منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

واحد النعجة يتيمة معندهاش باها عندها غير يماها
المهم ذيك النعجة جا واحد الحولي يخطبها
وهي ما بغاتوش حيت معجبهاش
ويماها كلفت عليها قالت ليها ها السخط ها الرضا
ومخصهاش تكون مسخوطة مع امها
في الاخير قبلت ولكن بشرط
العرس غادي يديروه حتى يدوز
العيد الكبير

هذو جوج صحاب بزاف مكايتفرقوش ومبليين بشرب الكول 96%
ديما كيسكرو بجوجهوم واحد النهار واحد فيهوم كيموت
وضار فصاحبو كيوصيه قال ليه تعاهدني تبقى تشرب ليك وليا حتى تموت
المهم مات هذاك بقى صاحبو ديما كياخذ قرعة دلكول و2 كيسان
من عند مول الحانوت كيجلس يشرب كيكب كاس لراسو وكاس لصاحبو
كانه جالس معاه وكيشرب ديالو وديال صاحبو
دازت شي يامات وهو كيدي غير قرعة وحدة وكاس واحد
وهو يسولو مول الحانوت قال ليه شفتك بقيتي كتدي غير كاس واحد
قال ليه ذاك السكايري انا راه عفى عليا الله هذا غير ديال صاحبي انا باقي كنشرب فيه

قاليك هادوا واحد الجوج مشاوا يدوزو البرمي .
قالو للاول الا لقيتي الضوء الاحمر اش
تدير قاليهوم نحرقوا
و قالوا ليه بشحال تمشي ف المدينة قاليهوم 120 كلم /س
وهما يعطيوه البرمي
و الثاني سولوه نفس الاسئلة وهو يجاوب بحال الاول وهما يقولو ليه راك
سقطتي قاليهم وعلاش الاول نجح قالوا ليه
هداك راه مدوز برمي ديال
سيارة الاسعاف

واحد الجزار مشي يخطب شي بنت
المهم تكلم مع والديها في كل التفاصيل
ملي سولهوم على الصداق ابوها طلب شي ثمن طالع بزاف
وهو يدور فيهوم الجزار قال ليهوم
تفاهمو معايا بشحال الكيلو

واحد السيد قال لبنتو راه ولد عمك باغي يتزوج بيك
وانا راه وافقت ليه وقلت ليه انت الوحيد اللي يمكن نزوجك بنتي
دارت الدرية ف باها قالت ليه
اسمع ا الوالد الا تزوجني ولد عمي
غادية نتحر
قال ليها باها تنتحري نقتلك

هذا واحد السيد بلدي شويا مزوج بواحد المرا سميتها جمعةهو سميتو الحاضي
خرج الفيزا لفرنسا باش يمشي يتسارا مع مدام ديالو
مشى هو ومرتو في عز الصيف شدو لوطيل فمدينة شاطئية
الحاصول واحد الصباح بغاو يهبطو لبحر هو ومرتو يعومو
هبطو نعاماس المرا موحشة فلبحر زادت دخلت
واحد الساعة راجلها شافها وما خصوش
يهضر بالعربية لابلاج عامرة بالفرنسويين وبدا يغوت
وا vendredi وا vendredi عنداكي تفوتي الdimanche

قال ليك واحد المغربي مشى لشينوا ((الصين ))
فتح حانوت باش يبيع الشباكية
القلية لولة شدوه البوليس وجهو لو تهمة
حرق الحروف الهجائية ديال الشينوا (( الصين ))
مشا فيها مسكين

واحد مغربي مشى لليابان توريست
تعارف مع ياباني ذاك الياباني عرض على المغربي
داه للدار حطوا الغدا الروز وعطاوه جوج عويدات باش ياكل بيهوم
المغربي بقى فيه الحال معرفش ياكل بالعواد (( مولف بالشدوقا دلخبز ))
المغربي عرض على الياباني تاهو يضيفو (( بغى غير يرد ليه الصرف ))
حط ليه سكسو وعطاه جوج يباري باش ياكل

في عيد الاضحى
واحد السيد صقرام بخيل بالعربية
سول الجيران قال ليهوم شكون اللي ماعندو باش يعيد
ايوا الناس دخلهوم العجب حيث كيعرفوه مزيان
قصدوه عندواحد المرا كبيرة وهجالة مسكينة
جا لباب الدار ودق فتحت الباب ذاك المرا وهو يسولها
قال ليها ااالشريفة واش بصح ماغادياش تعيدي
قالت لي لا اااوليدي معندي باش نشري الحولي مغنعيدش
قال ليها ايوا اعطيني المجمر ديالك ندوز بيه العيد

شي واحد (( بزناز )) كيبيع ويشري في الحشيش
بغى يكمل دينو (( يتزوج ))
مشى قصد شي ناس باش يخطب من عندهوم
سولوه والدين البنت اشناهو شغلك او تجارتك
جااوبهوم قال ليهوم كنشتغل في ..........التكييف

كانت معلمة عندما تطرح سؤالا ما و يرفع التلاميذ أصابعهم.
تطلب الاجابة من أحدهم فيتبين أنه يريد الذهاب الى الحمام.
فاتفقت معهم أن يرفعوا أصبعا واحدا اذا أرادوا الاجابة و أصبعين اذا أرادوا الذهاب الى الحمام.
وفي احد الأيام زارهم المفتش و سألهم عن مجموع 1+1.
عندما لم يستطيعوا الاجابة وقفت المعلمة خلف المفتش و اشارت اليهم بأصبعيها أن المجموع هو 2.
فأجاب أحدهم : " أيها المفتش, المعلمة تريد الذهاب الى الحمام ".

