

السيف البتار

يحسن عوني ملي نســاب شوقـــي ولهــــان ألالــــة
عودك سباق ف ذا الزمان سيفــــــك بتـــــار ألالــــة
سوايعك توصل مزروبـــة مــــا غرضنــــا تــتــلــــى
أنت وحدك وحنا قـــــــوام مسكـــونــيـــن بــالعــلـــة
ما يفيد طالب ولا طبيــــب ملــــي توصلـــي عوالـــة
تفرقي الخليل ب خـلـيـلــه وتهدمي العشرة وتسالـي
بنـــــادم كلــــــه حصــــاد ب فـــدادنـــه رحــالـــــــة
غني ومسكين بلا حسـاب ف حــــــــر الســـؤالـــــة
تگاديهـم تحــت التــــراب حفــــرة وكفـــــن ألالــــة
لقبـر والظــلام المهيـــاب والــنــفـــس الــقــوالـــة
هـــــا أنـــــت گـــول لــــه گول له يا خونـــا ف االله
مــات الغنــي يــا حبابـــي طلبــة وعـــوام تـابـعـــاه
شـي يقـرا عـنـد راســـــه شي شاد السبحة حــــداه
تبعــولگنــازة يهـلـلـــــوا وريــح الـوارث شــــاداه
لاغـاو لقســام بالجملــــة كلهــــا يلغــــي ب لغـــاه
خلــى الديــور والــدواور خلـــى ليشاشـــرة معــاه
خلــى لخيــول العـاتـقــــة ديـــك السربــات عارفاه
مدى من زين الدنيـــــــــا ذهــب وفضـة صابغـــاه
كان بايت ف التجـــــــارة وظــن المــوت ناسيـــاه
حيـــانــــي راه ســگـــد طلبـــة وعـــوام تابعــاه
كــلـهـا يگــول حبـيـبــــي وريح النفاق سابقــــــاه
راس مالــه غيــر خرقــة حفرة . . وشبر ما سواه
هـــــا أنـــــت گـــول لــــه گول له يا خونــا ف الله
مات المسكين يا حبابــــي حتى واحد ما مشا معاه
قـرا طـالـب عـنـد راســـه بـــزز عليـــه مــا قــراه
خلـــى المـيـمــــة عميــــا علــى خيالــه حاضيـــاه
عندها مقراج ذا النعيـــرة غـيــر الضرگـة ســـاداه
عندها بـــــــراد النونـــــة وكيف الصرة صـــاراه
عندها فــروج ل نحيــــرة غــيـر القـنـب قــجـــــاه
عندها مرســم بالدعيـــرة وديك الگطرة مسردان
كـــان مفــرش الحصيـرة واليــــوم هــي غطـــاه
لاغـى الهموم بالجـمـلـــة والغــنـي ساكـن حــداه
خويـا وظــلام القــــبـــــر مـــع لميســر ســــاواه

تــعــالــي

تعالي يا رفيقي ف الشدة لا تسول ما لي أنا هاكذا
قـلـو نـاس الـجـــود وكـثـرو الـبخالـة
واللي نحسبه رفيق ياك غدره رماني
مال زمانا عــــواج وتدلات أيــامـــه
دوارة يـــا لـــيـــام دوارة
قالبــة بـنــا لحـكــام زوارة
نصبوا علينا آخيي الجهالة
عــاقــة. . . ســارقــة. . .
غــدارة يــا ليــام غــدارة
كثروا علينا آخيي الدجالـة
كثروا علينا آخيي النصابة

تـَاغُــنْجـَـة

لَعْشِيَّة عـْشَّاتْ وُالليل راح
ما حْلَى بَاللْغـَا يْدُورْ ما بين لملاح
والورد عطات ريحته يا حسرة
والذات ما زالت حزينة
الدم جف يا حسرة
والذات ما زالْ حزينة
يا ناس وما انـْتـُمَا ناس
يا الزايدين المهموم في همه
يا المعاونين الظالم على ظلمه
يا للي صغيركم ف الغيرة وكبيركم ف الحيرة
رْبِّي مْوْرِّي لَمِْريرَة يَا ناس
غير بلاش زْيَادَةْ الهَضْرَة
ذا العالم من قديم خاصاه نغزة
ولمنازل تتبدل
واش الحق گفا واعطى ب الاَدْبَارْ
حْلْفْ حلف ما ظهر له أثـَرْ
واش الحق گـَفـَّا من زمان
قفله عسري ساروته ما ف الحياة
مَبْدَاها الخير والشر . . . لْحْرَارْ والسْبَايْا
العيب فينا بالأ طنان
لاَ لُغـَة مْوْحّـْدَة ولاَ مَايَة
يا حيرتي ف بنادم واحد وُكَثـْرَة اللأَدْيَانْ
ياك ذاك الإنسان . . . وذاك إنسان
ياك هذاك لذاك مرايا

