2014-03-31, 23:01
|
رقم المشاركة : 1 |
إحصائية
العضو | | | حطيت السلاح وبغيت نستَراح | حطيت السلاح وبغيت نستَراح حطيت السلاح بغيت نتسراح ودموعي على ركابيا ساحو كل مابنيتو اليوم راح والبوم علينا ناح وزاد فنواحو الباطل ديما طياح واليوم علينا طاح وزاد فطياحو القهر علينا تلاح وفاضت علينا قراحو والشياط علينا فاح وكواتنا ياناس جراحو الغدر مابينا ساح وركابينا طاحو الجبل فينا طاح وحجارو راحو فين اللسان البراح وفين برَّاحو وفين البلبل الصداح وفين صداحو تخلط الليل مع الصباح وماعرفنا ليلنا من صباحو كثرت لحزان ولقراح ورضينا بالمكتاب وقراحو الفرح هجرنا وراح وصعاب علينا رواحو والقلب شحال قصاح لحجر غار من قصاحو والهم مابغى علينا ينزاح حالف يبصمنا بجراحو والهَمّْ لاش يصلاح يلا ماجرب فينا سلاحو؟ الجبل الشامخ تهد وطاح ولوطا عاجبو طياحو الواقف ديما يقاوم لجراح الله يطلق سراحو والواطي ديما مطاطي مرتاح وقايم فراحو | التوقيع | أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
| |