هادو جوج دراري مساخيط. الاول قال للثاني: أنا مسخوط كتر منك
قال ليه التاني: لا، أنا اللي مسخوط كتر منك
الاول شاف واحد المرة شارفة دايزة و ناض ليها عطاها قتلة ديال العصا.
وقال لصاحبو قال ليه: شفتي؟ حتى الشارفات ما يزهقوش من بين إيديا
التاني شداته الموت ديال الضحك، و قال ليه:

إيوا شفتي هاديك راها مي، و كاع ما فكيتهاش منك

واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله.

قاليك هدا واحد لقا ولدو كينشد طلع البدر علينا اهو يضربو وقتلو بالعصى قاتله مراتو علاش ضربتيه.. قاليها لقيتو كيغني بالقرآن او هي تقوليه علاه طلع البدر قرآن راه غير نشيد اوهو
يطيح ابكي.. قاتليه مالك.... قالها 10 سنين ونا كنصلي بطلع البدر

واحد النهار واحد السيدة شارفة مكمشةوما فيها ماا يتشاف
دخلت واحد الدار مهجورة خاوية ومخربة
شدها الخوف او قالت بسم الله الرحمن الرحيم
شويا خرج لها واحد الجن
بدا يحنزز فيها وقال غير طيرتيها منا خلعة
أا شكون داها فيك بعدا

واحد السيد لاباس عليه (( مرفه مزيان ))
عرض على واحد صاحبو مافحالتوش مسكين (( ربنا خلقتنا ))
باش يمشيوا يتغداوا فشي مطعم وقال ليه غي يالله انا نخلص
مشاوا دخلو للمطعم جا عندهوم (( الناذل )) اش حب الخاطر
السيد ضار فذاك صاحبو قال ليه طلب شنو باغي تاكل
المسكين طلب طبسيل ديال الدوارة (( وقال مع راسوا راني تفيكت ))
لاخور اللي مرفه طلب قطيبات ديال الشوا مع شي طبسيل دلحم
جات الماكلة كل واحد تحط قدامو ذاك الشي اللي طلب
خونا في الله ضارو الجوع غير تحطت الدوارة طاح فيها اعمى وبدا غي كيصرط
ضار فيه المرفه قالو اصاحبي قول بسم الله باش ماياكولشي معاك الشيطان
جاوبو هو قال ليه داخلت عليك بالله واش الشيطان مكلخ غادي يخلي اللحم
والقطبان ويجي يزاحمني في....... الدوارة

هذا واحد شيباني جالس مع واحد من قرانو
وجالسين جماعين واحد الساعة نطق الاول قال لصاحبو
انا مللي كنت صغير شويا العيالات كلهوم كانوا كيجريوا مورايا
ضار فيه صاحبو قال ليه ......ايوا ودابا مالهوم
قال ليه صاحبنا دابا راني كبرت ومابقيتشي
نسرق ...........الصيكان

قلك هدي واحد لمرا شارفا مسافرا قطع ليها ولدها فالكار فالمقعد الاول....... طلعت جلست فالمقعد ديال الشيفور...... جا الشيفور هويقوليها الشريفة هدي بلاستي قاتليه ولدي قلي نكلس فالمقعد الاول...... قاليها باش تعرفي هدي بلاستي شوفي ها alksirateur وlvitsse و velon. قتليه جمع قشاوشك و رجع اللور.

شي واحد دوز حياتو كلها حباسات غي كيخرج في الصباح اذا تعطل
24 ساعة كيدير شي كعية كيرجعوه للحبس من جديد
عيا يطلب العفو لله والو '' الدعاء لا يستجاب" مقفرها بزاف
واحد النهار قال انا مليت من دخول الحبس والحل هو غادي ننتحر
طلع فوق السطح وتلاح من لفوق
طاح على واحد قتلو sur place
وهوما يشدوه رجعوه للحبس ثاني و لكن بحصة ثقيلة

شي واحد جاتو الورقة ديال الخلاص دلما غالية فوق الطاقة
واقيلا شي مليون او كثر وقطعوا عليه الما حتى يخلص
مشا للادارة وبدا كيغوت وقال ليهوم ياك ما حسبتو
عليا حتى الشتا اللي طاحت هاذ العام