اسقينـــــــــــا و اروينــــــــــا كـــيـــف بـــحـــرك هــَيـًَّـجْـنـَــــا
اسقينـــــــــــا و اروينــــــــــا مــــــــن بــحــــرك خـَـمَّــرْنـَـــــا
آه يــــــا گريــنــــي لاَغـِــــــي وواجـــــه ريـــــاح مصــيــــــرة
الجوع ف الدنيا كالوالـــــــــي وجثــــات الصبيـان مـــرمــيــــة
فــوق داك البــرج العـــالـــي أمــــر الله عـــلـيــه غـْـفَـلْـنـَــــــ
أسَايـْـــــرْ الدنـيــــا سَايْــبْــــة وتلـهـى بـنـا لـوقـات كــــاتور
كلهـــــــا ينســــى شـــانــــه ملي المال يتسمع رنينه ف لون
الدنيـــــــــا بــالــمـــــــال هـــــا نــــا الـدنـــيـــــا بالــمــــال
هــا انــت لاغــي عـَلْ لْهْيـَـاجْ ويــــــجـــــيـــــك هــــــلالــــــه
تحت ضوه تفوز بقراية لكتاب اعرف الحالة لا بد ليبـدال
تــــــذبـــــال لـــــهـــــوال ويــــــــبــــــــان الـــــبــــرهــــان

وَاشْ حْـنَا هُمَا احْنَا

وُشُوفْ الدّْنْيَا هَكْذا دَايْزَة
وُبْنَادْمْ كِيفْ المِيزَانْ طَالْعْ مَرَّة هَابْط
يِعُوفْ الجَرْيَة لِيّامْ فـَايْزَة
وُالعَالَمْ يْدِيرْ مَارَاد . . . حُكْمُه شَامَلْ شَرْفـَة وُمْرَابَط
شُوفْ عَزَّةْ بْنَادْمْ حَايْزَة
الشّقـَا وُالهْجْرَانْ سْعْدْ بْنـَادْمْ فِيهُمْ رَابْط
وُشُوفْ الفَرْحَة امْضَوْيَة عَلْ لُوْطـَانْ
وُالنّاسْ زَاهْيَة فـَرْحَانَة
غِيرْ لَطـْيَارْ فْ لِيلْهَا سَهْرَانَة
بَاكْيَة بَنْوَاحْ وُلْدَا تُو لَحْزَانْ
يَا زِينِي هَكْذَا مَا كَانْ

وَاشْ احْنَــا هُمَــا احْنــَا أَقـْلْبـِــــي وْلاَ مُحــَـــالْ
وَاشْ الدّنْيـَــــا هَكْـــــذَا أقلبـِـــــي وْلاَ مُحـَـــــالْ
مَا نْويتْ الزّمَانْ يْغـْـــدْرْ وْيْتْبْــــــدّلْ الحـَـــــــالْ
مَا انْويتْ الناس أ تْبِيــعْ عـْـــــــزّهَا بِالمَـــــــالْ
يَا نْوَاحْ الّطيرْ فْ السّمَا لله شْكُــونْ قـُـولْ لـِـــي
يْجـِـي رْسُـــولْ للخَلْــقْ وْيْجِيــــــبْ السِّلْـــــــمْ
تـْـرْجْعْ لْمْيَــاهْ للمَجْـرَى لله شْكُـــونْ قـُولْ لِــــي
يِقـَــادْ لَشْيَـــاءْ للحـُـــبْ وْيْـــــــزُولْ الغـْـــــــمْ
وَاشْ احْنـَا هُمـَـا احْنـَــا أقلبـِــــــي وَلاَ مُحــَــالْ

