زجلية حوميدية : قالو مين.................... - منتديات الأستاذ التعليمية التربوية المغربية : فريق واحد لتعليم رائد

2013-10-31, 17:10

رقم المشاركة : 1

houmidi59

بروفســــــــور

إحصائية العضو

houmidi59 غير متواجد حالياً

زجلية حوميدية : قالو مين....................

قالو لي مينْ تْشدْ الطْريق
خاص لابد يرافقك الصْديق
قالو مينْ تْفيق مَنْ النْعاس
راسك خاوي من الوسواس
قالو مينْ تمشي للخدمة
بعّدْ على لَمْروقْ واليَدْما
قالو مينْ تبغي ترتاحْ
قرقب النَّاب مْعَ شي فلّاحْ
قالو مينْ تبغي تمشي ترقدْ
ديرْ عْليك كاشة باش ما تبردْ
قالو مينْ يْجيكْ لعْطش والجوع
ما تسوّل لا فالجودة ولا النّوع
قالو مينْ تكون زعْما مريضْ
اشربْ لحليب قبل ما يفيضْ
قالو مينْ ادّير شي قْباحَة
برّرها بكلام كُلّو فصاحَة
قالو مينْ تبغي تشْري
ما تمشي غير لَهْري
قالو مينْ تكون باغي تبيعْ
اختار الصيف او الربيعْ
قالو مين يجيوك الضْيوفْ
لا تْخَرَّجْ ليهم السيوفْ
قالو مينْ تمشي اضّيفْ
سيرفأيّامات لَخْريفْ
قالو مينْ تْحَسّْ بالبوَحْدَة

سيرْ لمدينة وجدَة
قالو مينْ يْطيحْ عْليكْ الضِّيم
قلْ ياربّ يا مَنْ أنت كريمْ
بَعّدْ عْلِيَ الطّاغي واللّئيمْ
وانصرني واجعلني زعيمْ
قالو مين تْجيك الفرحَة
اوى اضربها بْشي شطْحَة
قالو مين تبغي تبكي
ما تبقاش غير تحْكي
الى عجباتك هاد القصيدَة
اوى خلّص علي باريدَة
ولا تكوني انْتي عنيدَة
غادي أطّيحي فلَمْصيدَة
خلّيتْ لِكومْ الراحة والهناءْ
الله يجعل ليلْكوم صفاءْ
هذا غير كلام حوميدي
يقدر يصلح كوميدي(comédie)
قالو في نهاية هاد الصّيمانة
يداوي بيه الحيْران والحيْرانَة