منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

عديان الله

يهديك الله يا الخاوة يهديك الله
فين اداتك ليام يا الخاوة قولي لله ؟
فراقك طال يا الخاوة الرجوع لله
يهديك الله يا الخاوة يهديك الله
باالناسي فكر فينا , واش نسيتي عهد الله ؟
ياالناسي طلل علينا , واش نسيتي وصية حبيب الله ؟
تذكر ايامنا الزينة ملي ركبنا سفينة الله
وتفكر امنا لحنينة ملي كنا على باب الله
كانت المسكينة تغطينا , وماتحرمنا من كلام الله
كانت المسكينة تصحينا , باش نبحثوا على رزق الله
شحال رضات علينا , حتى فاض علينا خير الله
دازت علينا ايام القهرة , وشحال سرحنا فأرض الله
دازت علينا ايام الحكرة , واحنا باقين نترجاوا الله
تسدت فوجهنا بيبان إلا باب الله
وكشرت فوجهنا نيبان إلا نيبان حباب الله
وبصقت فوجهنا قومان حسابها عند الله
وضربونا بالعصا هرسوا لينا شلا اسنان
ناري كيفاش ملقاهم مع الله ؟
وكانت ناس تنش علينا كيف الذّبان
ناس مقطوعة من رحمة الله
يهديك الله ياالخاوة يهديك الله
فين اداتك ليام ياالخاوة قولي لله ؟

بقلم :

ابو العز