منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - الوزير مبديع :تنقيط 20/20 مبالغ فيه لأن الموظف لا يعطي 100/100

السلام عليكم اخوتي الموظفات اخواني الموظفين،

من اين اتى علينا هذا الوزير الذي اراه متهورا في كل تصرفاته، اني اشك في امره.
اتساءل ما لكم و الموظفين - المتوسطين و الصغار - شي واحد حرشكم او نغزكم عليهم،
ما تحشموش ما شفتو غي هاذ الفئة المقهورة، ايوة الى عندكم شي كَلب شي شجاعة حقيقية
و لكم رغبة اكيدة في الاصلاح شوفو الاول مع الموظفين السامين الاطر العليا و الوزراء والجينيرالات
القراصنة و المدراء اللذين ينعمون بالمال العام. صلحو بعدة غي الفضيحة ديال البرلمانيين و المستشارين
و الرؤساء. و راه ما نسينا الفضيحة ديال - غيريتس - 370 مليون في الشهر، بدلتوه بالطاوسي 60 مليون في الشهر
و خليتو الزاكي المواطن العفيف.
ايوة آسي مبدع ما بان ليكم غير الموظف البسيط الزيادة في الاجور والو، و نهار تزيدو ليه 2 فرنك تفضحوه و تقلبو الدنيا
بالتصريح الفضيع ديالكم - راه هاذ الزيادة كلفت الميزانية ديال الدولة - دون الاشارة للناس اللي كيكلفو الدولة بحق و تحقيق.
بان ليكم تصلحو التقاعد على حساب هاذ الفئة من الموظفين* الصغار و المتوسطين * هوما مساكن دايمن كيخلصو طول مدة العمل و لسنين آش بغيتو عاود تحيدو ليه و الله حرام عليكم راكم كتعرفو اللي نخر الميزانية و الصناديق، و لا بغيتو تمَوهوا الراي العام.
حشومة عليك كون كتحشم راه شوهتي راسك و شوهتي معاك العمل الحكومي و شوهتي حتى الحزب ديالك!!!