يـَـا صـَـاحْ

يَا صَاحْ رَانِي وْسْطْ الحَمْلَة
وْرْخِيتْ الشَّمْلَة ومَا فَاتْ الحَمْلَة
وْإلَى تْفَاجَى الضّبَابْ الضَّايْرْ بِنَا يَا أهْلِي
ُوصْلاَح ْالوَقْتْ . . .
وُسَارْ عْلاَمْنَا وَاقْفْ عَلْى دْرْبْنَا يَا أَهْلِي
يُومْ نْصْبغُوا دَارْنَا بْ لَبْيْضْ
وُإِلَى كَانتْ المُوتْ عَدْلْ . . كِيف دَايْر حَالْ الظـُـلمْ ؟
وَاوَِوينْ أَِوينْ شَاوْرُوا عْلِيـــــــــــــّا
وَاهْ وْلْفِـــي وْالدّنيـــــَا مَــا تْـــــدُومْ
بْكَاوْ حْتىَّ عْيَاوْبِالدَّمْعْ نْجَالِــــــــــي
حَالِي تْبْدْلْ حَالُــــه هـــَذَا أَحْــــــوَال
وُالعْدْيَانْ فْ جْنَابِي كُلّهَا يْشَالِــــــي
شِي سَالْبْ عْقْلِي شِي عَاجْبُهْ الحَال
وَأَنَا وْسْط ْالحَمْلَة وُ وَحْدِي نْلاَلِـــي
لاَ مَنْ مَدْ لِي يَدُّه وُلاَ عَنِّي سَــــــالْ
مَلِّيتْ الوَحْدَة وُمَلِّيتْ مَا جَرَى لِــي
غَرْضِي بَالسَّلاَمْ يِفَاجِي خْبَالِـــــــي
نْبْكِي عْلَى مَحْرَابُهْ شَلَّى إِيَّـــــــــامْ
ِ وينْ أَوِينْ أَِوينْ شاَوْرُوا عْلِيَّـــــــا
شْفْتِــي الحَالَــة يَــاعِينِـــي دِْوي مَـــــا بِيدِيّـــــا مَـــــا نْدِيْـــــــــر
آيَاي يَا عِينِي اَدْوِي
وُالرَّحْمَــــة فْ الدّنْيَـــــا قْلِيلَــــة مَـــــا بِيدِيّـــــا مَـــــا نْدِيْــــــــــر
آيَايْ يَا عٍينٍي ادِْوي
كِيفْ نْوَالفْ يَا عَالَمْ كِيفْ نْوَالْفْ عِيشْتِــــي فِيــــكْ بْــــلاَـــــاَمْ
آيَايْ يَا عيِنِي ادِْوي
قْــــــلاَلْ قْــــــلاَلْ احْنـــــــــَا وَاشْ فِينــــــــَا مَـــــا يْتْقْسْـــــمْ
عَهْــدِي بْلْوِْزيعَــة فْ لَغْنـــــــْمْ سَرْنَــــــــا فِيهَـــــــا كَامْلِيـــــــنْ
آيَايْ يَا عِينِي ادِْوي
سَامْحُوا لَبْكْمْ إِلَى تْكْلْمْ
احْنَا قْلالْ مَا فِينَا مَا يْتقسمَ
اْلوَجْدْ إِلَى يْهِيجْ مَا عْنْدُهْ صَحْوَة
السَّرْ إِلَى انْحْلْ مَا غَطَّاهْ خْنِيفْ
شْمْسْ الحَيّينْ مَا تْدْفِي المُوتَى
مَاشِي بْصْيَاحْ لْغْرَابْ كَاتْجِي الشْتَا
والله وُمَا قْفْلنَا لاَ فورْنَا


دكــــــة

ضَـــاعــَــــتْ لـِــــي دَكـَّـــة مـنـيّْـلَـــــــة
يَا رَعْيَان الخيل من لقاها تعطيه بْشَارَة
مْـقْـيُـومـَـــة بـالـسـلـــك والـذهــــــــب
مَنْ عَنْدُهْ الروم جَابْهَا قَايِدْ مَنْ هـُـوَّارَة
دَرْتْ جْــنـَـانـِـي يـَـــامـَــا قـَلـْــتْ نْـخـْــرّْفْ فـِـيـــــهْ
مَا تْلَى حَدْ يِسْكَنْ مْعــَايَــا
بنيتو بالطوب ولـحـجــــر دْرْتْ الغـَــلـَّـــة فـِـــيـــــهْ
جْبْتْ لِيهْ سْوَاقِي جَـرَّايـَـا
سرحت فيه الخيل والابـل والحــمــــار مــــعــــــــاه
حطمت سوره بعد بنايــا
طالــــب مـــول الـجـــود لاتسخرشـــي غلــة فـيــه
كل يوم نزيده ب دعــايــا
الطفـل غـدار صـاحـبــــه يــــــاخــــــد فــــــيـــــــه
ويجعله بين الناس شفايا


الدَّمْ السَّايْلْ

يا الدم السايل
يا الورد الذابل
يا أم البلدان . . . يا افريقيا
واش هاد الحالة
نارك شعالة
يا شمس الأمل . . . يا افريقيا
حتى من طيرك هربان
حتى من لَيْثـُكِ خَوْفَانْ
ضاع منك لامان . . . يا افريقيا
فيك الغرب ينهب
في خيرك يحطب
في أولادك يهرب
ب الجوع ولحزان . . . يا افريقيا
الجوع ولحزان
ليام تنادي . . . يا افرييقا
المرض ولعذاب
ف عيون الصبيان . . . يا افريقيا
يا وردة ذبالة . . .
يا شمس . . . .
يا واد . . .
يا الدم السايل
يا الورد الذابل
يا أم البلدان . . . يا افريقيا

دَلاَّلْ

أنا كيف نسير . . . في ليلي نغني
نتفكر الخير واللي كرمني
يبانو احبابي بين عينيا
من نعمة لنعمة . . . نعيش ونغني
ونجمع هبالي بين عينيا
نرمي لحزان . . .
نطفي لهيب الجرحة . . .
نهيم ف واد الفرحة ونغني
باش تنفعني لهموم ؟
باش تفيدني دموع من عين سخية
ذي الدنيا زايلة يا صاح
بلاش تسولني . . . يكفي اللي فيا
راسي مرفوع و غادي
گلبي عامر بالولف
حامل همي داخل صدري
اللي عرفت عراه ما يهمني كساه
ذا السوق حامي . . .
والدلال رامي . . .
والشاري اعمى . . .
ولا حبيب إلى حبيب ف الشدة
أنا كيف نسير في ليلي نغني

جيبو لي حالي ما نموتــــشـــاي جيبو لي حالي ونروح لـللا
شغلو لي بالي ما سـخـيـتـشــاي شغلتو لي بالي عمروحـى
شوفو من حالي شربتوه لـمـرار واش اجرى لي خنتو لي لجوار
كيف طرى لي وما نگولـشــــاي واد هبـالـي امـديـع الـحـمـلــــــة
فضلكم باين يا صحاب الخسران فضلكم باين يلخسران
فعلكم خاين آيا حزب الشن شـرگ الـذات وثـمـور الـنـخـلــة
اعميتو لي عيني وما نموتشاي گـلـبـي صـابـر يـعـرف لـــة
حرگتو فداني وما نطـفـيـشـــاي بقيت نعاني ف دخانعـلــة
زمانكم حامي آيا گنس الرهبـان زمانكم حامي موفي ف الـغـفـلـة
كثرتو رشاوي آيا قوم الطغيـان بنيتو الخاوي ف زمان افلـة
قتلتو صبياني وما ندفـنـشــــاي قتلتو صبياند العـملة
جوعتو شياهي وما نـبـيـعـشاي ديبكـم حاضـي وخـوتـو شــى

