منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

كمّدتها فقلبي

كمّدتها فقلبي
وفعيوني
حبست دموعي
ماخليتها تطيح
خايفها على خدودي
تسيـــــــــــــــــــح
تحفر طريق
تْوالفها دموعي
دمعة تسابق دمعة
ودمعة تعانق دمعة
وعلى ضي الشمعة
مولات النور لحزين
يطيح علينا الضيم
وتذرف الشمعة دمعة
وبكاها ماهو مسموع
ويذرف قلبي دمعة
براس ديما مرفوع
وسمانا تعمر بالغيم
وتفيض علينا دموعو
ونغرقوا فبير الضيم
ويصعاب علينا طلوعو

بقلم : ابو العز

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة