2010-02-13, 19:48
|
رقم المشاركة : 1 |
إحصائية
العضو | | | هادا ما قال الكائن الفضائي ... | هادا ما قال الكائن الفضائي ...[IMG]http://www.hespress.com/trigil/*****/files/newspublish/55c73_robot_copy.jpg[/IMG] بونضاضر
المغرب سنة 2020... المدن بدون صفيح، الزناقي نقية و الطرقان مريكلة و الحفاري متدورش. المدارس كثيرة و الأقسام مفركسة و الطاولات نقية و التلاميذ حافظين و المعلمين نـاشطين - لحقاش زادوهم فالسالير - ، الصبيطارات ريحتهم زوينة و الفرمليات حنانات و ضريفات و المرضى قلال. الهواء نقي و السيارات ماشين بشوية و الناس محتارمة القانون و البوليس داير خدمتو مزيــــان. المدن مأمنة كثر من القياس و الكريساج مكاينش حسو و الشماكرية تقلب عليهوم متلقاهم.
الخبز غير بعشرة دريال و الحليب بجوج دراهم و الحلوة غير فابور ، اللحم رخـــيص و الحوت رخص منو - جوج بحورا- . معدل الأمية والو في المئة، البطالة غير اشاعة، كـــــــــولشي خدام و الأجور مرتافعة و الطبقية تمحات.
الفن تنقا، السينما وعارت و تمجهدات، أما الموسيقى والأغاني خلاص. الرتب الأولى فجميع المسابقات الرياضية و المنتخب الوطني لكرة القدم فاز بكأس العالم...
هادشي ماشي كلامي أنا، هاد الكلام هو لي سمعت مني سونا تيليفوني و جاوبت، النمرة كانت طويـــلة و غريبة، غير قلت ألووو .. بدا عليا المتصل بهاد الكلام، بقيت غير ساكت و نسمع، قلت مع راسي هدا غير شي واحد مريكل و تيتسطا عليا، وزدت شكيت كتر مني سولتو شكون هو، و قال لي كائن فضائي !!! المهم هو أن المتصل قال لي : " هادشي كامل لي تكلم عليه راه غادي يتحقق سنة 2020 " و قطع عليا.
بقيت نفكر فهاد القضية حتى ضرني راسي، و قلت بزاف هادشي كامل، كل هاد التغيير فظرف عشر سنين، مايمكنش ؟
وأنا مازال حاير وضايخ، سونا تيليفون و نفس الرقم عوتاني، غير قلت ألووو ... قال لي : " واش نتا مريض و لا فايت مصطي، هادشي لي قلت ليك راه غادي يوقع في سنة 2020 هجرية "
هيسبريس. | التوقيع | | |
| |