السَّـلاَمَـــــــة

السَّلاَمـَــــــة السلامـــــــة السلامـــــــة السلامــــــة
هاد بنادم ولى مقهـــــــور بانـــــت فيـــه العلامـــــة
حتى شُوفـُه وُلىَّ مقـهــور عايمــة عليــه غمامــــــة
كلامــه ولــى محـصــــور حتـــــى ل يــوم القيامـــة
دِيمَـــا رَاحْلْ يَا مْـضـْــرُور سارح ف كلام النَّظَامَــــة
ملي عييتي لقيتي ســــور مبنــي ب حجر الظلامـــة
ها أنت واگف ومحگـــور حــــادر راســــك نعــامـة
ومصيـر بنـادم ك لغـروب غادي ف ظلامه يتهامــى
الهـم وكثــرت الحــــروب قـَـلـُّـــو اليُـــومْ الفهامـــة
حْرُوزَة..وُبْخُورْ..وُسْبُوبْ قتيــــل الخيــــر والفهامة
ولى الفساد والشــــــرور شبابنا عايش ف دوامـــة
الْبـُـوْ يْسْبْــقْ يْرْجّْعـُــــوه والــولد حـْـــدَرْ القــامــــة
أنت عالم كلك ضــــــرور امتــــى تبـــــان الســلامة
انتما بعدا آهياوآه مالــي لاَلَّة عار الله عليكم الغَادْيـَــاتْ
شحــــــــال صبـرتـــــــو طالب ضيف الله الغاديــات
الــــــــرواح صَـــــــدَّ اتْ لــعــقـيـــــــل مـــــــــــــات
شحــــــــــال تَمَــرَّتـُـــــو ف ربـيـعـكــوم خَـرْفْـتـُـــوه
ف أيــــــــام الظــــــــلام كــــــــثـــــــر الـــــمــــــلام
جيــــــت عــاد مشيتــــو مـــــا لــكــــم گــفــيــتــــــو
بكانـــــــــي لحكــــــــــام ف هــــــــــاد العــــــالــــــم
مــــــا لكـــــم تلفتــــــو عـــيــبــكــم ضــرگــتـــــوه
آش قضـــى الخصــــــام آيـــــــــــــــا لـــــعـــــــــوام
انتما بعدا آهياوآه مالـي لالة عيب الله عليكم الغاديـــات

هـَــوْلـُــونِــي

يـَــا لُطْــــفْ الله الخـَـــــــافِــــــــــي الْطـُفْ بِنَا فِي مَلـَقـْــــــــدَارْ
يَـــا نِعْــــــــمَ الحَيْ الكَـــــــا فِـــــــــــي اكـْفِينَا شَر الوَقــَــــــار
يَـــا مـُــــــولْ الفَضْل الــــــوَافِـــــــــي فـَضْلـَك مَا يِـنْتتْحَدُّهـــارْ
عَجَّـــــــلْ بَ دْوَاكْ الشـَــــافِــــــــــي وُارْحَم ضَعْفَ الآمة الغَاوزَانْ
قَـــــــادَرْ تَبْـلِــــــــي وُتْعـَــــافـِـــــــــي تَرْخَفْ الشَّدة ب العخْيـَـرْ
لُـــوْلاَ ضُعْــــفَ الإِيمـَـــانْ مــَـــا يْجُـــورْ الزْمـَـــــانْ
وِيْــوَلِّيــــــــوْ الطُّغْيـَـــــانْ بْ لَقَْهـَـــــرْ جَايْرِيـــــــنْ
وَالْمَسْكِـــــينْ الْهَيْمَــــــانْ فْ الشّقـَـــا وُلْمْحَــــــــانْ
يِتْمَنَّـــى الْمُــــوتْ عْيَـــانْ مـَـا وْجْدْهـَـــــا فْ حِيـــنْ
مَنْ هُمْ الْوَقْتْ مْفَافـِـــــــي تَاهْ فْ تْلُوفْ لفْيَانِــــــــي
تَــارَة يْعْتْــرْ تَارَة يْطِيــــحْ بـِـيـــــــنْ لُوعـَــــــــــــارْ
بَحْنَـــــــا بَِالْمُحْرِمَــــــاتْ وُلَمْعَاصِـــــي قْـــــــــوَاتْ
وُعْقُولْ النَّاسْ طْغـَـــــــاتْ غَافـْـلَـــة عْـــــلْ الْمُـــوتْ
وُالعَلاَمـَـــــاتْ نْبَــــــــــاتْ لَلْــــوَرَى مَـــا خْفـَـــــاتْ
وُقـْــــــــوَاتْ الظّلُمَــــــاتْ لَمْكَــــــرْ وُلَبْهُـــــــــــوتْ
قـُـومَانْ صَمَّتْ وُعْمَـــــاتْ غَرَّتْهُـــمْ الْحَيَــــــــــــــاةْ
تَبْعُوا حُبّْ الشَّهْـــــــــوَاتْ فـُوقْ سْحْتْ السْحُـــــوتْ
يَا لُطْفْ الله الْخَافِــــــــــي