والحا حشم وتعتر
بقا تالف ومزير
واش بالكلمة يبدا
ولا بالحرف يدير ليفادا

والقامن قلت كلاموا

الحرووف الا جدبات
لسوالفها رخات
الميم محير يجدب ومزير
الليف محزم ويشطح ويتمايل
والدال المجدوب
عليه عوال
دلوا على الحرف
وخلاه في الدرب يسال
الشين مشعكة
جايا للحضرة تجري
زلقت في الما
ورجعت للمجدوب تشكي
والطا طنطن بالطبل
ونوض القبيلة
خرجوالغياطا يزمرو
شدوا الميزان للهبيلة
والفا فال زغرت
وضرب الفال للزوينة
والرا راه ري وشوار
يظل يراري في الدراري
وقاليك راه حكار
وزاي الزين الزينة
وسعدها سعد الخايبة
اش داك تمشي للزين
راه يصعاب مع المحال
جيل دابا جيل زربان
مشى جيل جبان كول وبان
والحا حشم وتعتر
بقا تالف ويتشطر
واش بالكلمة يبدا
ولا بالحرف يدير ليفادا

والقا من قلت كلاموا