منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

تعليمنا يا ناس بيخير
شكون قال ليكم خاسر
ما خاصو الحمد لله حتى خير
بيكم ديما ياناس محاصر
جربتوا فيه نظريات الغير
وقلتوا ليوم هاذ المعلم ضاسر
من زمان عطيتوها للشخير
وليوم عاد بان الطير الكاسر

حلمتوا خير وسلام
قطار التعليم هرب عليكم
بغيتوا تهزوا ليه لعلام
لقيتوا التعليم ساخط عليكم
كيف يدير يسمع الكلام
وبالو ماشي مرتاح ليكم

التعليم ديالنا يا ناس
واحنا هوما مواليه
انتوما هديتوا ليه الساس
وليوم عاد بغيتوا تباليوا بيه
نسيتوا المعلم فالجبال عساس
وليوم وليتوا تعيبوا عليه
التغيير مزيان يا هاذ الناس
ومزيانة هاذ الالتفاتة ليه
لكن لقيتوا المعلم تهرس ليه الراس
وصعيب هاذ الراس يجبر ليه
اتقاوا الله فهاذ العبد المحتاس
وبركة ما تتكالبوا كلكم عليه