*بكيت ليه من هم النسيب قال لي نعطيك بنتي.
*دير الهم فالشبكة شي يطيح وشي يبقى.
*اللي تزوج من دمو كثر همو.

-جاا يحبو وعماه
-جا يكحلها عماها
- جاك رمضان يا لطيف الحالة .
-جاك اموت يا تارك الصلاة.
-اللي جابو الليل كيديه النهار.
-جا حتى لبلاد فليو عاد جاه الرواح .
-جا حتى الملاح وعيط آفبنكم العاشقين فالنبي.
-جات الطوبة فالمعطوبة.

-جات قد السلكة قد طلوع الفجر.
اللي كحلات بغات واللي عكرات جابت الدخيل وجات.
-الى جات كتجرها سبيبة والى مشات كتقطع السناسل
-ما كتجي فنوبة غير الموت

--عمرو ما حبا وملي حبا طاح فالحفرة-
-عمر داود ما يعاود.
-عمر الما ما يروب وعمر المبلي ما يتوب.
-عمر الزفان ما ينسى هز الكتاف.
-عمر الملح ما كيدود.
عمر المر ما يحلى وخا ديرو فجبح النحلة.
-عمر جبهتو ما جات فالارض غيرالى عثر وطاح.
-عمر المخ ما يكون فالدوارة.
-عمر الديب ما يصيد والسلوكي تابعو.
-عمر اللي يديرها ماكيكولها.
عمر الربيب ما يكون حبيب.

حتى بحر ماخطاوه مواج
الما والشطابة حتى لكاع البحر
حتى بحر ماكره زيادة
بنادم بلا نية بحر بلا كاع.

اللي تلف يشد الارض
/الأرض راني فيها والسما بعيدة علي.
/اللي نزلت من السما كتحملها الارض.
/احرث الارض تعطيك الغلة واحرث بنادم يقلعك.
الارض الحادرة كتشرب ماها ونا غيرها.
/بنادم كيموت على ارضو ولا على عرضو.
/اخدم ارضك تخدم عليك.
/كاع اللي فوق الارض يولي تحتها.
/الى بكات السما كتضحك الارض.
/الارض كتنبت الحلو والحار.
/ما تدي من الارض غير شبر و4 صباع.
/اللي مارضى بقضا الله يهرب من ارضو وسماه.