المشاركة الأصلية كتبت بواسطة سجين الصمت
صلي وسلم عل النبي العدنان
سلت لله مال الزمان معانا مغنان
واش نلقى عندك جواب اسي بوجنان
علاش لعصا وحريق الضرسا
والسعد السقيم
الشر ما رسا فكل بلاد ليه مرسا
جفات العرسة ووساع شق الهرسا
ذبلات الغرسة .. الخير تنسا
وذاك الخلق العظيم
مال القلوب تحت العفسا
والروح تبخبخ فحبال الحبسة
تطلب التسليم
والعربان فغيسة ما دايرين طيسة
تغرادهم فاكية من جنان العرسة
وانا وانت فلفقصة.. زمتة وحبسة
وكرب قديم