2014-09-06, 22:38
|
رقم المشاركة : 1 |
 إحصائية
العضو | | | 
|  ياذاك الطالع للجبل عنداك تنسّيك الدنيا عيشة لوطا ؟
|  |
ياذاك الطالع للجبل ,عنداك تنسّيك الدنيا عيشة لوطا ؟
ياذاك الطالع للجبل
عنداك تنسّيك الدنيا
عيشة لوطا ؟
تبقى شاد فحبل
حتى تتعب وتعيا
وعقلك يتسطى
ياذاك الطالع للجبل
وانت طالع
مع سرب لقطا
حذر عينيك
راك خليتي جدورك فلوطا
فيه لصحاب ولحباب
ولالة مولات الحَطَّة
ياك تْمَّ دكيتي لوتاد
وتْمَّ اولدتي لولاد
وتْمَّ خاويتي لسياد
ياك تْمَّ لفراش
وتْمَّ لغطا
رُدّْ بالك
ياذاك الطالع للجبل
تْمَّ تلقى ناس
تزحف على كروشها
كيف لحناش
وتْمَّ تلقى فاس
تْطَيّْحْ للشجرة عروشها
وتْمَّ تلقى بوكريشة عاسّْ
ينهب للناس قْروشها
وتمَّ أنا ديما حاسّْ
بْاللّي الخيل عْلاَّت سْروجها
وفاقت من النعاس
وتْمَّ قلتْ ماكاين باس
يلا تقطع عرش
لابد ينبتوا عروش
ويلا ضاع قرش
لابد يجيب الله قروش
تْمَّ تلقى ناس
تطلع درجة درجة
وتلقى ناس
تطلع بلا حتى شي درجة
واخا لعقل خاوي
والحالة عرجة
ياك فذاك لوطا
ركبنا لهبال
وهْدّينا لجبال
وكسّرنا لغلال
ياك فذاك لوطا
كنا حباب كنا لامة
وكنا اصحاب في دربالة
ياك فذاك لوطا
صنعنا حلام
هزينا علام
وساح مدادنا كلام
ليه صوت ورْنَّة
ينسج معنى
ويغزل كلام
وينشد مغنى
ويْعلّي مقام
ياذاك الطالع للجبل
عنداك تنسّيك الدنيا
عيشة لوطا ؟
بقلم : أبو العز |
| التوقيع |  أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
|
|  |