2015-02-12, 22:04
|
رقم المشاركة : 1 |
إحصائية
العضو | | | زجلية بعنوان .......منك الشُّوفْ منك الكَسْدَة | زجلية بعنوان .......منك الشُّوفْ منك الكَسْدَة ...
ا
.....مُحال وَاش.....
نْقَدْ نْكَرْبَل أرْضِي وأنت مَنَّك دَاك الوْتَد ......
وعليه الشدَّة ....
...................................
.....محال واش .....
شَمسْ زهري تَطلع وأنت مْوَتَّد ْفي قاع الصَّهدْ
منك الغْطا و..منك مْخَدة...
...............................................
....محال واش ....الرُّكدَة توقف في الرْمَل
وأنتَ فيك تفَرْتَت ْ
دَاك البُعد وتعدَّى ....
.................................................. ...
ياملح الأيام جَمعِي خْيُوطْ السْدَى
وكَعْدِي الحَالْ اللِّي مازَال بِه وفِيه يتْرجَّى ...
اليُوم ْوغَدَّا ....
......................................
يا نْجُوم ْالأحْلاَم وَقْفِي عْلاَم الكَسْدَة
رَاهْ المْنَام ْاللِّي مايْشُوفْ بْلاَغُو
مَايَتْهَجْهَج ْمُوجُو ويَتْعَدَّى.....
.......................................
يابَيضة طايْحة فِي قاعْ الوْحَل
سَكْمِي حَالكْ لِلْعْيُوط ْ
وشَدِّي خُلخَال العْمَى يَتْفافَا فِي الوْطَا..ويَتْوَضَّا
.............................................
يَانُقْطَة سَاحِيَة مَن كَاشُوشْ الوَادْ
سَقْفِي ظَهْرِي لْبَارُودْ الرُّوح ْ
يعَاوَدْ الحَطَّة ويَتْسَكَّمْ الرْضَى
..............................................
مُحَالْ العِينْ تْشُوفْ دْوَاخْلِي
نْقْرَانِي حْرُوفُو ونْتْهَجَّي ..ومَانَهْدَا
................................................
مُحَال الكْلام لِي فِي نْوادَر سِيفِي
يَرسَم ْنُوارةْ الشَّمْس ْبِيهْ تَبْدَا
.............................................
يادْعَاوِي جَدَّة تْخَبْلُو عْلَى رَاسْ الوَقْتْ
وحَلْفُو تَمَّا نْوْقَفْ ...وللرِّيحْ نْتْصَدَّى
............................................
يا مَشُْمُومْ الرُّوحْ سَلَّفْ غْرَامْ
مَنْ الحَزْمَة اللِّى علَى ظَهْري نَسْكُنْ ونْتْحَدَّا
.. ............................................
يا نَادَرْ النْحَلْ الفْحَلْ
شْرَبْ دَمْ فِيَاقِي عْسَل
مْفَصَّل عْرُوقْ المْحَبَّة فَرْدَة فَرْدَة ..
.......................................
يا قْدَامْ الرَّبْح والخْسَارِة
وَالخَتْمَة والطْهَارَة
شَدُّو الأمْوَاج جُغْمَة جُغْمَة نْتْوَضَّا ...
.........................................
راه الصْلاَ بِينْ الفْجَر والضْحَى
وَشْمَة فَطْحَة
عْلَى جْبِينْ القَاعَدْ
على زَرْبِيَّة المْتُونْ والقَعْدَة .....
....................................
ياالتَّالفْ فِي مَرسُول الكْلام
والقَصْعة والسِّيسَان ْ
هَزْ بَنْدِير ْالصْفَا .
والمَنْجَل اللَّي مَن سَعُدو حْفَى
دَكُّو نَاقُوسْ الرَّعْدة بِغُدَّة...
......................................
السعدية الفاتحي | التوقيع |
المداد روحي أَكتب ولا أَمَلْ
فالروح تصدح والرِّواق ٱنْتشلْ
عُزلَة الأَصابعِ في الكلمةِ قُبَلْ
فَ بُحْ وَزدنِي ألمَْ...... لِحزنٍ تَوطَّن َوٱرْتَجَلْ
.فالقلب ربَضَ وشاح الحبِّ ...وَفشلْ السعدية الفاتحي | |
| |