2014-12-18, 22:49
|
رقم المشاركة : 1 |
إحصائية
العضو | | | بغيت ندير مع راسي الصواب , شاف فيا وسد عليا الباب | بغيت ندير مع راسي الصواب , شاف فيا وسد عليا الباب ليوم داخ عليا راسي
وهرب ليا نعاسي
واصبحت فحيرة وعذاب
قلت لراسي ياراسي
شحال انتَ قاسي
ليوم ندير معاك الصواب
شاف فيا ياناسي
وقال ليا بلسان قاسي :
غذا نرد عليك الجواب
بقيت ياناسي بلا راسي
الصباح فقت من نعاسي
ودقيت على راسي الباب
لقيت راسي ناعس وناسي
باش نفكر ياناسي ؟
وهاذ الراس ماعطاني جواب
هاذ الراس ياناسي
مابقى راسي
شحال فيه من عطاب
شوية وانا فحيرة مع راسي
جاني من ناس الحال جواب
خليت راسي ناعس وناسي
وسديت عليه الباب
وهكذا ياناسي
خفاف عليا راسي
وتهنيت من لعذاب
بقيت عايش بلا راس ياناسي
وعاد حسيت براحة راسي
ومابقيت باغي منو جواب
الله على راحة ياناسي
راسي خوا ورجع ليا نعاسي
وحلفت ماندق على راسي الباب بقلم : ابو العز | التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
| |